الموضوع: طريقه تغيير ترموستات الكوعه فى النوبيرا 2

السلام عليكم ورحمة الله وبركاته
لاحظت من فتره ان العربيه بقت تاخد وقت عشان تسخن وعىل الطرق السريعه اول ما ازود عن 120 مؤشر الحراره يبقى على حرف ال c وصوت الماتور يبقى مش تمام
اتوكلت على الله ونزلت اشتريت ثرموستات كوعه gm وجوانين ليها
اول حاجه العربيه لازم تبقى باااارده عشان ايدك متسحش من حراره مياه الردياتير
اول حاجه

فك الخرطوم اللى موصل الميه للبوابه
فك الخرطوم اللى واصل الكوعه بالردياتير
بعد كدا فكيت الكوعه القديمه وهى راكبه بمسمارين فكهم ببيبه 10 او 12 تقريبا
هتطلع الكوعه فى ايدك " ممكن تزقها بمفك عاده
هتطلع الكوعه وهتلاقى عليها ممكن حبه صداء او تجمع املاح
انا فكتها وغسلتها على الحنفيه فى البيت ونضفتها من اى املاح او صدأ
وشلت بواقى الجوان الى راكب عشان كان لازق فيها
ولاقيت ان الثرموستات مكسوره حته منها مخليها معلقه على انها تفضل مفتوحه " طبعا الحمد لله انها معلقتش على انها تبقى مقفوله كان زمان الماتور فى الباى باى "
المرحله التانيه وهى مرحله التركيب
هتجيب الجوان وتركبه فى الثرمويتات الجديده
وانا عملت حاجه
جبت سليكون حرارى وحطيت منه كميه بسيطه فى تجويف الجوان وركبت فيه الكوعه

By blazer10 at 2012-04-16



By blazer10 at 2012-04-16



By blazer10 at 2012-04-16


ملحوظه : فى O ring بيركب بين الكوعه والبلوك دا انا ملقتش زيه فجبت جوان زى اللى بيركب فيه الثرموستات وحطيته بس حطيت جواه سليكون وسبته ينشف عشان الجوان دا مفرغ
وحطيت سليكون على مكان اللى بتركب فيه الكوعه فى البلوك عشان ميبقاش فيه اى احتمال للتسريب وركبت الكوعه وقفلت المسامير بنفس الترتيب

دورت العربيه لاقيتها بتسرب :(
اتارى الخرطوم اللى واصل للبوابه كان بايظ فقصيت اول 2 سم منه وركبته والحمد لله مسربش تانى
العربيه الحمد لله بقت تسخن فى 3 دقايق ومبتبردش عن الاول

الله ينور عليك :)