الموضوع: مساعدة فى اختيار كاسيت

رأي ان البايونير جامد في موديلات سعرها من بعد الـ 900 جنية ولكن السوني أكسبلود اللي بتتكلموا علية الـ 500 فعلا أفضل من البايونير اللي في مستوي سعره 600 جنية. كشكل و أوبشن.

وعالفكرة بقي :D انا ببيع السوني اكسبلود بتاعي نفس الموديل gt500
http://www.nilemotors.net/Nile/28431...oad-450-a.html

مشكور على المساعدة يا كيموز ولكن بالنسبة لى البايو اللى هيعدى ال900 وامكانياته الزيادة مش هحتاجها لانى مش هركب زيادات والسونى فى شبه اجماع عليه ولكن فى موضوعك ذكرت انه تايلاندى هو من برا ولا ايه؟

لا الكاسيت شارية من محل كاسيتات شهير بطنطا وقت ماكان لسه نازل السوق جديد لعام 2011.. ونصيحة مني قبل ماتشتري جديد لف شوية في السوق بس مش محلات بيع روح محلات التركيب وشوف الكاسيتات المتفق عليها في السوق واللي بدون مشاكل.

مشكور يا باشا على النصيحة الغالية ديه ومفكرتش فى الموضوع ده خالص.

المشاركة الأصلية كتبت بواسطة ayman-ahmed

السلام عليكم ورحمة الله وبركاته

اخباركوا ايه شباب نايل موتورز اتمنى الجميع بخير بامر الله.

معلش هطول عليكم شوية.

عربية نيو اكسنت راكب فيها كاسيت وسماعات الفابريقة .غيرت الكاسيت بعد ما الاول بدا يعلق وميشغلش cd وساعات الفلاشة.والصوت اتخنق ومبقاش بيطلع bass زى الاول ومش عارف السبب مع انه احيانا بيطلع الصوت كويس.

فكرت اجيب كاسيت بايو -كلاريون-سونى ! مش عارف ايه افضلهم حاليا؟ واركبه على السماعات الفابرية مؤقتا لحد ما الامور تتسهل واجيب سماعات جديدة بامر الله.

احتياجى من الكاسيت : صوت نضيف (عشان كدة بشغل cd او فلاشة دايما) و bass وtereble معقول. مليش فى بوازيك ولا جى ام.

فيه فبرة بلاستيك ملحومة فيها سلوك السماعات فى الشنطة واتقطمت وهعملها بدبل فيس ولا ينفع اغيرهم؟

انصحونى بمكان تركيب نضيف وياريت لو ينفع يعملى فيشة تركب فى الفيشة اللى فى العربية بدل قص وقطع وتعديلات؟

لو تقدروا تدونى فكرة عن الاسعار وافضل الاماكن للشراء يبقى كتر خيركوا اوى؟ بعض الاعضاء نصحوا بالارخص او ارخصهم-التوفيقية والبعض نصح بتوكيل بايو-كلاريون-سونى؟

حد جربdouble den وايه رايكوا فيه هو احسن ولا العادى.؟

ايه موديلات الكاسيت اللى ينفع اشيل الوش منه.؟

الف شكر وفى انتظار خبراتكم.

السلام عليكم اولا
حضرتك انا شفت انك كاتب ميزانيه 700 او 900
و حضرتك ملكش فى الصبات ولا البوازيك
حضرتك عايز صوت نقى و بس
يبقى عليك و على توكيل بايونير هتلاقيه اغلى من اللى موجودين فى اى حته بحوالى 30 او 50 جنيه
هتروح هناك هتلاقى انواع كاسيت كتيييييييييييييييير اوى فى حدود السعر ده
انصحك بلتوكيل علشان الضمان ال 5 سنين
لان اى حد تانى هيديك ضمان سنه او 2 او 3 و لما الكاسيت لا قدر الله يجراله حاجه يقولك ده عيب من حضرتك و عيب التوصيلات
حلاوه التوكيل انه بيبعتك عند واحد يركبهولك و ده بيبقى علشان الضمان
كل اللى عليك هتدوس on+ off بس كده
ملكش دعوه بلدفيره هما عارفين بيعملوا ايه كويس اوى
و كل الكاسيتات اللى فى حدود السعر ده تقدر تشيل منها الوش
تحياتى ليك و تقبل مرورى
^_^

المشاركة الأصلية كتبت بواسطة ahmedeihab

السلام عليكم اولا
حضرتك انا شفت انك كاتب ميزانيه 700 او 900
و حضرتك ملكش فى الصبات ولا البوازيك
حضرتك عايز صوت نقى و بس
يبقى عليك و على توكيل بايونير هتلاقيه اغلى من اللى موجودين فى اى حته بحوالى 30 او 50 جنيه
هتروح هناك هتلاقى انواع كاسيت كتيييييييييييييييير اوى فى حدود السعر ده
انصحك بلتوكيل علشان الضمان ال 5 سنين
لان اى حد تانى هيديك ضمان سنه او 2 او 3 و لما الكاسيت لا قدر الله يجراله حاجه يقولك ده عيب من حضرتك و عيب التوصيلات
حلاوه التوكيل انه بيبعتك عند واحد يركبهولك و ده بيبقى علشان الضمان
كل اللى عليك هتدوس on+ off بس كده
ملكش دعوه بلدفيره هما عارفين بيعملوا ايه كويس اوى
و كل الكاسيتات اللى فى حدود السعر ده تقدر تشيل منها الوش
تحياتى ليك و تقبل مرورى
^_^

الله يباركلك ومشكور جدا على المساعدة.ومعلش سوال سريع توكيل بايونير فين؟وعلى فكرة الاسعار اللى كتبتها كانت من عند ادريان-مصر الجديدة.

الكاسيت البايونيير ال بتقول عليه ده انا عن نفسي استخسر فيه الفلوس.....السوني عندي من شهر 10 ال فات و الحمد لله برفكت.....و بعدين يا باشا احنا بنتكلم عن سوني....مشاكل ايه و ميكانزم ايه.....الراجل ده بيقول اي كلام في اي اتجاه.....بس سعر السوني ده عالي حبتين تلاته.....انا جايبه من اسيوط ب 610 بالتركيب.....لو ناوي تجيبه دور علي سعر افضل......الكاسيت مفترض انه تايلاندي....الجي امات السوني حتي عهد قريب كانت تايلاندي بس بدأ ينزل منها صيني في التوكيل....لو كان الكاسيت صيني مش عارف الصراحه ازاي تتأكد انه اصلي و في الحاله دي هتضطر تجيبه من التوكيل

المشاركة الأصلية كتبت بواسطة ayman-ahmed

السلام عليكم ورحمة الله وبركاته

اخباركوا ايه شباب نايل موتورز اتمنى الجميع بخير بامر الله.

معلش هطول عليكم شوية.

عربية نيو اكسنت راكب فيها كاسيت وسماعات الفابريقة .غيرت الكاسيت بعد ما الاول بدا يعلق وميشغلش cd وساعات الفلاشة.والصوت اتخنق ومبقاش بيطلع bass زى الاول ومش عارف السبب مع انه احيانا بيطلع الصوت كويس.

فكرت اجيب كاسيت بايو -كلاريون-سونى ! مش عارف ايه افضلهم حاليا؟ واركبه على السماعات الفابرية مؤقتا لحد ما الامور تتسهل واجيب سماعات جديدة بامر الله.

احتياجى من الكاسيت : صوت نضيف (عشان كدة بشغل cd او فلاشة دايما) و bass وtereble معقول. مليش فى بوازيك ولا جى ام.

فيه فبرة بلاستيك ملحومة فيها سلوك السماعات فى الشنطة واتقطمت وهعملها بدبل فيس ولا ينفع اغيرهم؟

انصحونى بمكان تركيب نضيف وياريت لو ينفع يعملى فيشة تركب فى الفيشة اللى فى العربية بدل قص وقطع وتعديلات؟

لو تقدروا تدونى فكرة عن الاسعار وافضل الاماكن للشراء يبقى كتر خيركوا اوى؟ بعض الاعضاء نصحوا بالارخص او ارخصهم-التوفيقية والبعض نصح بتوكيل بايو-كلاريون-سونى؟

حد جربdouble den وايه رايكوا فيه هو احسن ولا العادى.؟

ايه موديلات الكاسيت اللى ينفع اشيل الوش منه.؟

الف شكر وفى انتظار خبراتكم.

المشاركة الأصلية كتبت بواسطة ayman-ahmed

الله يباركلك ومشكور جدا على المساعدة.ومعلش سوال سريع توكيل بايونير فين؟وعلى فكرة الاسعار اللى كتبتها كانت من عند ادريان-مصر الجديدة.

توكيل بايونير موجود فى وسط البلد شارع طلعت حرب قصاد فلفه الدور الارضى
و سيبك من ادريان و الكلام ده دول موزعين لانواع كتيره
و ابقى سلملى على كريم فوزى اوعا تنسا
^_^