اثبت الفاميه ولا بلاش

**Hikayat** · 29-05-2012 04:29 PM

دلوقتي في واحد صاحبي كنت عامله خدمه قبل كده وهوه عاوز يردهالي فالمهم هوه عارف اني عاوز اثبت الفاميه في الرخصه ومشيت في السكه دي كتير ومعرفتش فلقيته بيقولي هثبتهولك انا وبتاع
انا كنت زمان سالتكم في حاجه اسمها اثبات فاميه ع الرخصه ولا لاه لعربيه مش نازله بفاميه ؟ وبعدين لقيت في ناس فعلا ثبتوه
انا عربيتي بوما وبفيم علطول في الصيف علشان الحر والشمس واشيله في الشتا علشان اللجان وهكذا
المهم هوه قالي شوف انت عاوزني اعملهالك كمبيوتر ولا بخط الايد وقلي ؟ بس مش هتكتب في الملف هتكتب في الرخصه بس ؟
وانا رخصي مسحوبه اساسا بقالها ييجي 3 اسابيع علشان خاطر الفاميه
ايه رايكم ادوس واثبته ولا لاه واثبته كمبيوتر ولا خط ايد ؟ وهعدي في الكماين ولا هيرخموا عليا بالذات اني بعدي يوميا علي كمينين ع الاقل وحد جرب الموضوع ده بنفسه قبل كده ولا ايه ؟ واخر سؤال في حد جرب قبل كده وثبته في الملف والرخصه ولا اللي ثبته ثبته في الرخصه بس ؟

انا بصراحه اللي مقلقني ان في ناس قالولي هياخدوا منك الرخص برضه .... وناس تانيه قالولي دي هتبقي تزوير لانه في الرخصه ومش في الملف ..... بس انا بصراحه علي جثتي اني اشيله في الصيف بالذات اني بسافر علي طريق صحراوي كتير بحكم شغلي في العاشر وانا اساسا مش مقتنع ان اللانوس بقت بتنزل بفاميه و العربيات ال 2012 بقم فاميه واللي قبل كده لا ما هو لو مضر ما يتمنع ع الكل ولو مش مضر يتسمح بيه للكل يا ولاد التيت

ايه رايكم ؟

**damasry** · 29-05-2012 04:34 PM

بتتكتب في الرخصة فقط وما يقدرش يثبتها في الملف

وطبعا تتكتب بالكومبيوتر افضل بكتيييير من خط اليد

الظابط لو رخم عليك قوله انت ليك الرخصة وبس.

كمان فيه حل انك ت وح لجريش وهو بيعمل الزجاج فيميه وانت بتدفع الفلوس وهو بينتجه ليك بعد اسبوعين علي ما افتكر وثمنه حوالي 2000 جنيه للعربية كلها.

**S O P H O S** · 29-05-2012 06:02 PM

انا كمان نفسي فحل علشان افيم ومفيش غير الوسايط كالعادة

**A.Adel** · 29-05-2012 06:02 PM

البومة مبتنزلش فاميه فابريكة خالص ,هتبقى مفقوسة قوي حكاية إنها تنزل فاميه في الرخصة

بس الظابط بيبقى عارف إنك ليك واسطة و إلا مكنتش تعرف تعملها فـبيطنش إلا لو واحد رزل قوي

**Sehsss** · 29-05-2012 06:52 PM

المشاركة الأصلية كتبت بواسطة damasry

بتتكتب في الرخصة فقط وما يقدرش يثبتها في الملف

وطبعا تتكتب بالكومبيوتر افضل بكتيييير من خط اليد

الظابط لو رخم عليك قوله انت ليك الرخصة وبس.

كمان فيه حل انك ت وح لجريش وهو بيعمل الزجاج فيميه وانت بتدفع الفلوس وهو بينتجه ليك بعد اسبوعين علي ما افتكر وثمنه حوالي 2000 جنيه للعربية كلها.

+1111111

**damasry** · 29-05-2012 08:40 PM

المشاركة الأصلية كتبت بواسطة hikayat

سالت في المرور علي حوار جريش ده اني اغير الازاز واجبلهم الفاتوره قالولي مينفعش لازم يبقي نازل في الافراج الجمركي
قلتلهم طيب هجبلكم شهادات صحيه اني مينفعش اتعرض للشمس وسبب طبي وبتاع قالولي مينفعش لازم يبقي نازل في الافراج الجمركي
انا جربت كل حاجه قانوني ممكن تتخيلها
معدش فاضل غير شغل المعارف والوسايط والحوارات دي

يا باشا انا قصدى انك تعمل الزجاج فميه عند جريش بعد ما تثبت الفيميه على الرخصة بطريقتك عشان لو ظابط رخم حب يغتت قوله ده فعلا زجاج ملون مش فيميه ملزوق

**damasry** · 29-05-2012 08:41 PM

المشاركة الأصلية كتبت بواسطة ahmed-adel

البومة مبتنزلش فاميه فابريكة خالص ,هتبقى مفقوسة قوي حكاية إنها تنزل فاميه في الرخصة

بس الظابط بيبقى عارف إنك ليك واسطة و إلا مكنتش تعرف تعملها فـبيطنش إلا لو واحد رزل قوي

على ما اذكر البومة الوكيل كانت بتنزل فيميه خلفى ودى كانت ميزة فيها عن الخليجى

انا مش مأكد اوى من المعلومة ياريت حد يأكدها لينا

-

الموضوع: اثبت الفاميه ولا بلاش

LinkBack

أدوات الموضوع

عرض

-

-

-

المواضيع المتشابهه

ما هى اثبت سياره يابانى؟

البومه اثبت و لا الاوبترا

هوه في حاجه اسمها اثبت الفاميه ع الرخصه ؟

عايز اثبت الفاميه فى الرخصه

الكلمات الدلالية لهذا الموضوع

المفضلات

المفضلات

ضوابط المشاركة