الموضوع: البومه اثبت و لا الاوبترا

المشاركة الأصلية كتبت بواسطة dawns_mist

البومة 1300 أو 1600 ثباتها أعلى من الأوبترا بمراحل يا جماعة ... أنا مجرب الأوبترا كتير جدا و سافرت بيها والله و ده مش كلامي ده كلام صاحب الأوبترا و هو أنتيمي يعني ... مافيش أي أي مقارنة نهائي في الثبات يا جماعة الخير .. انتم بتتكلموا في إيه بس و بتقارنوا في إيه ؟؟؟
البومة 1300 طاسات مع واحد صاحبي ، و الأوبترا مع واحد تاني .. و هما الاتنين كانوا بيتناقشوا في الموضوع ده من سنة و كل واحد فيهم ركب عربية التاني في سفر اسكندرية و أنا عربيتي بومة 1600 ... و صدقني صاخب الأوبترا بعد ما رجعنا قعد يسب و يلعن في اللي اخترعوا الأوبترا ... و لسه حاكيلي قريب أوي عن موقف رخم أوي عومة منه الأوبترا و لولا ستر ربنا خبطت في جدار بالجنب بدل ماكانت هتتقلب منه ...

عندنا في طنطا على الطريق السريع تحويلة 200 متر عبارة عن كيرف أو منحنى قاسي جدا على الطريق الزراعي السعري .. بختبر عليه كل العربيات اللي بسوقها كتير .. أول مرة باخده بالعربية على 100 و بعد كده أجرب آخده على 110 و هكذا .. و كل شوية إحساسي بالعربية طبعا بيختلف لحد ماوصل لأقصى حد أنا أقدر أستحمله اللي بعديه بحس إن خلاص العربية هتلف مني و تعوم .. و البومة وصلت بيها لـ 160 بعدها كنت خلاص فعلا العربية لمسه و هتتقلب .. الكارينز كانت 170 و فعلا أعترف للكارينز إن ثباتها محترم و ده شيء مختلف فعلا عن أي كوري .. الشارك 185 .. الأوبترا 130 و الياريس 120 .....

ده رأيي الشخصي يا جماعة و ياريت ماحدش يزعل من كلامي ...

أنا عايش فى سوهاج بس أصلى من طنطا

أنا عارف الحته دى كويس جدا

ده كيرف صعب جدا جدا جدا وكون ان البومة تاخد الملف ده على 160 وتستحمل ده شئ فى منتهى الروعه

بس عندى سؤال أنا معايا بومة بس جنط عادى ( طاسات يعنى ) مقاس 15

أعمل ايه أزود بيه ثبات العربية

اللى سمعته قبل كده أجيب لها جنط سبور أعلى فى المقاس يعنى على سبيل المثال 16 أو 17

ما رأيك ؟