الموضوع: ايهما اقضل

لو حابب تسال على الكليو ادخل قسم الرينو واسال اكيد اللى معاه العربية ادرى طبعا مننا ويمكن يكون فيه حد عايز يبيع اهو التعامل هنا مع الاخوة فى المنتدى احسن من السوق طبعا

انا شايف ان الكليو مناسبه جدا بس لو حالتها كويسه لان لو حالتها تعبانه هخليك تكره اليوم الى ركبت فيه عربيات
مميزات الكليو ثبات افضل من الاكسيل -ناعمه على الطريق - قطع غيار معقوله خارج التوكيل وداخل التوكيل متوسطه - تقفيل افضل - استهلاك بنزين ممتاز جدا جدا -كماليات معقوله يعنى كلها فيها ايموبلزر واير باج للسواق
عيوبها الكبنه الخلفيه ضيقه جدا - اعاده بيه صعبه شويه بس بتباع -

المشاركة الأصلية كتبت بواسطة john4

بس انا عرفت ان قطع غيارها غاليه جدا بدليل ان سير الكاتينه ب 450 جنيه والكوبالن الواحد ب 300 جنيه؟؟؟؟؟؟؟؟؟؟؟؟ عشان كده انا قلقت منها وبفكر فى الاكسل سير الكاتينه ب 40 جنيه

هيه طبعا قطع غيارها اعلى من الاكسيل ولانوس
بس انت لو حسبت سير الكاتينه ب450 ده اصلى من التوكيل وبيعد 60 الف كم وبره ممكن تلاقيه ارخص من كده بكتير جدا بس مش اصلى
كمان سير كاتينه الاكسيل لو ب45 جنيه اكيد مش اصلى ومش هيعمر معاك
عموما قطع غيار الرينو غاليه عن الكورى القديم بس مش نار زى ما الناس متصوره والدليل انى معايا كليو من الزيرو وبتعملها صيانه فى الوكيل لغايه دلوقتى والعربيه بسم الله ما شاء الله زى الفل وكان معايا لانوس من اربع سنوات ومكنش حاسس ان الكليو قطع غيارها نار بالنسبه للانوس مثلا
عموما ربنا يوفقك فى الى فيه الخير وتلاقى حاله كويسه سواء كليو او اكسيل او اى ماركه تانيه