اقتباس المشاركة الأصلية كتبت بواسطة azkol2005 مشاهدة المشاركة
1 - بخصوص الفيوزات دي الكهربائي ممكن يغيرها لك
والفيوزات نوعين نوع رخيص وردئ تمن الكارت 2 جم ، ونوع ايطالي احسن نسبيا وتمن الكارت 5 جم والكهربائي بيفتح غطا الفيوزات اللي شمال الدريكسون من اسفل ويغير الفيوزات التالفه او المتهالكه الرديئه وكذلك نفس الشئ مع علبة الفيوزات اللي يمين السيرفو على البطاحه .
2 - بخصوص عداد البنزين .. ممكن فيوز وده احتمال ضعيف ، الغالب العوامه لان فيها شريحه نحاس بتبوظ بسبب البنزين الردئ زي ال 80 وعلاجها ان الكهربائي بيحل العوامه وينضفها كويس جدا وخاصة الشريحه النحاسيه الخاصه بالمقياس ، ولو لم تجدي هذه الطريقه نفعا تشتري عوامه استيراد تمنها 100 جم .
3 - فيما يخص عداد الكيلو متر فلازم تروح لواحد بتاع عدادات يكشف على السلك لان السلك ممكن يكون مقطوع انا عملت واحد عموله اتكلف 80 جم وشغال زي الفل ، والله أعلم .
4 - فيما يخص الأوكر والكوالين لازم تروح لواحد متخصص في أبواب السيارات ويحاول يشغلك الكالون والاوكر ، والا عليك وع الاستيراد وبالتوفيق

جميع ما ذكرته على حسب معلوماتي المتواضعه والله اعلم


الف شكر على اهتمامك بس موضوع الفيوز ده العلبة الفيها الفيوز اصلا نصها محروق فلازم اجبها الاول احتمال ان شاء الله كل حاجة تشتغل انا الاخ الكريم الدانى رقم المكانيكى بتاع جسر السويس سائلت عندة وقلى ب 50 جنية مش عارف هيا كده غالية ولا لأ مع العلم انى العلبة بتاعت العربية بتاعتى هيا البنى


تانى حاجة قالى فى اكر المونية مضمونة الاوكرة الواحدة بتعمل 50 جنية وشكر فيها جامد




اما بقا المفاجئة الكبرى الخلتنى اتخض بجد انى طقم الشنبر قلى بيتكلف 700 جنية !!!!!!!!!!!!!!!!!! والاخ الكريم هنا بيقولى فى حدود ال 150 جنية وسائلت ناس قلولى 300 جنية انا مش عارف اعمل اية وروح عند مين وياتى مين الهيكون امين فى الموضوع ده بالذات !!!!!!!