الموضوع: عاوز اشتري c4 Picasso جديدة و خاااااايف

المشاركة الأصلية كتبت بواسطة mody3on

ازاي تقارن بين ستيشن واجن وبين عربية شبابية تربو ؟ مقارنة مش متكافئة خالص

شكرًا للتعليق لكن البيكاسو SUV و في الحقيقة ممكن مقارنتها بالاسترا الهاتش باك في اكتر من نقطة:
قوة المحرك و العزم :الموتورين تربو و قريبين من بعض جداً من حيث قوة الحصان و العزم
العفشة ؛ الستروين و الاسترا بيستخدمو أنظمة تعليق محترمة
الثبات: لصالح الاسترا لانها مش بنفس ارتفاع ستروين
بعض الاوبشنز الإضافية ؛ بلوتوث و حساسات ركن و كام حاجة ثانوية لصالح الستروين
الأمان : فارق ٢ ايرباج بمجموع ٦ لصالح ستروين مقابل ٤ باسترا
السعة الداخلية : طبعا ستروين و كذلك حجم الشنطة لكن الاسترا أيضاً صالونها الداخلي مش ضيق و الشنطة الخلفية معقولة جداً.
سعر اعادة البيع و سهولته: الاتنين ضايعين لكن الاسترا افضل حالا بالطبع
التوكيل: كل توكيل ممكن تقرا عنه في كل المنتديات قصائد شعر ... هجاء طبعا :)))
قطع الغيار ؛ غالية كفرنسي و ألماني بس انا معرفش انهي أغلي ، بس كله قال ان الاتنين معمرين
السعر زيرو ٢٠١٢ : ١٩٠الف ستروين و الاسترا ٢١٤ الف وفي عرض من عز العرب اليومين دول انك تاخد ٣ سنين تغيير زيت و فلاتر طول فترة الضمان
كان في مقارنة حلوة أوي بين أوبل و ستروين سي فور كان فيها مشاركات قيمة جداً أظن اسمها Opel vs Citroen و الحقيقة انا استفدت منها جداً ، الاتجاه العام تفضيل الاسترا ميكانيكيا علي الستروين.
تحياتي

http://www.nilemotors.net/Nile/28498...roen-c4-6.html
ده رابط المشاركة اللي أقصدها :)

المشاركة الأصلية كتبت بواسطة mody3on

اولا الستروين mpv مش suv , يعني زي الكارينز
بس ما دام عاوز c4 ما تجيب العادية وتوفر فلوسك ؟ اصل ملهاش لازمة البيكاسو لو مش عاوز عربية عائلية , منفوخة وشكلها مش حلو وبصراحة انا بكره عربيات ال mpv , حتى متعرفش تجري بيها عالطريق :d
بس لو عاوز suv مفكرتش في السبورتاج ليه

بصراحة انا بحب ال mpv جدا و بحس انها عملية و عصرية جدا. العادية حلوة جدا طبعا باستثناء المساحات التخزينية الزيادة و بعض الاوبشنز
هي اذواق طبعا ، اخويا مثلا من انصار سكودا رومستار :)
شكرا لاهتمام حضرتك و ردك :))