الموضوع: تجربتى مع بريدج ستون my-01

انا سمعت ان فى واحد بتاع زاويا فى نازلت كوبرع الدقى فى بنزينة التعاون و بيقولوا علية ممتاز حاروح النهاردة بالليل اظبط و اكيد حقولكم اية اللى وصلتلة

انا من شهرين كده غيرت كاوتش عربيتى لبردجستون تورازا gr 90 يابانى وبعدها علطول سافرت بالعربيه وكنت قبيلها جى من سفر برضو بالكاوتش القديم الخلاصه اول ما سافرت بالكاوتش الجديد بحسيت برضو بعومان جامد ورعشه فى الطاره طبعا زعلت اوى خصوصا انى كنت دافع 2800 جنيه
سالت اهل الخبره هنا فى المنتدى ناس كتير اوى اجمعت ان الكاوتش فى اول 500 كم يطبع مع العفشه وقالوا ان المفروض الترصيص يكون بعد 500 كم من تركيب الكاوتش فرجعت لبرجستون تانى وعملت اعاده ترصيد ولقيت ان الجنط الامامى ملوح وهوه ده الى كان مسبب الرعشه ومن بعديها الحمد لله العربيه بقت ثابته جدا احسن من الاول كمان
الخلاصه اعمل اعاده ترصيد وضبط زوريا وراجع على العفشه وان شاء الله العربيه هتكون احسن بس خلى بالك نوع الكاوتش الى انت جايبه ناشف بطبيعته فمتستناش منه نعومه .