عملت عمرة عفشة

**saf22222** · 22-04-2012 10:31 PM

momken a3raf se3r mosa3ed ibiza 98
we se3r aksedemat amamy we 5alfy wel shabaka we feeha barooma fel 3atab a3melha feen we fawanees amamy we silk l debreyash we ser l denamo momken a3raf as3ar l hagat deh we l amaken beta3etha

we a5er haga ma3lesh feeh 5orm fel sarabanteena a3melo feen we ashen l takeef anhy ferion we meen a7san wahed beyeshen we bekam ana asef gedan 3al etala :)

**zika99_eg** · 23-04-2012 11:02 AM

السلام عليكم
بشمهندس محمد دي الصور من عربيتي

يا ترا الكلام ده مظبوط ولا في عندي حاجه غلط
مشكور مقدماً يا بشمهندس

**ehab_mansour** · 23-04-2012 11:20 AM

لحد ما يرد المهندس محمد حابب فقط أوضح اللي حصل معايا قبل كده ان لما كنت ارفع العربية من الأرض بالكوريك لعمل اي شيء فيها سواء في الفرامل او الكاوتش او العفشة كانت اطراف المساعدين اللي انت مصورها دي تترفع زيادة كما بالصورة كده و تفضل فترة و بعدين تنزل لوحدها ايه السبب مش عارف ده طبعا كان في الابيزا اللي بعتها
بس مش عارف ليه حاسس انهم عندك عالين بزيادة او شكلهم مش طبيعي ؟؟؟؟
أعتقد والله اعلم ان السبب في الرفعه دي هو السوست يعني ممكن تكون السوست عن حضرتك متغيره و مش هي الأصلية و منتظر رأي باقي الناس ..
وانا كان عندي المساعدين و بالبطاحات و الشمعدان و بالطنابير بأجزاء الفرامل فبريكة و متغيروش نهائيا ولا اتفكو لحد ما بعت العربية فقط كنت بغير تيل و بس

**ehab_mansour** · 23-04-2012 11:29 AM

المشاركة الأصلية كتبت بواسطة gomaro2

مبروووووووووووك يا محمد بيه
هو ده الكلام .. وان كنت فعلا بافضل تجيب الحاجات دي استيراد .. اعتقد انها كانت هتبقى افضل بكتير
وبعتذر عن اختفائى الفترة اللى فاتت بسبب شوية مشغوليات على خطوبة على على على ..
وان شاء الله نتجمع قريب على خير ... أحمد سميح

فينك يا أستاذ أحمد و ايه أخر أخبارك ياريت تطمنا عملت ايه في قصة الصبابات
والف مبروك الخطوبة و ربنا يتم عليك بالخير ان شاء الله

**ehab_mansour** · 23-04-2012 12:01 PM

المشاركة الأصلية كتبت بواسطة zika99_eg

يا بشمهندس يشرفني ردك وملاحظتك
فعلا انا لما اشتريت العربية صاحبها قالي لي انه مغير مساعدين امامي عشان الموتور ال 1600 اتقل
بس العربية مش فيها اي مشاكل في العفشه ولا تخبيط لا ترزيع بس شكلها ده محيرني وكمان مش عارف ازاي مش مربوطه في بودي العربية تحس انها ماسكه كبس
هي صحيح ماسكه من تحت في الطنبورة لكن من فوق مجرد الطبق المعدن ده وكمان مش كابس علي الجسم زي ما انتي شايف كده بعيد عن جسم العربية

شوف هو موضوع انها مش ماسكة من فوق زي مانت شايف فده طبيعي و الابيزا كانت معايا فبريكة و كانت كده و في الأساس انت عندك المساعد و السوسته في نهايتهم البلية اللي بيلف عليها المساعد في حالة الدوران يمين و شمال لذلك لابد ان الجزء ده يكون كده منفصل عشان يلف مع المساعد دون ان يحتك بجسم العربية ولكن مش قوي كده

لي بعض الملاحظات من خلال الرسم اللي حطه المهندس محمد سيد في الصفحة السابقة
ان اللي بيؤثر في ارتفاع و انخفاض الطبق اللي فوق ده هو تجميع الأجزاء رقم 5و 6و 7و ربطهم بالصامولة 8 علي السوسته لذلك الارتفاع هيكون سببه هو يا اما ضغط السوستة زيادة يا اما السوستة اللي راكبه أقل ارتفاعا قليلا من الاوريجينال يا أخيرا ان ثقل المحرك ال 1600 علي السوستة مخليها مضغوطه زيادة وفي الحالة دي هيكون هو غير مساعد لما غير الموتور و ركب السوستة القديمة اللي كان راكب عليها المحرك ال 1000 سيسي

والله أعلم ده توقعي ان اخر احتمال هو الأقرب لحالتك

وفي كل الحالات متقلقش مش هيؤثر معاك ده في شيء سوي ان العربية هتلاقيها اوطي قليلا من قدام عن الاوريجينال
أتمني ان اكون قدرت اوضح ما أقصده

**ehab_mansour** · 23-04-2012 02:11 PM

المشاركة الأصلية كتبت بواسطة agaty1st

فعلا يا باشا الكوبايه فوق المساعد مرفوعه زياده لأن البطاحات بايظين و واضح اوي من الصور انهم مضغوطين

ممكن فعلا يا هيثم بيك تكون البطاحات بايظة و متأكله ولكن هو بيقلك انه مبيشتكيش من حاجه ؟؟

**SYD** · 23-04-2012 05:49 PM

المشاركة الأصلية كتبت بواسطة saf22222

momken a3raf se3r mosa3ed ibiza 98
we se3r aksedemat amamy we 5alfy wel shabaka we feeha barooma fel 3atab a3melha feen we fawanees amamy we silk l debreyash we ser l denamo momken a3raf as3ar l hagat deh we l amaken beta3etha

we a5er haga ma3lesh feeh 5orm fel sarabanteena a3melo feen we ashen l takeef anhy ferion we meen a7san wahed beyeshen we bekam ana asef gedan 3al etala :)

تم الرد في موضوع اسعار قطع غيار ؟؟؟؟

http://www.nilemotors.net/Nile/28414...post3874258282

والله المستعان
،
،

**SYD** · 23-04-2012 06:32 PM

المشاركة الأصلية كتبت بواسطة zika99_eg

يا بشمهندس يشرفني ردك وملاحظتك
فعلا انا لما اشتريت العربية صاحبها قالي لي انه مغير مساعدين امامي عشان الموتور ال 1600 اتقل
بس العربية مش فيها اي مشاكل في العفشه ولا تخبيط لا ترزيع بس شكلها ده محيرني وكمان مش عارف ازاي مش مربوطه في بودي العربية تحس انها ماسكه كبس
هي صحيح ماسكه من تحت في الطنبورة لكن من فوق مجرد الطبق المعدن ده وكمان مش كابس علي الجسم زي ما انتي شايف كده بعيد عن جسم العربية

طب لما غير المساعد جاب انهي مساعد ؟؟؟؟
هل جاب بتاع الجولف 2 بالبطاحات بتاعته بسوستته ؟؟؟؟

والشكل الي محيرك مافيهوش اي حاجة وطبيعي جدا
لما البطاحة بتتأكل بتعمل كدة
ولو رفعت العربية من العتب وليس المقص مش هتعمل معاك كدة
بل بالعكس هتبقي ساقطة لتحت

انت البطاحات هي الي شايلة العربية بجد

بص علي شكلها كدة عندي
وشوفها عاملة ازاي

الي عامل العربية مش غبي عشان يربطها في صاج العربية
العربيات دي معمولة عشان حضرتك تهبد فيها وتتنطط بيها وتسلك بيها في الحديد
وكمان بتدخل راليات (الvr6 وال2000 تربو)
لو ماكنش المساعد يبقي معاه مساحة يروح فيها ويجي
لازم وحتما هيقطع الصاج
ودي مشكلة في الفيات القديم الي نزل جر امامي زي ال 128 و ال127 - انه بيشرخ كارتيرات
بسبب التصميم الغبي دة
وايضا المساعدين الخلفية في بعض الفيات زي ال124 واللادا
بردو لو الهبد بياها جامد كانت بتشرخ الصاج

طبعا تشريخ كارتيرات او صاج دة لازم انت بتنط بيها لحد البلكونات

لكن هنا متصممة ان المساعد يطلع وينزل والأكلان كله والأنضغاط يبقي في البطاحات

انصحك
غير البطاحات وهات البطاحات بتاعة الجولف 2
هتلاقيها اكبر من بتاعة الأبيزا وفيها صاجة وبليتها منها فيها

بص الصور دي

دي البطاحة بتاعتنا بتاعة الأبيزا لحد 1400
البطاحة لوحدها والبلية لوحدها
شوف ارتفاع الكاوتش قد ايه (طبعا الصورتين واحدة بوشها وواحدة بظهرها)

ودي صورة البطاحة بتاعة الجولف 2 وبتاعة الأبيزا 1600
ولاحظ ان البلية منها فيها وجواها طبق صاج وكمان قطرها اكبر من بتاعتنا

اعتقد كدة الفرق وضح بين الأتنين
واعتقد مش هينفع تركب بطاحة مكان بطاحة لأن المساعد بيدخل جواها والبطاحة بتبات علي السوستة
فانت لازم تحل الأول
وتجيب زي الي هتطلع من العربية عندك

لو لقيتها الصغيرة
هتغير الدنيا كلها (مساعد بالسوستة والبطاحة والطبق الفوقاني)

لو لقيتها الكبيرة
هتجيب زيها وانتهي الموضوع علي كدة

اتمني اكون قدرت اوصلك الموضوع بشكل مبسط

ربنا يوفقك والله المستعان
،
،

-

الموضوع: عملت عمرة عفشة

LinkBack

أدوات الموضوع

عرض

-

-

-

-

-

-

المواضيع المتشابهه

وأخيرا عملت عمرة للوحش البيجو 305 فيلم وخلص على خير الحمد لله

عملت عمرة لماتور ال127 فى 1/2012

عملت عفشة العربية امبارح و عايز رايكم ( نوبيرا 2005)

عملت عمرة للسويفت .. وفيها هزة .. ساعدوني

عمرة عفشة

الكلمات الدلالية لهذا الموضوع

المفضلات

المفضلات

ضوابط المشاركة