رابطة الوحوش ملاك السيفيا (ج3)

**hishamhilmy** · 13-07-2012 01:43 AM

السلام عليكم ورحمة الله وبركاته
امبارح كنت رايح القاهرة من علي مصر اسكندرية الزراعي وقرب بنها تقريبا الطريق وقف شوية وبعدين فتح جيت امش لقيت العربية مابتسحبش فجأة بدةن اي مقدمات ومهما ادوس بنزين مابتسحبش اكتر من 40 والار بي ام مابيعديش 3 المهم وقفت علي جنب ونزلت عملت ريست للكنترول وبعدين مشيت مافيش حاجه اتغيرت وبعدين لمة chek eng نورت بطلت العربية شوية ودورتها طفت ومشيت نورت تاني فبطلت العربية وفكيت الكنترول اللي موجود تحت التابلوه من ناحية الرجل الشمال ونضفته وركبته تاني و مشيت شوية لحد بعد نزلة الدائري لقيت مركز صيانة معتمد اسمه المحمل المهم بعد مفاوضات مع مهندس الصيانة مش عايز يقبل العربية علشان موديل 2001 المهم دخلها حطها علي الكمبيوتر لقي اشارة حساس الاكسوجين فعمله ارضي خارجي وطلعنا جربنا مافيش فرق ملحوظ خدت العربية ومشيت ورحت عند ميكانيكي غيرت فلتر البنزين ونظفت البوابة مشيت العربية كويس بس مابتخدش اكتر من التاني والاوفر درايف مبقاش يشتغل والكيك داون كمان مش عارف اعمل ايه او اشيك علي ايه ارجوكم المساعدة ضروري جدا (اه علي فكرة المهندس بتاع التوكيل وصفلي واحد في الحرفيين ارحلو شوفت توكيلات بتعمل كده قبل كده مع العلم عربيتي ماشية 220 الف صينتها كلها بالعداد ومش ملعوب في اي حاجه فيها خالص )

**fekodedo** · 13-07-2012 02:09 AM

يا جماعة لو سمحتوا عايز اعرف ايه سبب عدم سحب العربية زى الأول ومبقتش تشد مع لادا حتى ,,,

يا ترى فى سبب محدد ميخليش العربيه تسحب بالشكل ده ,,

يا ريت تفدوى يا اهل الخبره عشان نفسيتى زى البتنجان من الموضوع دا ومحصلتش ركوبة 128 والله بالسرعة دى .

**the9ranger** · 13-07-2012 10:03 AM

المشاركة الأصلية كتبت بواسطة fekodedo

يا جماعة لو سمحتوا عايز اعرف ايه سبب عدم سحب العربية زى الأول ومبقتش تشد مع لادا حتى ,,,

يا ترى فى سبب محدد ميخليش العربيه تسحب بالشكل ده ,,

يا ريت تفدوى يا اهل الخبره عشان نفسيتى زى البتنجان من الموضوع دا ومحصلتش ركوبة 128 والله بالسرعة دى .

ازاى الكلام ده ان طالع بيها من دلانوس ونوبيرا ولانسر وشاهين وكل الى قبل كده وبجيب بيها 180 مستريح
فى حاجه عندك غلط اكشف على حساس الاكسوجين وعلى كل الحساسات وخصوصا حساسات البوابه ونضف البوابه كويس وغير فلتر الهواء والزيت وغير البوجيهات وشوف كده وقولنا ايه الاخبار

**the9ranger** · 13-07-2012 10:04 AM

يا جماعه احنا محتاجين مقابله علشان المشاكل الى عماله تحصل فى عربيات الناس دى ونستفيد من خبرات بعض ايه رايكو

**the9ranger** · 13-07-2012 10:09 AM

المشاركة الأصلية كتبت بواسطة zomprakes

والله ياشا كلامك مقنع بس حضرتك ركبت ال sir فبل كدة ؟ يا باشا دا احساس تاني 174 حصان و احنا 90 ولا 100 معرفش في فرق سرعات يا رايس

انا بعتبرها اقوي عربية 1600 نزلت مصر لي حد دلوقتي و عموما شكرا لي اهتمام حضرتك بس مش عارف فين راي بقيت الناس

بصراحه عايز رايي لو السيفيك حالتها حلوه متفرتش فيها بس خلى بالك علشان العربيه دى لو ملعوب فيها هتخرب بيتك ومش هترجع زى الاول ابدا وهتحس انك راكب عربيه ابطا من الشوما الى كانت معاك

**medo_egypt86** · 13-07-2012 12:32 PM

لو عايز اعمل ريست للكنترول اعمل ايه؟
سيفيا مو 99 اوتوماتيك
مشكورين مقدما يا رجالة

**shady4800** · 13-07-2012 12:42 PM

السلام عليكم ورحمة الله وبركاته
كونت عايز استفسار هل ممكن نعمل upgrade software لل ecu بتاع عربيتنا زى rio و cerato لان الى عاملوا فى عربيتهم كده زى rio2012 بيقولوا ان هما حسوا بفرق كبير فى السحب والبنزين انا معايا سيفيا 1999 اتوماتيك العربية لما اشترتها كونت بطلع بها من عربيات كتيرة لان سحبها كان حلو اوى بس دلوقتى بقت بمزاجها ساعات تبقة كويسة وكتير بتبقة زى البطة مبتجريش وبالذات فى الحر بالرغم انى محافظ عليها وبعملها صيانتها ومغير كل حاجة من زيوت وفلاتر لاكن معرفش ليه السحب ضعف هل دى مشكلة software ولا حاجة تانية

**Ahmed_Ramadan** · 13-07-2012 03:04 PM

المشاركة الأصلية كتبت بواسطة the9ranger

يا جماعه احنا محتاجين مقابله علشان المشاكل الى عماله تحصل فى عربيات الناس دى ونستفيد من خبرات بعض ايه رايكو

أنا موافق و يا ريت قبل رمضان

**eldmrane** · 13-07-2012 04:38 PM

انا لمبة الاوفر دريف كانت بتنور عندي وبعدين طفت احط العربية علي الجهاز ولا زي ما الميكانيكي قالي كدة الفتيس بيودع ؟؟؟؟؟؟؟؟؟؟؟؟؟

**the9ranger** · 13-07-2012 06:15 PM

المشاركة الأصلية كتبت بواسطة eldmrane

انا لمبة الاوفر دريف كانت بتنور عندي وبعدين طفت احط العربية علي الجهاز ولا زي ما الميكانيكي قالي كدة الفتيس بيودع ؟؟؟؟؟؟؟؟؟؟؟؟؟

كده يبقى بيودع بس هات اخرو خالص خالص وبعد كده غيرو بواحد استيراد

الموضوع: رابطة الوحوش ملاك السيفيا (ج3)

LinkBack

أدوات الموضوع

عرض

-

-

-

-

-

-

المواضيع المتشابهه

رابطة ملاك الكارينز

رابطة الوحوش ملاك الافيو

رابطة الوحوش ملاك السيفيا (ج2)

رابطة الوحوش ملاك السيفيا....الجزء الاول

الى رابطة وحوش السيفيا الحقونى

الكلمات الدلالية لهذا الموضوع

المفضلات

المفضلات

ضوابط المشاركة