حطيت اخر مره زيت موتور نوعه ايه و اخباره ايه معاك؟

**Dr'AhmZZong** · 19-04-2012 12:38 AM

لموديل: صني 2010 .. تيدا 2011

الزيت المستخدم: ليكوي مولي toptech 4100 + اضافة mos2 من ليكوي مولي برده ..

المسافه المقطوعه بالزيت : حوالي 4 الاف كيلو

التقييم: أكثر من رائع

ما نوع الزيت اللى هتستخدمه المره القادمه؟ : نفس النوعية

**Land_Cruiser** · 19-04-2012 01:15 AM

لحد دلوقتى فالفولين فى المركز الاول يليه ليكى مولى بفارق طفيف ثم الشل . الكاسترول بصراحه كنت متوقع يبقى اكتر من كده بس يمكن لسه الأعضاء اللى بيستخدموه ما شافوش الموضوع و فى انتظار باقى المشاركات

**Dr'AhmZZong** · 19-04-2012 01:19 AM

المشاركة الأصلية كتبت بواسطة Land_Cruiser

شكرا على المشاركه يا باشا ، انت كشفت على الزيت؟ هل لاحظت انه نقص بسبب البخر العالى اللى فى ناس اشتكت منه و لا ايه و ليه صحيح اخترت توب تيك مش هاى تيك؟

ولا بخر ولا حاجة يا عم وليد .. هو هو اكنه يوم ماتحط ..

top tech عشان نسبة احتكاك اقل .. حفاظا على البيئة أكثر .. و استهلاك البنزين اقل ..

و كمان صني الزيت الموصي ليها هو sl فيما أعلى .. لكن toptech sm فمناسب جدا معاها ..

التيدا الزيت والموصي ليها sm فيما أعلى .. فبرضه toptech مناسب جداااااااااا

**HASSAN SERRY** · 19-04-2012 03:01 AM

الموديل: أوبل أسترا
سنه الصنع: 2008
الزيت المستخدم: فالفولين 5w-40
المسافه المقطوعه بالزيت: 12000
التقييم: هايل بالمقارنه بموبيل 1
ما نوع الزيت اللى هتستخدمه المره القادمه؟ : فالفولين

**me_medoo** · 19-04-2012 03:19 AM

طيب هو مين اقدم في السوق فلفين ولا لوكي مولي .
أما بالنسبة لكاسترو ناس كتير في قسم تويوتا جربتو وشكرت فيه بس المشكلة مش موجود بكثرة في الاسواق ..

**Land_Cruiser** · 19-04-2012 10:47 AM

المشاركة الأصلية كتبت بواسطة me_medoo

طيب هو مين اقدم في السوق فلفين ولا لوكي مولي .
أما بالنسبة لكاسترو ناس كتير في قسم تويوتا جربتو وشكرت فيه بس المشكلة مش موجود بكثرة في الاسواق ..

هما الاتنين على فكره موجودين فى مصر من زمان بس عمرهم ما كانوا منتشرين زى الشل و الموبيل و اكيد ده كان مرتبط بان اغلبيه العربيات اللى كانت منتشره فى الوقت ده كانوا بيحطوا يا اما شل او موبيل لكن كان فى نسبه برضه بتحط زيوت تانيه زى اللى بيوصى بها الصانع برضه بس هيضطر ينزل يدور عليه لانه مش موجود فى اى حته زى موبيل و شل و اعتقد الدعايه ليهم ما كنتش كفايه كمان و خللى بال حضرتك ان حكايه الاقدم دى شغل دعايه لانها ممكن تكون موجوده من زمان بس عدد مستخدمينها ثابت او حتى بيقل و الاهم هو الانتشار و استمرار الناس. فى استخدامها

**SonaSteel** · 20-04-2012 01:56 AM

المشاركة الأصلية كتبت بواسطة Land_Cruiser

شكرا يا باشا على المشاركه طيب ليه هتغير من التوب تيك الى الهاى تيك (علشان احيانا الناس بتحتار تجيب اي واحد فيهم)

المشاركة الأصلية كتبت بواسطة ls1090

راجع الموضوع ده
http://www.nilemotors.net/Nile/266771-a.html
الفرق
1- Leichtlauf High Tech 5W-40
- نسبة zddp 1200
- اللزوجة
Viscosity at 40 °C : 90.0 mm²/s
Viscosity at 100 °C : 14.7 mm²/s
flash point 236 C
2-top tech 4100
- نسبة zddp 800
-اللزوجة
Viscosity at +40 °C : 85.0 mm²/s
Viscosity at +100 °C : 14.0 mm²/s
flash point 215 C
هتلاحظ ان اللزوجة فى حرارة 40 و 100 لصالح الاول =تزيت احسن واحتكاك اقل بس استهلاك اعلى للوقود وضرر اعلى للبيئة
و flash point لصالح الاول

المشاركة الأصلية كتبت بواسطة ls1090

انا راى الشخصى ان الفرق مش كبير
يعنى حضرتك بتستعمل التوب تيك والتفويلة بتعمل معاك 500 ك لو استخدمت الهاى تيك التفويلة هتعمل معاك 470 ك
ليه الفرق ده بسبب ارتفاع اللزوجة فى مراحل الاحتراق
ومتنساش ان اللزوجة واحدة (5w-40)
الفرق المادى الفلاش بوينت الهاى تيك 236 و التوب تيك 215 ديه نقطة فى صالح الهاى بفرق واضح
و للمعرفة تعريف الفلاش بوينت هى اقل درجة حرارة تتحول فيها مادة متتطايرة لتكون بخار قابل للاشتعال فى وجود مصدر اشعال

ببساطة هو تحول الزيت لبخار قابل للاشتعال فى وجود مصدر اشعال
يعنى الهاى تيك هيتحول لبخار فى درجة 236 والتوب 215

يعنى الهاى تيك هيستحمل الخدمة الشاقة اكتر

موضوع الزيت يمشى كام كيلو مرهون بالاستخدام يعنى لو هتمشى طرق مختلطة بين سفر وداخل المدينة وتلوث قليل
ممكن الهاى تيك يصمد معاك ل 10 الاف كيلو شرط متابعة اللزوجة بداية من 8000 لانها بداية المحطة الاخيرة للزيت
والتوب تيك ممكن يصمد ل 9000 الاف
لكن مواضع 15 الف ممكن يتحقق فى ظل وقود عالى الجودة ودرجة حرارة لا تتجاوز 20 درجة وهواء نقى وازدحام قليل

شرفنى فى الموضوع ده

http://www.nilemotors.net/Nile/283482-a.html

**Sehsss** · 20-04-2012 09:42 AM

الموديل:صني
سنه الصنع:2011
الزيت المستخدم:ليكوي مولي هاي تك
المسافه المقطوعه بالزيت:250 كيلو
التقييم:جيد جدا
ما نوع الزيت اللى هتستخدمه المره القادمه؟ : ليكوي مولي توب تك
ملاحظات:الزيت جيد جدا على السرعات العالية ولكن في السرعات البطيئة عادي جدا (هاي تك) وصوت الموتور هادىء والنقلات سلسة جدا

مشاهدة نتائج الإستطلاع: ما هو افضل زيت موتور استخدمته و تنصح به؟

الموضوع: حطيت اخر مره زيت موتور نوعه ايه و اخباره ايه معاك؟

LinkBack

أدوات الموضوع

عرض

-

-

-

المواضيع المتشابهه

طريق القاهرة اسكندرية ايه اخباره؟؟

عزل الموتور ف الصني الجديده اخباره ايه؟

يا جماعة المقاس 225/45/17 ايه اخباره

حموت واعرف التكيف اخباره ايه ؟؟؟؟؟

موتور سياره فريد من نوعه ..... حاليا بالاسواق

الكلمات الدلالية لهذا الموضوع

المفضلات

المفضلات

ضوابط المشاركة