بدائل Gen.2 FaceLift فى حالة فشل الصفقة

**SEATLOVER** · 15-06-2008 09:25 PM

اية الموضوع دة
انا اول مرة اخد بالى من الموضوع دة
والله موتنى من الضحك
مش قادررر

يعنى فعلاً هم يبكى و هم يضحك .. دى احوال البلد ..عشان يبقى بنتمنى موديل جديد ينزل فى وقتة ..اظاهر دة شىء خيالى هنا

بس مش حاجة ابداً وحشة لا سمح الله .. بس يعنى الموقف كلة

على العموم لو يهمكوا راييى بصراحة
تركيبة الجين2 بكل ما فيها من سلبيات و ايجابيات ... مش موجود بدائل ليها لحد 150 الف بصراحة

يعنى انا راييى من راي توت ... البديل الجين 2 الحالية و تتظبط بالباقى
وكمان حاجة ...ماتستعجلوش يا جماعة انتوا كان عندكوا هدف وكدة كدة لازم يحصل ان شاء الله غصب عن التوكيل ..دة موديل جديد و كدة كدة الموديل دة هاينزل

وساعتها لو السعر ماكنش كويس ..ممكن يكون فى اختيارات تانية وقتها او بدائل
ذى (الهيونداى كوبية الجديدة لو نزلت - فى كلام عن مازدا 3 كوبية -....)

الخلاصة :
اللى غاوى جين 2 زيكوا .... صعب جداً يرضى بحاجة تانية فى حدود سعرها

**Eng.Sameh** · 15-06-2008 11:07 PM

ماهو ده اللي مغلبني يا Lover
لو ردهم كان سلبي همشي في سكة ال 150000 ، رغم اني مقتنع جدا بالجين 2 الهاي لاين الجديدة ، وشايف انها رأئعة وبالذات بالسعر ده ( 100000 )

يا رب يوافقو !

وعموما انا هفضل وراهم لحد باب الدار :)

**AhmedGen2** · 16-06-2008 01:02 AM

أنا لسه واخد بالى من الإبيزا دلوقتى ، المانيوال فول أوبشون 1.4 ب 95 ألف.
تفتكروا بديل كويس؟ أو أحسن من الجين تو نفسها؟

كويس إن Seatlover هنا ياريت تدينا رأيك.

**SEATLOVER** · 16-06-2008 01:29 AM

المشاركة الأصلية كتبت بواسطة IslamGen2

أنا لسه واخد بالى من الإبيزا دلوقتى .

لا معلش انا مش معاك يا اسلام
انا متابع موضوعكوا من زمان بتاع الجين2 الفيس ليفت الجديدة
انتوا عايزين عربية رياضية واسعة بموتور قوى باسعار معقولة من كماليات وقطع غيار .. ودة بصراحة موجود فى الجين 2 و هايبقى احسن كمان فى الفئة الجديدة منها
اللى اقدر اقولهولك عن الابيزا ... انها ركوبة تانية

يا جماعة خلوا نفسكوا طويل شوية ..انتوا بتعملوا حاجة جديدة عن نمط الروتين اللى احنا عايشين فية (موضوع الصفقة ) ...
وانا شايف انها فعلاً صفقة تستاهل المجهورد و الانتظار و الصبر
العربية فى الاخر
سعر / حالة
ودة هايكون ممتاز جداً لو ان شاء الله الصفقة نجحت
اصبروا بس كدة شوية ..فين العزيمة يا جدعان :)

وربنا يوفقوا إن شاء الله

**mazagnge** · 16-06-2008 07:51 AM

. سنقاتل .... ثم سنقاتل
حتي يقبض علي أحمــــــــد صـــــــــيام :)
. أو ينتهي رصيد الموبيل

**haneena** · 16-06-2008 09:09 AM

يا جماعة انا مع استاذ مكاوى العربية السوزوكى SX4 تحفة رائعة بكل المقاييس وانا كنت كمان بافكر فى الجين2 وكنت هاشتريها وتراجعت لنفس الاسباب اللى ذكرها الاستاذ مكاوى وحجزت الSX4 وهاستلم ان شاء الله آخر الاسبوع وعلى فكرة العربية ممكن يكون شكلها مش رياضى بس شكلها حلو جدا فى رأى لكن الاكيد ان ادائها رياضى جدا وده من الريفيوهات بتاعة الناس اللى ركبتها وانا شايفة ان كماليتها مع سعرها ده كويسة جدا جدا وانا اعرف واحدة معاها العربية ومبسوطة منها جدا والحمد لله انا لحقت تقريبا واحدة من آخر عربيتين موجودين فى الجمهورية دلوقتى لان الدفعة اللى نزلت منها خلصت خلاص والدفعة اللى جاية هاتوصل بأذن الله آخر الشهر لكن هاتزيد فى سعرها على الأقل الفين تلالة وده كلام اكيد من التوكيل نفسه ولانى اعرف ناس فى مودرن موتورز وهم اللى اكدولى الكلام ده

عموما اللى عايزها بسعرها دلوقتى فى واحدة موجودة عند طارق اسماعيل سودة ودى آخر واحدة لانى حجزت النبيتى