بخصوص الثرموستات

**mrghost** · 28-05-2008 08:30 AM

السلام عليكم ورحمة الله
انا عايز اغير ثرموستات العربية (شاهين )واخليها تشتغل عند 80 او 70 درجة لان العربية عندى لما بتسخن الاسطوانة بتاعة الدبرياج بتفضل ترعش العربية كل ماجى اطلع بيها فياريت حد يقوللى على نوع الثرموستات اللى تركب عندى وبكام وشسكرا

**HRH_Sameh** · 28-05-2008 09:11 AM

اعتقد ده هايأثر على عمر المروحة وهايبقى اجهاد على الكهرباء
بص انا كنت عامل موضوع كده بس رجعت فيه
كنت شايل الترموستات بتاع الكوع اللي بيخرج الميه من الموتور ع الردياتير
وكنت مركب مروحة شغالة على طول على طرمبة الميه
الحرارة كانت مش بتزيد عن 80 في أحلك الظروف وعلى طول 70 او اقل
بس طبعا كانت بتفضل باردة مده كبيرة جدا

الأحسن تسيبها زي ما هي كده من غير لعب في حاجة

**mrghost** · 28-05-2008 09:17 AM

شكرا لردك ياسامح باشا بس اصلى انا عامل مفتاح للمروحة بشغلها بيه من ساعة ماشتريتها والحمد لله تمام وانا اصلا مركب بطارية 70 يعنى ان شاء الله مفيش اجهاد على الكهرباء وانا بصراحه اهم حاجة عندى الماتور ما يسخنش لانه بيبهدلنى كل ماجى اطلع بالعربية وبقيت اسمع صوت الصليبة بسبب الحكاية دى وشكرا

**galilio_mad** · 28-05-2008 01:08 PM

بس عن تجربة السخونية اللى تخلى الاسطوانة ترعش دى سخونية جامدة
مش مجرد ان الحرارة اعلى شوية من الطبيعى

جرب تظبط الدبرياج الاول و اغسل دورة المية و إن شاء الله حتحل المشكلة

**فادى** · 28-05-2008 04:43 PM

المحرك مصمم للعمل عند درجة حرارة معينة لمياه التبريد, كى يعطى أقصى كفاءة.
عندما تقل الحرارة عن الحد الطبيعى (فى الشاهين 90-92 درجة مئوية), يفقد المحرك جزء كبير من كفاءته لأن الكثير من الطاقة تضيع فى التبريد.
ده بالاضافة انو المبالغة فى التبريد بتسبب فى اجهادات حرارية زائدة على المحرك, تتسبب فى تقصير عمره تماما مثل الحرارة الزائدة.

**eldeplomasy** · 28-05-2008 08:59 PM

بلاش فعلا لان البروده الزيادة هتقصر عمر المحرك وكمان عمر مروحة الردياتير ولو انت شايل الكوعه يفضل ترجعها تاني بس اغسل الردياتير في محطة بنزين وحط ميه زرقاء مش خضراء لاني عانيت من الموضوع ده كتير جدا ويفضل في جركن امريكي الصنع ميته زرقاء ب50 جنيه 4 لتر تقريبا او اقل حاجه بسيطه والمادة الاساسية فيه ايثيلين جليكول وهي المادة الفعاله في تبريد محرك الشاهين لانه زهر والردياتير النحاس وش هقولك هات جركنين انت هات واحد بس وابقى زود بميه زرقاء الجركن ب20 جنيه

ويفضل متغسلش دورة التبريد يفضل اكتر تسلكه لاني كنت غلسته كذا مرة يتضبط كام يوم ويرجع يبوظ تاني لحد ما سلكته ومن بعدها اتضبطت الحراره

**mrghost** · 28-05-2008 09:01 PM

شكرا جميعا لردودكم وجارى التنفيذ ان شاء الله

**eldeplomasy** · 28-05-2008 09:04 PM

اي خدمه بس ادعيلنا بقى

**mrghost** · 28-05-2008 09:10 PM

ربنا يكرمكم كلكم ويجعلنا جميعا من اهل الجنه
(شويه وهاشحت بقى هاهاهاها )

**eldeplomasy** · 29-05-2008 03:37 PM

ههههههههههههههههههههههههه ه

كل ده بسبب الشاهين

الموضوع: بخصوص الثرموستات

LinkBack

أدوات الموضوع

عرض

-

-

المواضيع المتشابهه

سؤال بخصوص الثرموستات والحرارة

حد جرب يلغى الثرموستات

استفسار عن نوع الثرموستات

هوا فين الثرموستات ده !!!!

كوعة الثرموستات

الكلمات الدلالية لهذا الموضوع

المفضلات

المفضلات

ضوابط المشاركة