الموضوع: تفاصيل عن الموتور ال H22a

المشاركة الأصلية كتبت بواسطة semsem kane

ابو حميد اخبارك اية ياباشا

طيب دلوقتى انت عايز محرك h22a يبقى اقوى محرك فى المجموعة دية هيكون ال h22a بدون اى رقم بعدية وطبعا بيبقى لية عربية معينة بيكون راكب فيها وسنة صنع معينة عشان يخرج اقصى قوة

وطبعا ال h22a عشان نجيبة بأقصى قوة لية هتكون 217 حصان ودة بيكون خارج من عربية ( prelude الجيل الخامس يعنى نقدر نقول ان المحرك هيكون مابين سنة صنع 1997-2001 وطبعا ال prelude اللى هيكون خارج منها دية نسخة خاصة لليابان , عزم المحرك تقريبا بيوصل 22.5 كجم على المتر , نسبة الانضغاط 11 المكنة دية وزنها بيوصل 180 كجم , وعشان تعرف المكنة دية المفروض ان المكنة دية بتبقى خارجة من عربية prelude بشاسية كود ( bb6 ) والمحرك بيبقى غطاء التاكيهات بتاعتة لونها احمر وفيها فتيس مانيوال مكون من خمس سرعات ( دية كدة معلومات سريعة على المكنة دية )

التعديلات بقى اللى انت عايزها اولا وزن عربيتك تقريبا 1050 كجم يعنى لما تركب عليها محرك بقوة ال h22a اللى هو اصلا المفروض راكب على عربية وزنها 1300 كجم يعنى انت كدة تمام اوى ومش محتاج اى تعديلات غير مثلا ( سولك بوجيهات رياضى + بوجيهات irridium ) - نظام عادم الاصلى بتاعها مع تعديلة لو عايز , طلمبة بنزين رياضية - عمل ريماب للكنترول - بنزين 95 + رشاشات رياضية ) دية الحاجات اللى تعدلها بدون اى تأثير على عمر المحرك وخلى بالك ان ميزة المحرك دة انة بيوصل لاقصى عزم فية عند 6500 لفة بس وطبعا دة بيديلة تسارع ممتاز على السرعات العالية

واى معلومات اضافية انا فى الخدمة

لاء ياباشا تسلملى لحد هنا اوووى
و نوع البريليود اللى هيخرج منها اسمها type s
تاعبك معايا يا موحه و الله
باقى الحاجات بقا فى المقابله بينى و بينك *_^

بسم الله ماشاء الله ... ده شكله موتور قلييييل الادب
بالتوفيق يا احمد باشا

الماتور ده هيتسقط في هوندا اية؟؟ ... لو بريليود كربراتير

غير ان قطع التعديل والغيار بتاعته قليلة

المشاركة الأصلية كتبت بواسطة m_nabil

الماتور ده هيتسقط في هوندا اية؟؟ ... لو بريليود كربراتير :n_no[1]:

غير ان قطع التعديل والغيار بتاعته قليلة

هو نازل فى بريلود مكان الموتور ال 1800 سى سى الدبل كربيراتير
و ربنا يستر فى قطع الغيار فعلا
^_^

المشاركة الأصلية كتبت بواسطة ahmedeihab

هو نازل فى بريلود مكان الموتور ال 1800 سى سى الدبل كربيراتير
و ربنا يستر فى قطع الغيار فعلا
^_^

معك انه نزل في بريليود لكن ده من أول الجيل الرابع ونزل في الخامس والدنيا مختلفة تماماً عن الجيل الثانى والثالث من البريليود ده أنت عشان تعمل الحوار ده ممكن تتكلف أكثر من ثمن العربية نفسها غير تعديلات ولحامات و هتعمل قواعد ماتور عموله .. ألخ من الأخر صداع ووقت طويل وفلوووس كتير وفي الأخر لو حبيت تبيع مش هتمسك فلوس

أنا مش بعجزك على فكرة عشان عارف أنت بتحب العربية دى قد اية لكن بحاول أنصحك غير أنك عارف ان العربية نفسها قطع الغيار قليلة فالموضوع هيكون صعب شويتين المكنه مقدور عليها ومش غالية عشان الطلب عليها يكاد يكون معدوم لكن التعديلات هيا اللى صعبة

أنت الماتور اللى معك اية؟ واوتو ولا مانيوال؟

المشاركة الأصلية كتبت بواسطة m_nabil

معك انه نزل في بريليود لكن ده من أول الجيل الرابع ونزل في الخامس والدنيا مختلفة تماماً عن الجيل الثانى والثالث من البريليود ده أنت عشان تعمل الحوار ده ممكن تتكلف أكثر من ثمن العربية نفسها غير تعديلات ولحامات و هتعمل قواعد ماتور عموله .. ألخ من الأخر صداع ووقت طويل وفلوووس كتير وفي الأخر لو حبيت تبيع مش هتمسك فلوس

أنا مش بعجزك على فكرة عشان عارف أنت بتحب العربية دى قد اية لكن بحاول أنصحك غير أنك عارف ان العربية نفسها قطع الغيار قليلة فالموضوع هيكون صعب شويتين المكنه مقدور عليها ومش غالية عشان الطلب عليها يكاد يكون معدوم لكن التعديلات هيا اللى صعبة

أنت الماتور اللى معك اية؟ واوتو ولا مانيوال؟

عارف انه وجع دماغ يا محمد و عارف انه هيكلف التعديل من الالف للياء
و انا مش بعمل كل ده علشان ابيع
كل اللى هنعمله
شراء قواعد كونفرت من بريليود الجيل التانى
لبريليود الجيل الرابع اللى هو فيه الموتور ده
و كل اللى هيتعمل فى الحوض هيتعمل قعده للفتيس لان اللى عندى اتوماتيك من غير قعده

المشاركة الأصلية كتبت بواسطة ahmed_hamdy

في واحد بتباع مانوال على 5500

فين الكلام ده يا ابو حميد