الموضوع: شكراً لحسن تعاونكم

المشاركة الأصلية كتبت بواسطة adwyy

شكراً للأخ Seatlover على الأهتمام و الرد بس كنت عايز أعرف موضوع الكربرتير ده بيأثر في أستهلاك البنزين و سحب السيارة ( بالنسبة للكرولا )انا اعرف أن الهوندا أنجكشن فياريت توضحلي الأفضل انجكشن او كربيراتير من حيث استهلاك الوقود و سحب السيارة لاني كما وضحت اسافر كتير على طريق بلبيس الزراعي

شوف يا adwyy موضوع الكربراتير و الانجيكشن مش هو الفارق الوحيد فى موضوع استهلاك البنزين هتلاقى الاتنين متقاربين تقريباً لنفس تكنولوجى موديل السنة الموجود فى المحركين ...بس خد بالك من النقط دى
السيفيك فى منها ال 1500 كربراتير و ال1600 انجيكشن
ال 1600 افضل طبعاً و اى منهم بيعتمد على الحالة اللى قدامك
وهى تقريباً هتلاقيها بتعمل حوالى 250 كم فى الصفيحة و اكتر خلال السفريات
الكورولا ممكن بتعمل 270 جوة البلد واكتر فى السفريات و دة راجع لقوة موتور الهوندا اللى لما بتقرص علية مابيرحمش لا فى سرعة ولا فى بنزين

خد بالك ان السيفيك قريبة من الارض ..لكن طبعاً فى السحب و الشد لا يعلى عليها
الكورولا بتمتاز بتوافر قطع غيارها و سعرها المعقول

والاتنين حلوين اوى فى سعر اعادة البيع

وبالنسبة للمقارنة مع النوبيرا ...... مفيش اى وجة مقارنة طبعاً
الهوندا او الكورولا موضوع كبير اوى

ارجو ان اكون قد افدتك الى ان يأتى احد من خبراء الهوندا يفيدك اكتر
وربنا يوفقك ان شاء الله