الموضوع: هل موديلات صنى الجديد بتنزل من فلتر التكييف

بس فعلاً عدم وجود الفلتر يؤثر على كفاءة التكييف لأن تراكم الأتربة على السربتينة سيؤدى إلى مشكلتين .. المشكلة الأولى خفض كفاءة التكييف و أقصد هنا كفاءة التبريد و هذا بالفعل ما شعرت به فى أخر الصيف الماضى رغم ان سيارتى موديل 2010 يعنى لسه بدرى قوى على الكلام ده .. المشكلة الثانية سيؤدى إلى خفض العمر الإفتراضى للتكييف بصفة عامة و السربتينة بصفة خاصة .. ربنا يسهل يتوفر وقت و أركبه فى أقرب فرصة إن شاء الله ..

المشاركة الأصلية كتبت بواسطة zion

على فكرة الكلام ده فعلا بيحصل وانا شايف ان ده استهتار بالمستهلك المصرى لانه لا يطالب بحقه وللاسف دى بقت حياتنا كلها كده..

ان اشتريت سيارة نيسان 2011 فى شهر 7/2011 واكتشفت وقت صيانه الالف ان التكييف من غير فلتر وعرض التوكيل عليا عرض انى اركب الفلتر بمصنعيه مجانية ولكن ثمن الفلتر 185 جم
بصراحة انزعجت جدا
العربية ماشاء الله ممتازة ليه مايركب فيها فلتر تكييف
المهم قمت بعمل شكوى رد شركة نيسان جاء ان المصنع له الحق فى تصميم العربية بالشكل الذى يراه
وقمت بعمل شكوى فى جهازحماية المستهلك

واسمريت فى متابعة الشكوى وبعد حوالى شهرين تم الاتصال بى من لجنة السيارات فى حماية المستهلك لحضور لجنة وسوف يكون ممثل شركة نيسان موجود فى هذه اللجنة وتعرض عليه المشكلة

حضرت فى الميعاد المحدد وكان هناك ممثل من كايهة الهندسةجامعة عين شمس وممثل من هيئة الجودة بصراحة كانت منظمة
ولكن ممثل نيسان رفض تركيب الفلتر
فى النهاية قام رئيس اللجنة باخطار ممثل نيسان اما ان يتم تركيب الفلتر او يتم عمل دعوى قضائية وسيتم تغريمة مبلغ 100.000 جم
الخلاصة لم تمر 60 دقيقة حتى وافق ممثل الشركة وطلب منى احدد الوقت المناسب ليتم تركيب الفلتر مجانا وتم تركيبة بالفعل فى مركز السبع ولم ادفع جنيه واحد ...
معذرة على الاطالة

تحية خاصة لحضرتك و ياريت كلنا نعمل زيك .. وقتها الكل حايفكر 100 مرة قبل ما يعمل حاجة زى كده علشان عارف أن الناس إيجابية و تعرف يعنى حقوق و يعنى واجبات

Land Cruiser

تحية خاصة لحضرتك ياريت كلنا نعمل زيك .. وقتها حايفكروا 100 مرة قبل ما يعملوا حاجة زى كده .. الإيجابية و معرفة الحقوق و الواجبات هى ما ينقصنا بشدة نحن المصريين ..