المشاركة الأصلية كتبت بواسطة me_medoo
الله يبارك فيك يا بوحميد وانا واللهِ كمان بقلق بس الخوف كلو انها تتلطش وانتا راكب العربية لانها بتتعلق في القزاز الامامي بس ولمن بنزل من العربية بشيلها وبحطها في التابلوه بس احساس تاني خالص يا معلم لمن تلاقي وحده صوتها حنين كده وتقولك اعادة ضبط المسار ومن فضلك اتجه الى الخلف ومن فضلك استدر الى اليسار ولقد تجاوزت السرعة المحدودة من فضلك خفف السرعة هههههههههههه الاحترام حلو برضو
وتلاقي حد يكلمك كده وانتا سايق. وبعدين لوحبيت تحط مسرحية لعادل امام الواد سيد الشغال او حبت اغاني لام كلثوم ولا لعبد الحليم ولا لهاني شاكر وتختار الاغنية الي انتا عاوزها. وكل الليلة دي ب ٥٠٠ جنيه بس. وفيه بلتوث وكار كيت كمان
يعني لو اتسرق ولا ضاع في ستين داهيه. مش احسن ماحط الاي فون ولا البلاك بيري على الحامل بتاع البرفريز ويجي واحد يقلي بص شوف العصفورة. ويقوم واخدووو وجاري ههههههههههه
وفوق كده وكده الشباب هنا في المنتدى كتر خيرهم لقو برنامج بينزلو بيبينلك الرادارات بتاعت مصر. يعني بينفع ياباشا وسعرو لزيز في المتناول
المشاركة الأصلية كتبت بواسطة me_medoo
من عنيا يا مزدا باشا ... بس شرم الشيخ دي محتاج يكون في عندنا حجز هناك ... تصدق انا عمري مارحت شرم ... كبيري رحت سفاجة ونويبع والسويس ورجعت تاني ... انا من هوات السفر صد رد ... يعني مثلا اخود المدام والعيال ونطلع بورتو السخنة صد رد ... وأفرجهم على جبال محمد اوديهم السويس واقعدهم على شط القنال كده ... وياحبيبي على كورنيش السويس حد راحو قبل كده ... واللهي احلى فسحة وناخود معانا جبنة رومي على جبنه بيضة على بطيخة ساقعة ونروح نقعد على الكورنيش بتاع القنال ونتفرج على البواخر وهيا بتعدي بجد بجد فسحة بتبقى جميلة ... اها ... أمال ياباشا الريسيفر بتاع العربية اسمو ايه ؟ انا من ساعت ماجبت الجهاز ده ونفسي بجد أتفتحت على السواقه فقلت لنفسي الله أمال لو ركبنا دش في العربية وتلفزيون بقة هيبقى شكل السواقه أزاي وبالذات سكان القاهرة الي بيقضو نص حياتهم في العربيات بسبب الزحمة ماشاء الله تبارك الله شكله حلو وامكانياته لذيذه فعلاً .. ربنا يباركلك فيه ... شكلك هتطلعها فى دماغى ...
اسم الجهاز Go2 ?
واخبار استقبال الجى بى اس فى الشوارع والمدن عامل ايه بيلقط اشارة كويس ولا بيقطع ؟
وبتكتب فيه اسم المكان اللى انت عاوزه بالعربى ولا بالانجليزى ؟
ياريت تحكيلنا عنه شوية
المفضلات