الكشف على سياره اكسارا 2 اوتوماتيك

**mostbader** · 27-09-2012 02:11 AM

السلام عليكم
انا ادامى عربيه اكسارا 2 اوتوماتيك ماشيه 140 الف و عاوز اكشف عليها و خاصا الفتيس الاوتو و كارتات الكهرباء بتاعتها علشان دول اغلى حاجتين
و طبعا كبس الموتور المفروض يكون كام معدله الطبيعى
و اى نصائح تانيه انا عاوز اسمع منكم

**مواطن مصرى** · 27-09-2012 03:14 AM

للأسف الشديد العربيه دى اتظلمت قوى فى مصر مع انها من احسن العربيات اللى نزلت مصر ... انا نسيبى كانت معاه الاكسارا الاوتوماتيك كذا سنه و كان هاريها مشاوير و سفر و مشى فى طرق مكسره و لا عمرها اشتكت بس المصيبة فى توكيل عز العرب اللى عقد الناس من ماركه ستروين بصفه عامه ...

شوف حضرتك لو مش فارقه معاك الفلوس ممكن تكشف عليها فى مركز امير و جوزيف فى الحى السابع بمدينه نصر فى شارع ابوداوود الظاهرى ... بس خد بالك هما حراميه و متخليهومش يعملوا اى شغل فى العربيه اسمع منهم بس ...

لو عايز مركز تانى اقل فى التكلفه عندك ورشه الاسطى محمود فى الحى السابع بعد الشبراوى اللى عند موقف الحى السابع تمشى يمين هتلاقى شارع كله ورش و بتوع قطع غيار سيارات اسال اى حد عن الاسطى محمود بتاع الستروين و البيجو الف مين يدلك .. و انت لوحدك لو رحت الصبح هتلاقى العربيات الستروين واقفه قدام ورشه واحده فى الشارع ده هى دى ...

اخيرا : لو فيه مشكله فى الفتيس الاوتوماتيك ابعد عن العربيه دى لان فتيسها الاوتوماتيك فى توكيل عز العرب كان بـ 8000 جنيه سنه 2005 .... الله اعلم دلوقتى هتلاقيه و الا لا ... و لو لقيته هتلاقيه بتمن عربيه تانى ...

**mostbader** · 28-09-2012 03:10 AM

اصل انا فى الاسكندريه اكشف عليها فى عز العرب ولا عند اى ميكانيكى صاحبى و لو حجربها بنفسى اعمل ايه

**fepsceasar** · 04-10-2012 03:56 PM

كنت هقولك على ايهاب جلال فى المعادى
مهندس محترم ويفرق عن اى ميكانيكي
متهيالى واسالبعد كلامى لو فى حد بيشتغل فى بيجو حديث فى اسكندرية هيكون بيفهم فى الاكسارا 2