لو عايز اشتري 127 نضيفه هتبقي بكام ؟

**yoko** · 29-04-2012 02:06 AM

تمام يعني مش ناوي أونو تربو ولا الهبل ده؟
عشان اعرف أقولك متوسط هتصرف قد إيه

ميزو انا مبقتش منسق فيات خلاص

**Screenplays** · 29-04-2012 02:48 AM

لا مليش في حوار تسقيط المكن ده و انا قولتلك مجرد تظبيط العربيه عشان تبقي ماشيه عدل و انساها مده طويله

**Screenplays** · 30-04-2012 01:21 AM

اه و الله ظاهره غريبه ... يعني الفيات و المرسيدس القديم منتشر في كل المحافظات الا بورسعيد ... البلد مليانه كوري بطريقه تجيب الغثيان

**Ahmed_selmy** · 11-05-2012 10:34 PM

بصراحه ال127 عربيه 100 100
انا معايا السوبر فيورا موديل 88 كانت مع والدتى من 1995 وانتوا عارفين بقى الستات وسواقت الستات
العربيه اتفشخت بس عمرها ما عملت حركه قله كده ولا كده مع العلم انها 900 سى سى زى ماهى لا سقطت موتور ولا حاجه ولما اخدتها من امى من سنتين مده وشدتها سمكره ودوكو وعفشه معدتش 5 الف جنيه ومش عايز اقولوكم كنت بجيب بيها 120 و 130 كمان على الدائيرى وايه 900 سى سى
بصراحه اختيار موفق

**Ahm662** · 30-05-2012 01:48 AM

ال١٢٧ عربية جميلة بس لما تجيب عربية عشان تشد و تعدل فيها يبقي استحالة تنفع لأن ما تعملش تعديلات جامدة و العربية ما تستحملش.يا تكون عربية عضمها ناشف و مش هاتحتاج تعديل في الشاسيه يا اما تفضها سيرة ............أرشح لحضرتك المازدا ٣٢٣ هاتش باك أفضل بكتير و سعرها في حدود ١٥ ألف

**Ahm662** · 30-05-2012 01:50 AM

و المازدا حمالة اسية و موتور اقوي بكثير من ال١٢٧

**Zaytona** · 27-09-2012 02:21 AM

المشاركة الأصلية كتبت بواسطة i_am_legend

ياكبير انا ركبت 127 بانواعها....افضلهم التوب ال1050.

من فضلك حضرتك تقصد التوب الالماني والايطالي وهما افضل من الفيورا والسوبر فيورا طب انا عوزة حاجه ب 4 ابواب وكمان اي موديل افضلهم سنة كام يعني
انا بامر الله ناوية على واحده بس خايفة يضحك عليا خاصة اني معرفش ميكانيكي كويس في اسكندرية

**asaeed** · 28-09-2012 05:03 AM

المشاركة الأصلية كتبت بواسطة zaytona

من فضلك حضرتك تقصد التوب الالماني والايطالي وهما افضل من الفيورا والسوبر فيورا طب انا عوزة حاجه ب 4 ابواب وكمان اي موديل افضلهم سنة كام يعني
انا بامر الله ناوية على واحده بس خايفة يضحك عليا خاصة اني معرفش ميكانيكي كويس في اسكندرية

خلي بالك لازم توديها لسمكري كويس ويكون أمين في المقام الأول علشان يقول لك حالة البودي إيه.. وخليه يبص على أقفال فردتين الشاسيه إللي في الحوض وكذلك يبص على الأنطرة إللي ماسكة العجلتين إللي ورا يشوف إذا كانت ملحومة قبل كده ولا على الفبريكة من غير لحام.. وكذلك يبص على الصاج إللي تحت الأنطرة يشوف فيها بارومة ولا لأ وربنا يوفقك.. هي فعلاً الـ 127 التوب 1050 سي سي جميلة جدا وتكون الألماني يبقى تحفة.. لأنها كانت معايا وكانت عربية حلوة... بس برده مقارنة بعربيات تانية هي ضعيفة... يعني أنا ركبت البولونيز واللادا والعربيات دي جامدة جداااا وحمالات أسية فعلاً واعتمادية في كل شيء فعلاً يكفي أن قطعة الغيار معمرة جداا بخلاف الـ 127 إللي بتتهلك في خلال مدة قصيرة جدااااا

**Zaytona** · 29-09-2012 05:01 PM

المشاركة الأصلية كتبت بواسطة asaeed

خلي بالك لازم توديها لسمكري كويس ويكون أمين في المقام الأول علشان يقول لك حالة البودي إيه.. وخليه يبص على أقفال فردتين الشاسيه إللي في الحوض وكذلك يبص على الأنطرة إللي ماسكة العجلتين إللي ورا يشوف إذا كانت ملحومة قبل كده ولا على الفبريكة من غير لحام.. وكذلك يبص على الصاج إللي تحت الأنطرة يشوف فيها بارومة ولا لأ وربنا يوفقك.. هي فعلاً الـ 127 التوب 1050 سي سي جميلة جدا وتكون الألماني يبقى تحفة.. لأنها كانت معايا وكانت عربية حلوة... بس برده مقارنة بعربيات تانية هي ضعيفة... يعني أنا ركبت البولونيز واللادا والعربيات دي جامدة جداااا وحمالات أسية فعلاً واعتمادية في كل شيء فعلاً يكفي أن قطعة الغيار معمرة جداا بخلاف الـ 127 إللي بتتهلك في خلال مدة قصيرة جدااااا

شكرا لحضرتك بس انا عوزة حاجه 4 ابواب مش بابين
اي الاحسن النصر ولا سوبر فيورا وفيورا ؟؟؟