الموضوع: حطيت اخر مره زيت موتور نوعه ايه و اخباره ايه معاك؟

شركة"ليكوي مولي" Liqui Moli هي إحدى الشركات الألمانية العريقة التي تأسست عام 1957 وتخصصت في صناعة زيوت المحركات بشكل رئيسي بجانب زيوت التشحيم وإضافات تحسين وظائف الزيوت التي تعطي زيوت المحركات وزيوت نواقل الحركة ميزة تحمل أقصى ظروف التشغيل.

الان زيوت « Liqui Moly » الألمانية المصنعة والمعباة فى المانيا فى السوق المصري .. حيث ضمت الشركة الى قائمة أسواقها المستقبلة لزيوتها العالية الجودة ، ليصبح السوق المصرى رقم 101 لمنتجات « Liqui Moly » ويتم استيراد الزيوت وكل منتجات ليكوى مولى مباشرة من المانيا

المشاركة الأصلية كتبت بواسطة Land_Cruiser

السلام عليكم يا صقور

زى ما احنا عارفين الصيف داخل و موضوع زيت الموتور ده بيبقى مهم جدا و علشان كده عملت الموضوع ده علشان نعرف رأى الناس بعد الاستخدام الفعلى بعيد عن الاعلانات و التركيز على بلد الصنع و ياريت نحط البيانات التاليه

الموديل: نيسان صني n16
سنه الصنع: 2011
الزيت المستخدم: كاسترول 5000
المسافه المقطوعه بالزيت: بستخدمه من حوالي سنه و كنت بستخدم 3000 الاول و بعدين 5000 و عامل بيه دلوقتي حوالي 2000 كم
التقييم: 8.5/10 علشان بعد حوالي 500 كم صوت المحرك بيبدا يعلى شويه موش كتير بس برضو بيعلى لكن اول مت بتحط الزيت بيبقى صوت المحرك ناعم جدا جدا
ما نوع الزيت اللى هتستخدمه المره القادمه؟ : برضوه زيت كاسترول 5000 على قد الايد يعني زيت و فلتر 150 جنيه تقريبا
ملاحظات: مافيش غير ان في ناس بتقول ان في منه مغشوش ف اتاكد من العلامه المائيه في الورقه اللي تحت الغطه

السلام عليكم عايز احط زيت فالفولين لعربيتى نيسان صنى 2014
5000 كيلو فكونت عايز اعرف ايه اللى يمشى مع العربيه و بيمشى قد ايه و شكرا

الموديل : نيسان ( داتسون )
سنة الصنع : 1980
الزيت المستخدم : زيت التعاون SJ بعد العمرة , وزيت التعاون SF قبل العمرة
المسافة المقطوعة SF يتراوح من 2500-3000 , وبالنسبة SJ المسافة 4500-5000
تقييم الزيت جيد جدا وصوت الموتور هادى.. تقريبا ملوش صوت لدرجة ان فى بعض الاحيان كنت بلمس الكبوت وانا واقف بكلم اى شخص لمعرفة هل العربية شغالة ولالأ.. ودة بكل امانة
مش هستخدموا تانى لان الحمد لله اشتريت زيرو وعقبالكم
----------------------------------------------------------
الموديل : نيسان صنى
سنة الصنع : 2014
الزيت المستخدم : باذن الله مجهز لها زيت التعاون XPL _sm
التقييم : .........................
المسافة المقطوعة : باذن الله علشان لسة فى التليين بعد اول 1000 كم هيكون 7000 وبعد كدة 10000 جوة البلد
باذن الله مش هستخدم غير الزيت دة
---------------------------------
للعلم انا مش مستغنى عن عربيتى هو الزيت من ناحية السعر بالنسبة للانواع الاخرى المماثلة له فى مستوى الاداء رخيص تقريبا ثلث او نصف الثمن بس ابسط دليل على كفاءتة غير تجربتى الشخصية وخبرتى فى الزيت بس كل اليات الجيش المصرى والمصالح الحكومية بتستخدمة والمصالح دى عندها معدات بملايين زى مصلحة الميكانيكا والكهرباء وكمان انتاج الكهرباء ولازم الزيت يكون بمواصفات فنية محددة
والتجربة خير دليل

المشاركة الأصلية كتبت بواسطة nissan suny EX

السلام عليكم عايز احط زيت فالفولين لعربيتى نيسان صنى 2014
5000 كيلو فكونت عايز اعرف ايه اللى يمشى مع العربيه و بيمشى قد ايه و شكرا

حضرتك علشان تستخدم زيت لازم تحدد سنة الصنع وكفاءة الموتور
بالنسبالك عربية زيرو طبعا ربنا يباركلك فيها لما بتيجى تستخدم لها زيت متقولش 5000 او 6000 كم لان كل زيت ولية اضافات بتختلف عن التانى ودى متحددة من قبل معهد امريكى ومبتختلفش من دولة للتانية
نوضح اكتر : اى جالون زيت هتلاقى علية بحروف صغيرة حروف انجليزية وهى API ودا طبعا اختصار لاسم
American Petroleum Institute

بجوار الثلاث حروف دى هتلاقى حرفين او اكثر من الشمال اول حرف هو S وبيرمز لنوع الوقود الى هو بنزين ولو سولار يبقى C بجوارة مستوى الاداء للزيت وفى حالتك يستحسن يكون من مستوى M لانة اعلى مستوى اداء وهيحافظلك على الموتور يعنى هتلاقى الرمز API SM
لو العربية بعد اول 1000 كم غيرو على 7000 كحد اقصى وبعد كدة استخدموا 10000 كم داخل المدينة و 15000 خارج المدينة
معلومة : الزيوت المتكافئة فى مستوى الاداء لا تختلف من شركة لاخرى الا فى السعر والدعاية
ودة لان الخام واحد زيت معدنى اما الاضافات فتاتى مخلطة وجاهزة من معامل فرنسية والمانية وتوزع على مختلف الشركات وهذه الاضافات هى التى تحدد مستوى الاداء للزيوت المختلفة, يعنى من الاخر لو جبنا زيت مستوى اداءة API SJ لثلاث شكات مختلفة فلن تجد فرق الا فرق نفسى اما معمليا فلن تجد اى فرق نهائيا الا فى السعر وشكل العبوة فقط
_________________________________
للعلم ياباشا علشان تطمن اكثر انا معايا نيسان صنى 2014 اشتريت لها زيت التعاون XPL _sm بس لسة موصلتش 1000 كم الاولى

المشاركة الأصلية كتبت بواسطة Bishoy.Girgis

الموديل: نيسان صني
سنه الصنع: 2009
الزيت المستخدم: فالفولين
المسافه المقطوعه بالزيت: 3700 كيلو
التقييم: جيد جدا
ما نوع الزيت اللى هتستخدمه المره القادمه؟ : فالفولين
ملاحظات: مبسوط جدا بالزيت و خصوصا بعد قطع 3000 كيلو بالزيت الوضع و صوت الموتور بقي افضل و السحب افضل لكن انا مركب فلتر هواء k&n ممكن يكون ده سبب السحب

ممكن اعرف مكان اشترى منه فلتر الهواء K&n وياترى ايه الفرق بينه وبين اى فلتر تانى وازاى اعرف اذا لازم اغير الفلتر اللى عندى ولا لا لان اول مره اعرف موضوع الفلتر ده ... ماعنديش خبره للاسف بالحاجات الخاصه بالعربيه ... عربيتى نيسان صنى 2011