مساعدة فى اختيار كاسيت

**Ayman-Ahmed** · 22-04-2012 01:55 PM

المشاركة الأصلية كتبت بواسطة m7mda7md

الكاسيت البايونيير ال بتقول عليه ده انا عن نفسي استخسر فيه الفلوس.....السوني عندي من شهر 10 ال فات و الحمد لله برفكت.....و بعدين يا باشا احنا بنتكلم عن سوني....مشاكل ايه و ميكانزم ايه.....الراجل ده بيقول اي كلام في اي اتجاه.....بس سعر السوني ده عالي حبتين تلاته.....انا جايبه من اسيوط ب 610 بالتركيب.....لو ناوي تجيبه دور علي سعر افضل......الكاسيت مفترض انه تايلاندي....الجي امات السوني حتي عهد قريب كانت تايلاندي بس بدأ ينزل منها صيني في التوكيل....لو كان الكاسيت صيني مش عارف الصراحه ازاي تتأكد انه اصلي و في الحاله دي هتضطر تجيبه من التوكيل

طب فهمنى الله يباركلك.ليه خسارة فيه الفلوس.

**ahmedeihab** · 22-04-2012 01:56 PM

المشاركة الأصلية كتبت بواسطة Ayman-Ahmed

مشكور على التوضيح يا باشا وهبعتلك السلام حاضر وسمعت من جلال عن مناقشتكوا الشيقة عن المواتير. :)

جلال مين ؟؟

**Ayman-Ahmed** · 22-04-2012 02:15 PM

المشاركة الأصلية كتبت بواسطة ahmedeihab

جلال مين ؟؟

هو مش انت كنت معاهم فى مقابلة المنتدى واتكلمت مع محمد جلال الشهير بكشرى.؟

**ahmedeihab** · 22-04-2012 02:18 PM

المشاركة الأصلية كتبت بواسطة ayman-ahmed

هو مش انت كنت معاهم فى مقابلة المنتدى واتكلمت مع محمد جلال الشهير بكشرى.؟

قول كشرى يا سيدى
انا معرفش ان اسمه محمد جلال اصلا
انا اعرف كشرى و كريم فوزى و محمود عفيفى من قسمكوا و طبعا حضرتك
^_^

**Ayman-Ahmed** · 22-04-2012 02:27 PM

المشاركة الأصلية كتبت بواسطة ahmedeihab

قول كشرى يا سيدى
انا معرفش ان اسمه محمد جلال اصلا
انا اعرف كشرى و كريم فوزى و محمود عفيفى من قسمكوا و طبعا حضرتك
^_^

تشرفت بمعرفتك يا افندم.ومكنش ليا نصيب ابقى معاكوا فى المقابلة.يلا ربنا يسهل الامور والجايات اكتر بامر الله.

**m7mda7md** · 22-04-2012 04:52 PM

شوف يا سيدي
سعره خيالي
و شويه اوبشنز هبله خسار فيها الفلوس
من كتر ما كرهت سياسه بايونيير الاستغلاليه مش عاوز افتح الموقع ابص علي امكانيات الكاسيت و امسكهم نقطه نقطه اعيب فيهم للصبح
كمثال: تلاقي الكاسيت في تحكم ايبود و بلوتووث و تغيير الوان الشاشه , و الاكواليزر بتاع الكاسيت 3 باند !!!!!
هو الكاسيت بيصنعوه ليه اساسا؟
عشان تسمع منه صوت كويس
يبقي المفروض الاول استوفي جوانب قوه الصوت و بعدين اشوف الكلام الفاضي بتاعهم ده
و ده ال عجبني جدا لما شوفت الكاسيت السوني ال انا طالع بيه السما ده
تقريبا مفهوش حتي تحكم ايبود ... ولا بلوتووث و لا تغيير الوان
بس فيه الحاجات الاساسيه الـ تسمعني صوت جميل مع اسوأ الاغاني
جمله جميله مكتوبه ع الكرتونه بتاعت الكاسيت
EQ 7 Allows you To Adapt Music To your Favourite TASTE
و هو ده الـ انا عاوزه من الكاسيت مش تغيير نور الشاشه اطلاقا
اوبشن زي ده احطه فوق مع البلوتووث مع RCA اضافي لصب كمان بحيث يبقي فيه 3 RCA واحد او اتنين او حتي كلهم يبقوا Switchable...

**ahmed_mamdouh** · 22-04-2012 05:32 PM

بس يا دكتور السوني اقل rated output nearly "17rms في الماركات اللي في السوق .. ثم ان حكاية ال 7 باند اكواليزر مش بتهم ناس كتير اد القوة في الاداء بتاعة البايونير لان اغلب المستخدمين بيبقى عايز بيز قوي وشوية صوت جنبيه وخلاص .. والبايونير علشان برضه منتشر جدا اكيد هيبقى قطع غياره اكتر وارخص .... وجهات نظر في الاخر برضه

**m7mda7md** · 22-04-2012 06:00 PM

المشاركة الأصلية كتبت بواسطة ahmed_mamdouh

بس يا دكتور السوني اقل rated output nearly "17rms في الماركات اللي في السوق
الـRMS بتاع السوني مش عارف اتأكد منه لحد دلوقتي ...بس عاوز الفت نظرك لحاجتين:
الاولي , انت لما تنوي تعمل ساوند سيستم و جايب كاسيت نضيف من المفترض انك هتركب جي ام للسماعات دي و هنا مش مهم ال ـ RMS بتاع الكاسيت امام امكانيات اخري اكثر اهميه.
التانيه, التجربه الفعليه ونا احد المستخدمين و عندي سماعات 80 وات RMS و شغاله مقالتش لأ اطلاقا
.. ثم ان حكاية ال 7 باند اكواليزر مش بتهم ناس كتير اد القوة في الاداء بتاعة البايونير
يعني ايه القوه في الاداء؟
لان اغلب المستخدمين بيبقى عايز بيز قوي وشوية صوت جنبيه وخلاص
عايز بيز فوي و شويه صوت جمبيه و خلاص ده مش معناه ان بايونيير احسن....بالعكس دا انت بتدفع دم قلبك و بتاخد اوبشنز ثانويه تماما ونا قولت الكلام ده اكتر من مره سواء هنا او في موضوعات تاني....انا لا ادافع عن سوني اطلاقا و لكن عن CDX-GT500U فقط...ال بيقول علي الكاسيت ده صوته وحش مقارنه بأي كاسيت 3 باند يبقي مش عارف يظبط الاوبشنز بتاعته من الاخر كده
.. والبايونير علشان برضه منتشر جدا اكيد هيبقى قطع غياره اكتر وارخص .... وجهات نظر في الاخر برضه

ممكن يكون البايونيير هو الاكثر انتشارا بس الماركات التانيه منتشره بردو....بالنسبه لقطع الغيار بردو حاجه مش محوريه زي ما تشتري عربيه مثلا لازم قطع غيارها تبقي متوفره, ده مجرد كاسيت و حاجات كتير من مكونات الكاسيت هتبقي مشتركه في الاتنين( ال هيه مكونات الدايره الكهربيه بتاعت الكاسيت) و بغض النظر عن العدسه مثلا لأن الكاسيت ال بيجيب عدسه اكيد فات عليه وقت كبير جدا جدا من الاستخدام او بيستخدم بشكل سئ جدا و ساعتها تغييره بيكون محتوم ...يعني عندك العبد لله الكاسيت ال عندي ده التالت في اربع سنين تقريبا و قبله كان بايونيير 1150 و قبله رودستار بتاع الفيرنا و ال3 كاسيتات لم يحتاجوا الي صيانه ابدا ولا حتي تنضيف عدسه...سوني بردو ماركه ليها وزنها مش اي كلام.....انا تعبت من المناهده !!!!!

**ahmed_mamdouh** · 22-04-2012 06:19 PM

هههههههههههههههههه ...انت سخنت ليه يا دكتور ...انا شفت على كذا موقع لكذا موديل سوني ان الخرج بتاعه 17 ار ام اس ...والبايونير برضه كل الموديلات 22 ار ام اس وفي موديلات كينوود 30 ار ام اس ...حسابيا قلت ان البايونير اكيد هيطلع باور اكتر وده اللي البيز محتاجه .... وهي دي قوة الاداء اللي اقصدها :))
اما بخصوص ان سوني ماركة محترمة ...طبعا مش محتاجه كلام سوني من اقوى الماركات في العالم

**Ayman-Ahmed** · 22-04-2012 08:07 PM

المشاركة الأصلية كتبت بواسطة m7mda7md

شوف يا سيدي
سعره خيالي
و شويه اوبشنز هبله خسار فيها الفلوس
من كتر ما كرهت سياسه بايونيير الاستغلاليه مش عاوز افتح الموقع ابص علي امكانيات الكاسيت و امسكهم نقطه نقطه اعيب فيهم للصبح
كمثال: تلاقي الكاسيت في تحكم ايبود و بلوتووث و تغيير الوان الشاشه , و الاكواليزر بتاع الكاسيت 3 باند !!!!!
هو الكاسيت بيصنعوه ليه اساسا؟
عشان تسمع منه صوت كويس
يبقي المفروض الاول استوفي جوانب قوه الصوت و بعدين اشوف الكلام الفاضي بتاعهم ده
و ده ال عجبني جدا لما شوفت الكاسيت السوني ال انا طالع بيه السما ده
تقريبا مفهوش حتي تحكم ايبود ... ولا بلوتووث و لا تغيير الوان
بس فيه الحاجات الاساسيه الـ تسمعني صوت جميل مع اسوأ الاغاني
جمله جميله مكتوبه ع الكرتونه بتاعت الكاسيت
eq 7 allows you to adapt music to your favourite taste
و هو ده الـ انا عاوزه من الكاسيت مش تغيير نور الشاشه اطلاقا
اوبشن زي ده احطه فوق مع البلوتووث مع rca اضافي لصب كمان بحيث يبقي فيه 3 rca واحد او اتنين او حتي كلهم يبقوا switchable...

متفق معاك تماما فى النقطة بتاعة زيادة الاوبشن عن احتياجى لاننى فعلا مش عاوز كل ده ولكن فى الاساس انا بدور على صوت نقى.

المشاركة الأصلية كتبت بواسطة ahmed_mamdouh

بس يا دكتور السوني اقل rated output nearly "17rms في الماركات اللي في السوق .. ثم ان حكاية ال 7 باند اكواليزر مش بتهم ناس كتير اد القوة في الاداء بتاعة البايونير لان اغلب المستخدمين بيبقى عايز بيز قوي وشوية صوت جنبيه وخلاص .. والبايونير علشان برضه منتشر جدا اكيد هيبقى قطع غياره اكتر وارخص .... وجهات نظر في الاخر برضه

معلش سوال جانبى.هو خرج الصوت فى حالتى هيفرق معايا كتير لاننى هركب على سماعات الفابريقة وفى حالة حصولهم حاجة لا قدر الله يبقى هغيرهم ببايو مثلا او سونى.؟

المشاركة الأصلية كتبت بواسطة ahmed_mamdouh

هههههههههههههههههه ...انت سخنت ليه يا دكتور ...انا شفت على كذا موقع لكذا موديل سوني ان الخرج بتاعه 17 ار ام اس ...والبايونير برضه كل الموديلات 22 ار ام اس وفي موديلات كينوود 30 ار ام اس ...حسابيا قلت ان البايونير اكيد هيطلع باور اكتر وده اللي البيز محتاجه .... وهي دي قوة الاداء اللي اقصدها :))
اما بخصوص ان سوني ماركة محترمة ...طبعا مش محتاجه كلام سوني من اقوى الماركات في العالم

نفس السوال يا باشا هو خرج الصوت هيعمل فرق معايا؟

الموضوع: مساعدة فى اختيار كاسيت

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مساعده في اختيار كاسيت وسماعات

مساعده فى اختيار كاسيت ...

مساعدة فى اختيار اختيار لاب توب " Toshiba , HP "

نصيحة فى اختيار جهاز كاسيت cd بايونير

اختيار نوع كاسيت

الكلمات الدلالية لهذا الموضوع

المفضلات

المفضلات

ضوابط المشاركة