عملت عمرة عفشة

**SYD** · 21-04-2012 05:29 PM

المشاركة الأصلية كتبت بواسطة SYD

الله يبارك فيك يا باشا
بالنسبة للتصوير ان شاء الله في اقرب فرصة اصورلك الدنيا كلها

المساعد بيمسك ازاي ؟؟؟
بص يا سيدي وتخيل معايا

المساعد بيمسك من تحت في الطنبورة بتاعة العجل

ومن فوق
اولا هو داخل جوة السوستة
ومن فوق السوستة في البطاح
البطاح بتبقي مخرومة
المساعد طالع منه بار مخروم من فوق علي شكل الانكيه (سداسي الشكل) والبار دة قلاوظ
بيتربط في البار بتاع المساعد صامولة بوردة
وبالتالي الصامولة بتربط البطاح في السوستة واساسا هي بتربط في المساعد
ويجي فوق كل دة
الطبق المعدني الي حضرتك بتبقي شايفه من الكبوت

هتقولي امال السوستة من تحت مربوطة بأيه
هقولك السوستة بتبقي قاعدة علي حاجة شبه الطبق في نهاية المساعد

هحاول اجيبلك فعلا صور للكلام دة عشان تبقي متخيله

والله المستعان
،
،

دة بالظبط الي حصل عندي امبارح

تمام كدة يا باشا ؟؟
في لسة كدة حاجة عايز تستفسر عنها ؟؟

الله المستعان
،
،

**SYD** · 21-04-2012 05:32 PM

المشاركة الأصلية كتبت بواسطة ahmed1006

الف مبروك يا باشا

الله يبارك فيك

ربنا يخليك

**SYD** · 21-04-2012 07:11 PM

المشاركة الأصلية كتبت بواسطة gomaro2

مبروووووووووووك يا محمد بيه
هو ده الكلام .. وان كنت فعلا بافضل تجيب الحاجات دي استيراد .. اعتقد انها كانت هتبقى افضل بكتير
وبعتذر عن اختفائى الفترة اللى فاتت بسبب شوية مشغوليات على خطوبة على على على ..
وإن شاء الله نتجمع قريب على خير ... أحمد سميح

الله يبارك فيك يا احمد بيه يا فنان
والف مبروك الخطوبة
ربنا يتمم بخير ان شاء الله

والله فعلا الحاجات دي كانت اتجابت استيراد احسن
بس هنعمل ايه ؟؟ محدش بيتعلم ببلاش

انا ان شاء الله العمرة الجاية هتبقي استيراد
بالمرة اغير المساعدين والسوست والمقصات

أشوفك علي خير ان شاء الله

والله المستعان
،
،

**ehab_mansour** · 22-04-2012 12:42 PM

المشاركة الأصلية كتبت بواسطة syd

الله يبارك فيك يابشمهندس
العربية كانت ضايعة

والله يا باشا زي مانا
غيرت فردة ولسة الفردة التانية
لما سألت عصام ايهما مقدم علي الأخر؟؟
عصام قالي "العفشة اولي"
فبصراحة روحت عامل العفشة الأول

وفعلا معاه حق
العربية ماكنتش عربية بصراحة

وكمان ان شاء الله انا حاططها في الحسبان

هنعمل ايه طيب يا باشمهندس
كل الموجود في السوق مضروب

الحل الوحيد في الأستيراد

عارف انت
انا كنت لسة مغير جلب المقصات من حوالي 3 شهور
ولقيت احمد مبارك بيكلمني وبيقولي ان هو كمان لسة مغيرها من شهر وباظت وغيرها تاني
واحنا الأتنين كنا جايبين النوع المعفن الي اسمه توبران

ربنا ييسر الحال

والله المستعان
،
،

الله المستعان
ربنا ييسرلك الحال و تخلص من المشاكل كلها و تستمتع بعربيتك

**SYD** · 22-04-2012 01:12 PM

المشاركة الأصلية كتبت بواسطة matrix012

اولا الف مبروك على تظيبط العربيه
و والله يا باشمهندس انتا عداك العيب بكتير قوى
وربنا يستر طريقى وطريكم

ربنا يخليك يا ماتريكس

**SYD** · 22-04-2012 01:15 PM

المشاركة الأصلية كتبت بواسطة zika99_eg

الف الف شكر ليك يا كبير علي اهتمامك
وربنا يبارك فيك
كل اللي انت قلته تمام وانا شوفتي بس اللي انا مستغرب ليه ان الطبق المعدن اللي فوق في مسافه بينه وبين جسم العربيه يعني مش ماسك فيها مجرد موجود عشان ميخرجش المساعد من مكانه انا ان شاء الله هصور انهارده عشان تشوفها وتعرف قصدي
وعموما يا بشمهندس الف شكر ليك تاني مرة علي اهتمامك

الله يخليك

يا باشا المساعد كدة كدة بيبقي مربوط من تحت بالطنبورة
فبكدة هو ممسوك من فوق (البطاحة + الكرتيرات)
ومن تحت ممسوك بالطنبورة (والطنبورة ممسوكة بالمقص)

هي منظومة كاملة
كله ماسك في بعضه

واي خلل في اي حاجة فيهم بتأثر معاك في المشي والأتزان

وفي انتظار الصور لتوضيح الرؤية

والله المستعان
،
،

**SYD** · 22-04-2012 01:16 PM

المشاركة الأصلية كتبت بواسطة ehab_mansour

الله المستعان
ربنا ييسرلك الحال و تخلص من المشاكل كلها و تستمتع بعربيتك

يارب امين
شكرا يا بشمهندس علي اهتمامك والرد

والله المستعان
،
،

الموضوع: عملت عمرة عفشة

LinkBack

أدوات الموضوع

عرض

-

-

-

-

-

-

-

المواضيع المتشابهه

وأخيرا عملت عمرة للوحش البيجو 305 فيلم وخلص على خير الحمد لله

عملت عمرة لماتور ال127 فى 1/2012

عملت عفشة العربية امبارح و عايز رايكم ( نوبيرا 2005)

عملت عمرة للسويفت .. وفيها هزة .. ساعدوني

عمرة عفشة

الكلمات الدلالية لهذا الموضوع

المفضلات

المفضلات

ضوابط المشاركة