الانسر ولا الميجان حد يرد عليا

**ahmedsherif81** · 10-06-2008 08:25 PM

اجيب لانسر ولا ميجان بالرغم ان سعرهم مستعمل قريب

**sonic_aaan** · 11-06-2008 01:02 AM

انا لسه عامل الموضوع دا و رأى الناس ان
الشكل و الامان و الجودة و الثبات و الراحة الميجان يكسب بس مصاريفها اكتر
لكن كسوق و قطع غيار و استهلاك بنزين و كدا الانسر تكسب

يعنى لو معاك $$ تصرف كويس بنزين و قطع غيار هات ميجان لو مش عاوز تصرف كتير هات لانسر

**mohamed ibiza** · 11-06-2008 01:05 AM

ميجاااااااااااااااااااااا ااااااااااااااااااااااااا اااااان كفاية الاعتمادية الجبارة و التصفيح و الاداء و الثبات و القوة و الشكل و و و و و و و حاجات كتيييييييييير

**fahd_628** · 11-06-2008 02:18 AM

ميجان بدون تفكيييييييييييييير

**Sharky** · 11-06-2008 09:47 AM

ميـــــــــــــــــــــــ ـــــــــــجان

**hero** · 11-06-2008 10:15 AM

مش عارف رغم ان الميجان عربية فخمة فعلا...لكن مش حاسس ابدا انها سيارة اعتمادية...يعني عايزة عناية خاصة...طرق نضيفة...وبنزين نظيف...وتوكيل وشغلانة..

علي عكس اللانسر ايلي باعتبرها من سيارات الخدمة الشاقة ...والتي تتمتع بقدر عالي من الرفاهية....وقطع غيارها في كل مكان.....واي بلية يشتغل فيها ....ومصاريفها معقولة ...

يعني طبعا وبلا شك ...لو هاختار بينهم ...هاختار اللانسر...

**hn_kamal** · 11-06-2008 10:56 AM

لانسر لان قطع غيارها كتيرة ورخيصة وأى حد ممكن يصلحها

**Ahmed Selim** · 11-06-2008 12:02 PM

ميجان طبعاً وبدون تفكير مع أحترامى الكامل لكل أصحاب اللانسر

تنك بنزين الميجان بيشيل 60 لتر وأنا متعود أمون لما يكون المؤشر على ال 3\4 يعنى بحط حوالى 45 لتر بيقعدوا معايا فى المتوسط من 420 ل 480 كم جوه البلد بالتكييف يعنى تقريباً 190كم فى الصفيحة جوة البلد بالتكييف.( عربيتى عاملة 72 ألف كم )

بالنسبة لقطع الغيار أغلى من اليابانى فى كذا حاجة بس أنا رأيي أنها أطول عمراً

فى الثبات الميجان أحسن
فى الكماليات الميجان أحسن
فى التوكيل الميجان توكيلها محترم جداً و ممكن يأخد أحسن توكيل فى مصر فى رأيي
فى الشكل الميجان أحسن ( دى مسألة أذواق )
فى الفرامل الميجان أحسن ( طنابير ورا وقدام )

ملحوظة : قبل ما أشترى الميجان من 3 سنيين كنت بقارن بين الأتنين وجربت اللانسر اكتر من مرة من واحد صاحبى على طريق الساحل و جوة البلد
و فاكر أن صاحبى ساعتها كان مغير تيل أمامى وقاللى أنه كان بحوالى 400 جم فى التوكيل ( من 3 سنيين ) و لما جبت الميجان و غيرت تيل كان بحوالى 440 أو 420 جم

دلوقتى تيل الميجان فى التوكيل ب 340 جم تقريباً بس معرفش تيل اللانسر بكام
فى تيل ميجان برة التوكيل ب 180 جم و ده مركبة عندى غصب عنى لأنى كنت مسافر ولازم أغير التيل و مفتكرتش غير يوم السفر وكان يوم جمعة والتوكيل قافل فغيرته بره والحمد لله ماشى بقاله 3500 كم من غير مشاكل ( تصفيير وخلافه ) مما يدل على أنه أن شاء الله نوع كويس