الموضوع: رابطة الوحوش ملاك السيفيا (ج3)

المشاركة الأصلية كتبت بواسطة john4

ما هى افضل لمبات للكشافات الاماميه وبتبقى كام وات وسعرها كام عشان انا النور عندى ضعيف و مش باشوف منه حاجه وهل لازم اعمل كتاوت للنور ولو عملت تتكلف كام؟؟؟

أفضل لمبات عن تجربة تنجسرام 100/120 و فيه الفيليبس رالى برضه 100/120 و أى لمبة فوق ال55/60 اللى غالبا هتلاقيها راكبة عندك هتحتاج كتاوت علشان الحمل الكهربائى ميسيحلكش دراع النور

التكلفة تقريبيا
70 جنيه تنجسرام ..... 100 رالى
كتاوا و سلوك و ترامل و حاجات تانية 50 جنيه تقريبا
مصنعية 20-25 جنيه

كيا سيفيا أخت عربيتى فى مدريد



Uploaded with ImageShack.us

المشاركة الأصلية كتبت بواسطة john4

جزاك الله خير يا باشا والف شكر

على إيه بس و لو عاوز من اللمبات التنجسرام أنا نازل التوفيقية أجيب علشان كانت شاحة من السوق الفترة اللى فاتت قوللى

المشاركة الأصلية كتبت بواسطة medo_chemist

الحمد لله يا جماعة عملت شوية حاجات فى العربية ظباطولى
* غيرت الفتيس بتاع العربية (الفتيس ب 1700ج واجرة الراجل 125ج)
* غيرت طقم الدبرياج ( البليبة والاسطوانة والديسك ) ب 350ج الفاليو الكوري
* ركبت ماكينة بوار جديدة ( الماكينة ب 750ج واجرة التركيب 50ج)
* شوية شغل فى العفشة ( جلب مقصات كبير(120ج) وصغير(75ج) جلد ميزان(30ج) صوابع مقصات(120ج)) واجرة الراجل 50ج
والحمد لله الدنيا عندي اتغيرىت خالص وابتديت احس انى راكب عربية
ربنا يسهل ومايطلعليش خوازيق تانى

ممكن اعرف جيبت حاجات العفشة منين؟

السلام عليكم ياوحوش السيفيا
انا معايا كيا سيفيا 99 اتوماتيك من حوالى سنة العربية كويسة فى كل حاجة الا استهلاكها للبنزين و بعد تغير كل الى انتم تتخيله برده مفيش تغير بس فى مشكلة كانت بتظهر غريبة ان العربية فى الصيف بتسخن بالرغم ان الردياتير فى مياه وفى الشتاء بالاحظ ان المؤشر الحرارة ساعات بينزل عن الطبيعى لما يكون الجو ساقعة وفى طريق مفتوح سالت ميكانيكى قالى احتمال ترموستات الكوع متشالة او بايظة وهو الى عاملك استهلاك عالى للبنزين وعلشان تتاكد لازم تكون العربية باردة الصبح وتفك خرطوم الفايظ الى داخل على القربة وتدور الماتور وتزود بنزين لو لقيت فى مياه طالعة من الفايظ يبقة ترموستات الكوع متشالة او بايظة هل الكلام ده صح ولا غلط ولا لازم افك الكوع واتاكد و هل من الطبيعى ان مؤشر الحرارة يبتدى يتحرك بعد 5 دقائق من تدوير العربية فى الشتاء ارجو الرد من اصحاب الخبرة العريقة فى الكيا سيفيا

لسلام عليكم ياوحوش السيفيا
انا معايا كيا سيفيا 99 اتوماتيك من حوالى سنة العربية كويسة فى كل حاجة الا استهلاكها للبنزين و بعد تغير كل الى انتم تتخيله برده مفيش تغير بس فى مشكلة كانت بتظهر غريبة ان العربية فى الصيف بتسخن بالرغم ان الردياتير فى مياه وفى الشتاء بالاحظ ان المؤشر الحرارة ساعات بينزل عن الطبيعى لما يكون الجو ساقعة وفى طريق مفتوح سالت ميكانيكى قالى احتمال ترموستات الكوع متشالة او بايظة وهو الى عاملك استهلاك عالى للبنزين وعلشان تتاكد لازم تكون العربية باردة الصبح وتفك خرطوم الفايظ الى داخل على القربة وتدور الماتور وتزود بنزين لو لقيت فى مياه طالعة من الفايظ يبقة ترموستات الكوع متشالة او بايظة هل الكلام ده صح ولا غلط ولا لازم افك الكوع واتاكد و هل من الطبيعى ان مؤشر الحرارة يبتدى يتحرك بعد 5 دقائق من تدوير العربية فى الشتاء ومع التجربة لقيت فعلا المياه بتطلع من فايظ القربة والسيارة بارده ارجو الرد من اصحاب الخبرة العريقة فى الكيا سيفيا

المشاركة الأصلية كتبت بواسطة Ahmed_Ramadan

موضوع ال RPm ده ريح دماغك منه و متركزش معاه

المفروض إنك تغسل الحوض بالفوم بس و من غير ميه لتفادى المواقف البايخة ديه .... بس عموما إنت كده فى ميه واصلة لحساس فك الفييش اللى فى الحوض و أنفخها بهوا و إنفخ مكانها بالهوا و ركبهم تانى

شكر ا للرد احمد بك
الحمد لله اللمبة طفت بس لما ادور العربية الصبح قبل ما امشى بطلع دخنة بيضا وممكن تبقى لهارائحة زى الحرق النى بس بطلع ميه من الشكمان ولسه مغير زيت موبيل xhp وفلتر
وموضوع علو الrpm ححاول اتغاضى عنه وابتديت من النهارده