الموضوع: عاوز اركب دش في العربية زي ابن عمتي ؟

المشاركة الأصلية كتبت بواسطة Mzeid

و يا سلام بقى يا ميدو لما تعدي عليا و نجربها كدة لحد شرم الشيخ على ما الراجل يشرب الشاي :))))))))

من عنيا يا مزدا باشا ... بس شرم الشيخ دي محتاج يكون في عندنا حجز هناك ... تصدق انا عمري مارحت شرم ... كبيري رحت سفاجة ونويبع والسويس ورجعت تاني ... انا من هوات السفر صد رد ... يعني مثلا اخود المدام والعيال ونطلع بورتو السخنة صد رد ... وأفرجهم على جبال محمد اوديهم السويس واقعدهم على شط القنال كده ... وياحبيبي على كورنيش السويس حد راحو قبل كده ... واللهي احلى فسحة وناخود معانا جبنة رومي على جبنه بيضة على بطيخة ساقعة ونروح نقعد على الكورنيش بتاع القنال ونتفرج على البواخر وهيا بتعدي بجد بجد فسحة بتبقى جميلة ...

المشاركة الأصلية كتبت بواسطة SYD

يا باشا DVB دة مش نوعه
دي اختصار لكلمة Digital Video Broadcasting يعني الفيديو الرقمي الإذاعي

اها ... أمال ياباشا الريسيفر بتاع العربية اسمو ايه ؟

انا من ساعت ماجبت الجهاز ده ونفسي بجد أتفتحت على السواقه فقلت لنفسي الله أمال لو ركبنا دش في العربية وتلفزيون بقة هيبقى شكل السواقه أزاي وبالذات سكان القاهرة الي بيقضو نص حياتهم في العربيات بسبب الزحمة

حبيب قلبي يا عواني بص ياسيدي ده جهاز
تمنو 500 جنيه بس حلال فيه كل جنيه والله :
1- بيركبلو كارت ممري
2- في جي بي اس
طول ما انتا ماشي بيبينلك انتا فين ... وايه الطرق المختصرة ... واسم الطريق الي انتا فيه ... بس اللزيز انو بينبهك خلي بالك في ملف جي او الطريق منحنا ... او بيفكرك لأنو اجيانا من كتر مالواحد\ شايل طاجن ستو ومراتو وحماتو فوق راسو بينسى وبيتلخبط في الطرق وتلاقي اللفه بعد 50 كيلو قدام فده بيحددلك بسهم انتا فين وتمشي ازاي .

وقبل ما تطلع بتكتب بس اسم الشارع او اسم المكان وهو في صوت بنت حلوة كده بتقلك خش يمين ولا خش شمال .

3- على ما اسمع بينزلو كمان خريطة ردارات مصر .

4- فيه بلوتوث وكار كيت للعربية يعني تستقبل اي مكالمه عليها وتسمع الصوت على سمعات العربية .

5- فيه كمان تحط افلام او مسرحيات على الفلاشة علشان تقدر تتفرج عليهم وانتا سايق
6- ممكن كمان تحط اغاني MP3 علشان كمان تسمعها على موجة الراديو
7- فيه راديو هو
8- الاه حاسبة
9- مسجل ملاحظات كتابية .
وبيجي معاه حامل وشاحن عربية ووصلة كمبيوتر وسيديهايه والشباب عاملين عنو موضوع هنا جامد وهما الي شجعوني اني اشتريه ومندمتش بصراحة اني اشتريتو ده حتى كل واحد يركب معاك العربية ويشوفوا يتهبل عليه ويقولك هالله هالله دا احنا تقدمنا قووي وجي بي اس كمان . كل واحد يركب معاك لازم يقلك البوقين دول لغايت ما حسيت ان الشاشة هتفرقع وهيا معلقه على البرفريز ههههههههههههه

فجبلك واحد مش هتندم تمنو مش غالي ابداً وكل الي جابو شكر فيه .
http://www.nilemotors.net/Nile/266157-gps-385-a.html

وتحياتي .