هسقط 1800 بدل 1600 كورولا 2006 أوتو ... ساعدوني أرجوكم

**geddo** · 20-04-2012 09:15 AM

بسم الله الرحمن الرحيم
لو سمحتم ساعدوني بأي معلومة تعرفوها
سعر-ميزة-ضرر-حاجة زيادة...ماتبخلوش

سيارتي كورولا 2006 1600 سي سي
كاملة أوتوماتيك
سبويلر و إي بي إس فرامل مانعة الإنغلاق
جنوط سبور 14/70/185
......................
أفيدوني بأه عن كل ما يجب أن يتم بالسيارة بعد تسقيط مكنة تويوتا كورولا خليجي 1800
علماً بان انا عايز أعمل تعديل رياضى كامل ليزيد مستوى الثبات والتسارع وأقصى سرعة
.....................
أولاً: المساعدة بأي معلومة تعرفوها
ثانياً: لو حد عنده فكرة الليلة دي تتكلف كام يقول تقريباً
.....................
وأكون شاكراً لحضراتكم جداً

**me_medoo** · 20-04-2012 03:15 PM

طيب هو حضرتك محتاج السرعة والقوة قووي كده ... هو طبعاً هيبقى أحسن وأفضل ... بس انا شايف انها مصاريف ملهاش لزمة جرب تركبلها فلتر هوى وزيت رياضي وشوف هتبقى عاملة ازاي جرب تركبلها بوجيهات 3 شمعه .
جرب مثلا تركبلها شكمان دوفيل سيستم كامل هتديك عندد أحصنه كتر .
وتسارع اقوى .

عامةً أنا عاوزك تروح مرور الضراسة وتسئلهم عن الاوراق المطلوبة ... علشان تتأكد من أوراق المتور الجديد سليمه ولا لأ .
وبالتوفيق ومستنين نشوف باه عملت ايه والفرق أيه .

**احمد فهمى** · 20-04-2012 03:50 PM

لو مغيرتش المتور نصيحه بلاش لأن العربيه هتتبهدل ومش هترجع زى الاول وهتصرف ارقام خياليه ولازم تغير الكنترول مع المتور وفتيس ال1600 غير فتيس ال1800 اوتوماتيك ولو ركب هيبوظ بعد فتره وهتحتاج كنترول فتيس مع كنترول المتور ده وعفشة ال1800 غير ال1600 والطنابير مختلفه وده وهتلاقى الabs مش شغال ده غير ان الصنايعيه النضاف بتوع مصر هيخلو شكل المتور والسلوك والكبارى وشرايط اللحام الخضرا منظر يكرهك فى الدنيا اضافه لعمل عربيتك ورشه من الداخل وفى الشنطه
من الاخر هيكلموك كأن الحياه سهله وبعملوها كل يوم واللى بيبعلك المتور هيفهمك ان ده موضوع لعبه فى خلال ان المتور ال1800 ده محدش بيشترى لأن مفيش عربيات كتير 1800 فى مصر وضريبنو غاليه جداً مقارنه ب1600 وقطع غيارو مستحيله مثال انزل على بتوع قطع الغيار واسأل عايز سير دينمو او طرمبة مياه او فلتر لمتور كورولا 1600 وشوف كده هيقولك ايه..
باختصار لو متور عربيتك سليم اوعى تلعب فى وهتفتكر كلامى لو عملت كده ولو متورك تعبان اشترى واحد 1600 استيراد او عمر متورك افضل مع انى معتقدش ان المتور ده فى حاجه لأنو معمر جداً وخلى بالك لو عملت كده انسى انك تعرف تبيع عربيتك ولو حصل هتبيعها افل من السوق ب20 الف غير اللى هتصرفو
فكر والموضوع يرجعلك فى الاخر سيبك من كلام الجرى والشد كل ده كلام فاضى ان عربيتك مبنعطلش ده ملوش ثمن وخلى بالك الكرولا ال1600 دى ممتازه ومفيش منها كتير وبتتباع بسعر الشكل الجديد فمتبوظهاش والله المستعان..

**geddo** · 20-04-2012 04:25 PM

كلمة واحدة هرد بيها بس على الأستاذ فهمي
انت برررررررررررررررررررررررر ررررررررنس وربنا ياعم
هو فيه كدا ياربي
انت كلامك بعده مافيش كلام
ربنا يكرمك يارب

**احمد فهمى** · 27-04-2012 02:02 PM

المشاركة الأصلية كتبت بواسطة geddo

كلمة واحدة هرد بيها بس على الأستاذ فهمي
انت برررررررررررررررررررررررر ررررررررنس وربنا ياعم
هو فيه كدا ياربي
انت كلامك بعده مافيش كلام
ربنا يكرمك يارب

الله يكرمك بس فعلاً انا شفت التجارب دى كتير وكلها بالفعل كانت فاشله وخراب بيوت وعايز افهمك ان عربيه مستقره مبتعطلش ملهاش ثمن وده اللى مغلى سعر التيوتا اللى معاك الى الان لدرجة انها مطلوبه عن الشكل الجديد انت لو عايز تحس بتغير اعمل ده اصلى يعنى تشترى الجنط الاصلى استيراد والمرايات الفولدينج لو مش عندك تجيب نافيجاشن بالدى فى دى مكان الكاسيت بتاعها تعمل فرش جلد محترم تركب سينسور بارك وكل ده هيحسسك بتغير وهيضيف للعربيه مش هينقص منها والاهم حافظ على مواعيد الصيانات وتغير الزيت وده الاهم والله المستعان