الموضوع: موضوع سخن بين الأوروبي والأسيوي والأمريكي

يا باشا انا هزعل من ايه
انا بحب اتناقش
بس النقاش يبقي fair والطريقة كويسة
مش ... انتوا ماتعرفوش حاجة أو انت بتهزر !
انا معييش ياباني عشان أدافع عنه
انا سقت أغلب العربيات اللي في السوق المصري أوروبي وياباني وكوري
وعارف كويس ايه عيوبهم
ولو علي فيات ... أحسن عربيات نزلت الفترة اللي فاتت والوكيل موتها
وهقولك علي حاجة تصدمك يا فورميلاتور ... أكيد انت عارفها
البرافو والجراند بونتو عالسرعات الكبيرة بتعوم وخصوصا في مطبات الهوا بتلعب من ورا

المشاركة الأصلية كتبت بواسطة SYD

معلش يا جو مع كامل احترامي
ومفيش داعي للزعل من بعض


المقصود هنا
ان الأوروبي بيعمل شئ جديد محدش عمله
لكن ايه الفايدة اني اعمل عربية سنة 2012 بتكنولوجيا مستخدمة في عربيات تانية من سنة 2000

فين السبق ؟؟؟

بقالها 20 سنة بس وعملت حاجات خطيرة
طب ماهو طبيعي
امال انت عايزهم من 20 سنة ويبتدوا من الصفر - عربية بمنافلة والردياتير خارج من الكبوت والأستبن جمب الباب

انا اقصد
انهم لما ابتدوا من 20 سنة كانت العربيات التانية متطورة جدا
ولما هما ابتدوا ياريتهم خدوا تكنولوجيا وقتها واخترعوا عليها تكنولوجيا جديدة
لا بقوا يشتروا التكنولوجيا ويعلموها في عربياتهم بعد ماتكون اتهرست في اوروبا من 15 سنة

لذلك تلاقي النهاردة عربيات كوري صغيرة وفاضية

في حين ان اصغر عربية اوروبي لا تخلو من التكنولوجيا ووسائل الأمان

ابسط مثال
لحد النهاردة 2012 والفيرنا نازلة من غير ايموبلايزر
في حين انه نزل في البولو (تقريبا اصغر عربية فولكس) من سنة 95

هوندا لما نزلت في 2011 في عربياتها سنسور يحس بالسرعة وبناء عليه الكاسيت صوته يوطي ويعلي اوتوماتيكيا
كانت مرسيدس عاملاها من التسعينيات

هو دة الفرق المقصود

ايه الفايدة اني عمال اعمل عربيات لولابية وشكلها جزاب وفوانيسها شكلها غريب وانا مش ببدع او ببتكر شئ جديد

تقبلوا مروري

والله المستعان
،
،

كلامك سليم
اللي بيعمل حاجة بيكمل عاللي قبله
خد بالك االحرب العالمية التانية وتأخر اليابانيين ... فاكس كوري دلوقتي عشان هو أتأخر شويتين
بس الياباني مجاش سرق !
سرق منين الفتيس الأوتو ؟ .. مش ده سبق ؟
سرق منين تكنولوجيا الموتور اللي تخلي أستهلاك الوقود قليل .... مش ده سبق ؟
سرق منين ال vtec ؟

فيات وفولكس شركات عرية وعملت كتيييييييييييير جدا
بس برضه هوندا وميتسو عملوا

يا ريت النقاش يبقي هادي ... لمصلحتنا كلنا
فين الطفايات ؟

المشاركة الأصلية كتبت بواسطة syd

لو علي الحرب العالمية
انت عارف ان المانيا وقفت تماما بعد الحرب
ورجعت باقل المقومات
هكذا فرنسا
هكذا انجلترا

نفس امريكا كانت كدة

كل الي اتلط في الحرب -- خسر كتير سواء انهزم او انتصر

الفتيس الأوتو مش سبق للياباني
الفتيس الأوتو اعتقد امريكي اساسا
كنت فاكرها هوندا في 73 :)

ولو علي توفير الوقود
فولكس صاحبة السبق بمعجزتها بيتل
في الوقود والتبريد

ده العربية الشعبية في ألمانيا ... مراحتش ليه كلت السوق من أمريكا قبل هوندا ؟

المشاركة الأصلية كتبت بواسطة SYD

ومين قالك ان امريكا مافيهاش بيتل
انت ماشوفتش فيلم The Love Bug ؟؟
ودة ما يمنعش ان هوندا انتهزت فرصة ازمة البنزين ونزلت السيفيك موفرة اخر حاجة في البنزين
وبالنسبة لهوندا فعلا امريكا من اكبر الأسواق الأستهلاكية بالذات للأكورد ونزل فيها موديلات مش بتنزل عندنا طبعا


تحياتي

أيو يا باشا شوفته
انا ماقولتش مافيهاش ... انا بقول زي تـ target أمريكا يعني

تحياتي يا باشا

المشاركة الأصلية كتبت بواسطة syd

الله اعلم فولكس كانت بtarget علي امريكا ولا لاء
بس الي انا متأكد منه هوندا

وعلي فكرة طوول عمر اليابان بtarget امريكا
ولو حضرتك متابع pioneer في اواخر التسعينات
هتلاقيها بدأت تتجه للمكسيك وعملت هناك وكلاء وصنعت هناك
لما امريكا بدأت تمنع استيراد بايونير الياباني
فعملتلهم المنتجات بايونير صناعة مكسيكي وبردو دخلت وغزت الأسواق في وجود منافسة شرسة من jbl و boss و onkyo

خالص تحياتي

تمام
ماختلفناش :)