الموضوع: رابطة الوحوش ملاك السيفيا (ج3)

السلام عليكم يا وحوش السيفيا. الفترة الى فاتت عملت صيانة لعربيتى السيفيا 99 أوتو و حبيت أقول أخر أسعار قطع الغيار أولا أنا عملت الصيانة عند جورج الميكانيكى (رأى فيه بصراحة هوة شغله ممتاز و فاهم العربية جدا مش بياخد وقت عشان يقولك العيب فين ) أسعار قطع الغيار (كلها من الجندى و حلمى سليمان) و الصيانة كانت الأتى
1- فلاتر هوة و بنزين ب50 و 70 جنية
2- جوان غطا التكهات أصلى ب110 جنية
3- أويل سيل كامة مش فاكر دول الصراحة سعرهم كام
4- بوجيهات 55 جنية
6- تيل أمامى ألمانى ب 115 جنية
7- طنابير الفرامل خلفى و تيل ب 450 و 95 جنية أصلى
8- طقم كبالن داخلى و خارجى أستيراد أصلى من عند أبو أدهم 380 جنية بالأكس معاهم
9- سلك بوجيهات ب130 جنية أصلى
الشغل دة خد من جورج يوم من الصبح لى بليل (جورج بيياخد وقت شوية عشان بينضف كل حاجة فى العربية ) دة غير تنضيف البوابات (فك كل الحساسات الى عند البوابة و البوابة نفسها و نضفهم برة)
الحاجة الأخيرة الى عملتها و خددت بعديها يومين علبة الدركسيون جبتلها طقم حشو أصلى ب110 جنية و جورج بردة ألى صلحها (القديمة كانت جايبة زيت)
نيجى بقى لأداء العربية بعد الشدة دة
1- سحب العربية زاد جدا مع صوت ناعم يعنى بكون فاتح فوق ال140 و صوت العربية ناعم جدا (تجربة على المحور عشان انا من سكان زايد)
2- الفرامل أقوى بكتير
3- العفشة ماسكة نفسها جدا ( عشان جورج فك الأنطرة كلها و غسلها و شحمها و ربط كويس )
4- الدريكسيون تقل بس ماسك نفسة على السرعة العالية (عكس قبل التصليح كان خفيف بزيادة) و الزيت الحمد لله منقصش لغاية دلوقتى و جورج ركب العفشة و العلبة و أتحدينا بعض أنه هيطلع العربية الزوايا تمام و فعلا العربية مفهاش حدف
الحمد للة العربية تمام أنا حبيت أقول تجربتى فى الصيانة