حد جرب يلغى الثرموستات

**khaledmohamed07** · 15-01-2009 01:59 AM

اخى العزيز
مع كامل احترامى الشديد للسيد الميكانيكى العبقرى
ارجو ان لا تلغى الثرموستات المشار الية حتى تحافظ على موتور سيارتك على المدى البعيد حيث انها فى غاية الاهمية
و لعلم سيادتك ان مشكلة السيارة حسبما فهمت انها دايو
فارجو ان تقوم بتغيير طلمبة البنزين حيث انها سبب المشكلة و باختصار انها لما بتسخن بتقطع او بتفصل
مع تمنياتى بالتوفيق و ابقى طمننى

**Shiref_mohamed** · 15-01-2009 11:07 AM

:

المشاركة الأصلية كتبت بواسطة lol656

يا سيدي انا مقصدش بس والله العربية فضلت تسخن جامد والميكانيكيا احتاروا عملوا كل حاجة لغاية مجابت جواني وش السلندر ورحت التوكيل فشالو الترموستات

ياريت حضرتك تقولنا فين التوكيل الجميل ده الى شالك الثرموستات عشان العربية بتسخن

**Shiref_mohamed** · 15-01-2009 11:09 AM

المشاركة الأصلية كتبت بواسطة khaledmohamed07

اخى العزيز
مع كامل احترامى الشديد للسيد الميكانيكى العبقرى
ارجو ان لا تلغى الثرموستات المشار الية حتى تحافظ على موتور سيارتك على المدى البعيد حيث انها فى غاية الاهمية
و لعلم سيادتك ان مشكلة السيارة حسبما فهمت انها دايو
فارجو ان تقوم بتغيير طلمبة البنزين حيث انها سبب المشكلة و باختصار انها لما بتسخن بتقطع او بتفصل
مع تمنياتى بالتوفيق و ابقى طمننى

ايه علاقة طلمبة البنزين بالسخونية

**abzoabzo** · 15-01-2009 11:42 AM

انا اشتريت العربية وهى مافيهاش ثرموستات كوعة والكهربائى قالى مافيش مشكلة بس كان نفسى ارجعها تانى علشان انا مبخونش الخواجة واكيد هو عاملها لسبب
لغايط واحد صحبى ب بولو جابتله وش سلندر نتيجة للصداء مع انهم بيحطوا مياه حمراء وعمره مقرب من مية الحنفية

**zeka127** · 15-01-2009 06:07 PM

يا جماعه انتو لفتو نظرى لحاجه مكانتش فى دماغى خالص انا عندى العربيه بتاخد وقت كبير عشان مؤشر الحراره يتحرك ولو مشيت فى طريق مفتوح لمدة دقيقه واحده بس المؤشر بتاع الحراره بينزل على الاخر اكنى لسه متحركتش انا كنت فاكر ان هيه العربيه كده بس من الكلام الى شايفو اكيد كده عندى الترموستات متشال صح ولا ايه؟ ولو فعلا الى كان قابلى شايله اعرف ازاى واشتريه منين ومين الى بيركبه وبكام انا اصلى العربيه لسه جايبها قريب لانوس 1 موديل 2000

**samirayad** · 15-01-2009 06:21 PM

المشاركة الأصلية كتبت بواسطة zeka127

يا جماعه انتو لفتو نظرى لحاجه مكانتش فى دماغى خالص انا عندى العربيه بتاخد وقت كبير عشان مؤشر الحراره يتحرك ولو مشيت فى طريق مفتوح لمدة دقيقه واحده بس المؤشر بتاع الحراره بينزل على الاخر اكنى لسه متحركتش انا كنت فاكر ان هيه العربيه كده بس من الكلام الى شايفو اكيد كده عندى الترموستات متشال صح ولا ايه؟ ولو فعلا الى كان قابلى شايله اعرف ازاى واشتريه منين ومين الى بيركبه وبكام انا اصلى العربيه لسه جايبها قريب لانوس 1 موديل 2000

انتى جاوبت على جزء من السؤال اللى يخليك تعرف انت شارى العربية وفيها ثرموثتات أو لاوهو غياب فترة التسخين وانخفاض مؤشر الحرارة مع الأماكن المفتوحة.......الحاجة الثانية لو العربية بتأكل بنزين (فى حالة ان الرشاشات سليمة)

**waleedrahmy** · 15-01-2009 08:13 PM

بص يا سيدى...

بيقولك زمان كان فيه بلد فيها ملك

الملك دة خلف ابن بس كان عندة عيب خلقى

الولد كان بودن واحدة

الملك زعل على ابنة و خاف الاولاد يعايروة بانة بودن واحدة

الملك طلع قرار ان كل الاولاد اللى يتولدوا يتقطع ودنهم عشان يبقوا زى ابن الملك

و فعلا اتنفذ القرار لسنوات و العيال بقت كلها بودن واحدة

فى يوم من الايام الملك دة مات

و بعد ما مات مبقاش حد يقطع ودن العيال

واحد من العيال اللى من الجيل اللى متقطعش ودنة دخل المدرسة

كل العيال اللى بودن واحدة شافوة و استغربوا

العيال اتلمت حوالين الواد و بقوا يعايروة و يقولوله: ابو ودنين اهو... اهو

وصلت الفكرة؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

محمد باشا ممدوح بيوصل لبيت القصيد مباشرة......................حلوة القصة دي ياعاشق الدايو...........

**zeka127** · 15-01-2009 08:56 PM

المشاركة الأصلية كتبت بواسطة samirayad

انتى جاوبت على جزء من السؤال اللى يخليك تعرف انت شارى العربية وفيها ثرموثتات أو لاوهو غياب فترة التسخين وانخفاض مؤشر الحرارة مع الأماكن المفتوحة.......الحاجة الثانية لو العربية بتأكل بنزين (فى حالة ان الرشاشات سليمة)

هو الثرموثتات لو مش موجود بيخلى العربيه تاكل بنزين؟؟؟

**samirayad** · 15-01-2009 09:41 PM

المشاركة الأصلية كتبت بواسطة zeka127

هو الثرموثتات لو مش موجود بيخلى العربيه تاكل بنزين؟؟؟

وجود الثرموثتات لة دور حيوى فى التحكم فى درجة الحرارة المثالية الازمة للحريق......بمعنى أنة فى بداية تشغيل المحرك ...يطلق على دورة التبريد للمحرك(دورة قصيرة)وفى هذة الحالة فان الثرموثتات يمنع المياة من الذهاب الى الردياتير وبالتالى هنا تظهر أول فائدة لوجود الثرموثتات ...ألا وهى الاسراع بتسخين المحرك.....................................� �انيا مع ارتفاع درجة الحرارة بعد التحرك بالسيارة يبدأ الثرموثتات بأن يفتح تدريجيا الى أن يصل الى أقصى فتحة (تقريبا مع درجة حرارة فوق 75 درجة مئوية)....وفى هذة الحالة يطلق على دورة التبريد( دورة طويلة) لأن الثرموثتات فى هذة الحالة يسمح للمياة بالذهاب الى الردياتير للتخفيف من ارتفاعها(وذلك باجراء انتقال حرارى بالاشعاع مع الجو الخارجى).....نعود مرة أخرى الى علاقة الثرموثتات باستهلاك البنزيننحن تعلم أن وحدة التحكم الالكترونى بالسيارة تعمل من خلال مجموعة من الحساسات ومن بينها حساس درجة حرارة مياة التبريد.....وبالتالى فانة يلزم درجة حرارة معينة ومقننة لكى تقوم وحدة التحكم بتنبية الرشاشات لضخ كمية البنزين الازمة للحريق...وفى نظام الحقن الالكترونى يطلق على الحريق فى هذة الحالة(closed loop )حيث يكون هناك انسجام فى هذة الحالة بين وحدة التحكم ومنظومة الحساسات......بصراحة مش عاوز أطول عليكوا عن كدة علشان متملوش من الكلام...........أشكركم لسعة الصدر