اللوشتلوف البنفسجى الفاتح
عرض للطباعة
طيب ليكوى مول, ولا كاسترول؟؟؟
يا باشا بدون دليل علمي انت عندك دلوقتي المكنة دي عبارة عن معدن وبيبقى تحت درجة حرارة عالية جدا
طبعا انت عارف في العادي الحديد ال hardness بتقل تحت الحرارة العالية وفي نفس الوقت في زيت في الخلوص
تخيل سمك الزيت في الخلوص لو كان كبير على حرارة عاليا طبعا بيحصل توسيع ممكن ميكونش كبير "بمفهونا"
بس بالنسبة للزيت بيفرق معاه جدا الخلوص ده غير التااكل اللي بيحصل وبتبقى ليها نسبة حسب الزيت
جربت لعربيتي الفيات 131 زيت ليكومولي السوبر فورميلولا مش فاكر اسمه بالظبط ايه اعتقد 50 - 20 او 40-20 المفروض يقعد 5000 لحد دلوقتي عملت عليه 2500 تقريبا ولم ينقص
القلق الوحيد لدي اني قرئت مشاركة فى موقع اخر ان صاحب المشكله كان يعتاد السفر فوق سرعه 160 كيلو وان من وقت تغيير الزيت لم يستطيع ان يتعدى سرعه ال 140 كيلو
بص يا باشا...كلام حضرتك على عيني وراسي بس مش كلام علمي
أنا مهندس ميكانيكا على فكرة وبشتغل في البترول وكل شغلنا هيدروليكس
عشان الخلوص يزيد أو حتى يقل يبقى لزم حضرتك تكون دخلت في مرحلة ال-Plastic Deformation ودي معناها طبعاً بالبلدي كدة إن الموتور قفش أو فوت ودة برد هيكون ليه أعراض كتير غير اللي الأخ صاحب الموضوع ذكرها
أو تكون دخلت في مرحلة تآكل بالإحتكاك ودي بتكون بسبب عمر المحرك أو قلة الزيت.
الصح انك تشوف نوع الزيت المناسب لموتور عربيتك مع الأخذ في الإعتبار عمره يعني التآكل نتيجة الإحتكاك. لكن الزيت عمره ما يوسع خلوص أبداً.
أنا بشتغل في تطبيقات خلوصات صغيرة قوي وضغوط زيت لحد 20000 psi ومش بيحصل أي حاجة للمعدن...اللي بيتأثر هو ال-Elastomers فقط
دة رأيي ولا ألزم به أحد
طيب ايه اخبار السيراتيك ؟؟؟؟
الناس من 6 شهور كان بيحكوا عنه اساطير
ولما نزل بعد انتظار طووووووووووويل
محدش جاب سيرته خاااااااااااالص
يا فندم كلامك صح وانا اتكلمت بالبلدي
والزيت مع الحرارة طبعا بيادي لتااكل مهما كانت نسبته بس استحالة يكون منعدم
خصوصا في بداية مرحلة تشغيل السيارة بيكون اعلى نسبة تااكل
فاحنا الخلوص مش معناه يزيد انو حيبقى كبير او اي كان بس فيه زيادة ولو كان نسبتها صغيرة جدا
يعني حتى بيقولك خلي المكنة تطبع على الزيت وده لفظ شائع بس احنا مبنبصش على الخلوص في حالة البخر انو السبب الرئيسي
ده الحديد في العمدان بيتمدد وينكمش !!! مش فاكر عمارة شبرا اللي وقعت بعد ما حديد العواميد سخن وبتوع المطافي رشو عليه مية راحت العمدان شرخت ؟؟
وموضوع الزيت المناسب ده مش شرط ان يكون الزيت حلو عشان ميتبخرش يكون مناسب ممكن تجيب زيت بيتحط في مكنة 4000 سي سي مع واحد صاحبك وميتخبرش
وتحطو في مكنة 1600 ويتبخر
ومينفعش منظمة زي ال api تدي شهادة لزيت وهو في نسبة تبخير زيادة عن امثالو من الزيوت التانية
ده بيخضع لاختبارات لحد الركب
وعلى فكرة معاك مهندس غاز وبتروكيماويات ^_^
هو كتوجنولوجيا لا غيار عليه بس المشكلة كلها في سمك الحبيبات شايفها كبيرة ده تقريبا 0.5 ميكرو
لو كانو صغروها كان احسن عشان ينتشر اسرع ويغطي اماكن فيها تااكل اكتر
الخلاصة لو مكنتك قديمة حتحس بفاديتو
جديدة مش حتحس واعتقادي بسبب سممك الحبيبات
نصيحتي ليك لو لقيت اضافة ال mos2 حطها بس استحمل اللون الاسود ومتقلقش