وداعا نيو اكسنت ...

**me_medoo** · 22-04-2012 04:22 AM

بيع يا وديع ... وانا عندي الزبون لوعربيتك نضيفه راسل صاحب الموضوع ده .
http://www.nilemotors.net/Nile/282125-a.html

صحيح محدش يقدر قيمة النعمة الي معاه الا لمن يجرب غيرها
والمثل بيقول علشان تعرف خيري جرب غيري .
بأه حد يبيع كوري علشان يشتري صيني ماشي ماشي .
توكل على الله وبيع .

**حماده المصري** · 22-04-2012 04:37 AM

بيع يامعلم بس بصراحه متور وفتيس الاكسنت اعتماديه لا يعلى عليها

بس الثبات شيء مهم جدا جدا وهو معدوم في الاكسنت

**haroun707** · 22-04-2012 06:00 AM

المشاركة الأصلية كتبت بواسطة حماده المصري

بيع يامعلم بس بصراحه متور وفتيس الاكسنت اعتماديه لا يعلى عليها

بس الثبات شيء مهم جدا جدا وهو معدوم في الاكسنت

اتفق مع حضرتك فى ان العربية اعتمادية جداً واقتصاديو جداً واعطالها والحمد لله قليله جداً

لكن اسمحلى اختلف مع حضرتك فى موضوع الثبات
العربية دة ثباتها مش وحش خالص بالعكس عربية ثباتها معقول جداً .. بس الموضوع ليه عدة عوامل منها طريقة القيادة وحساسية الباور والتحكم فى الدركسيون وضغط الهواء فى الكاوتش وكمان نوع وحالة الكاوتش وحالة العفشة

وتقبل احترامى

وبالنسبة للزميل صاحب الموضوع ...... انا شايف ان حضرتك مبهور ليس الا بالسعر وشويه امكانيات اسميه لكن زى ما قال ليك زملاء كثير قبل كده بالكثير سنتين وحتلاقيها بقى شكلها عجوز وكمان فى حاجات كثير مش حتعيش معاك واعتقد ان اولها العفشة

**حماده المصري** · 22-04-2012 08:59 AM

المشاركة الأصلية كتبت بواسطة haroun707

اتفق مع حضرتك فى ان العربية اعتمادية جداً واقتصاديو جداً واعطالها والحمد لله قليله جداً

لكن اسمحلى اختلف مع حضرتك فى موضوع الثبات
العربية دة ثباتها مش وحش خالص بالعكس عربية ثباتها معقول جداً .. بس الموضوع ليه عدة عوامل منها طريقة القيادة وحساسية الباور والتحكم فى الدركسيون وضغط الهواء فى الكاوتش وكمان نوع وحالة الكاوتش وحالة العفشة

وتقبل احترامى

وبالنسبة للزميل صاحب الموضوع ...... انا شايف ان حضرتك مبهور ليس الا بالسعر وشويه امكانيات اسميه لكن زى ما قال ليك زملاء كثير قبل كده بالكثير سنتين وحتلاقيها بقى شكلها عجوز وكمان فى حاجات كثير مش حتعيش معاك واعتقد ان اولها العفشة

بص انا ركبت النيو اكسنت 4 سنين وانا من اوائل الناس الي ركبت نيو اكسنت كان لسه الشعب ميعرفهاش ف انا حافظ كل مسمار في العربيه فعلا

العربيه تجيبها يمين تجيبها شمال عفشه ناشفه بطريقه غريبه ثبات ممكن نقول كويس بس بتتنطط تنطيط غريب غريب غريب مضيع اي حاجه حلوه في العربيه ف هي خارج نطاق العربيات المريحه تماما وتنطيطها ده مخلي ثباتها وحش

انا بعد ما بعتها ركبت النترا 2005 بعديها ب فتره سوقت نيو اكسنت زيرو والله اول ما جبت بيها 100 ركنت وقولت لصحابها الف مبروك قالي مالك مش قولتله مفيش مش قادر اسوق وانا من جوايا كنت بستغرب انا كنت راكبها ازاي

**Hesham94** · 22-04-2012 11:36 AM

المشاركة الأصلية كتبت بواسطة ibn_seena

تمنها كام دي؟؟

ب 100 الف تقريبا

**meshmesh_egypt** · 22-04-2012 11:49 AM

انا بصراحه موضوع الثبات الى بتقولوا عليه فى النيو اكسنت ده انا عن نفسى زى الفل انا عالطول سرعاتى مش بتقل عن 130 وفى السفر اساسى من 180 الى 200 وبحس بالثبات وعمر ما ناس كانوا راكبيين معايا قالوا انها مش ثابته هو عيبها الوحيد التنيطيط وبيتظبط بظبطت الكاوتش كويس نيتروجين انما الكروس ديه ما احترامى يعنى انا على الصحراوى عمرها متعرف تطلع من اى عربيه هيونداى لان هيونداى يعنى التسارع بقوة فى اى وقت وفى اى لحظه وقطع غيار متوفره وسعر اعادة بيع عالى

وبعدين انا سمعت ان البافاريا سابت توكيل بريليانس مش عارف بقى المعلومه ديه حقيقيه ولا لأ

**mohamed5800** · 22-04-2012 12:31 PM

بونتو ايفو ثبات وامان وكماليات لا تعلى عليها ولاتعد ولا تحصى وواخدة فى اختبار الامان 5 نجوم فى حين السيراتو والنيو الانترا واخدين 3 نجوم

**me_medoo** · 22-04-2012 12:34 PM

لا يا حمادة يا مصري مكنتش أتوقع منك أبداً كده ياباشا ... ترضى حد يقول على الصني بتتنطط ولا بترقص ... ولسه أحمد تي في مطلع بيان رقم 6 لقسم نيسان ... طيب احنا في قسم هونداي هنطلع بيان رقم 7 أيه رأيك بأه .
وأذا كانت العربية بتتنطط فده لأنها عربية شقــــــية ... وفرحانه بشبابها . والتنطيط بيبان على السرعات العالية ... مش نتيجة عيب عفشـة لا ده نتيجة عيب أسفلت يا باشا ... أنزل كده وقف على اي طريق هتبص تلاقيه مش جي أستريت وأرتفاع واحد هتلاقيه عامل زي الموج كده ياباشا ... وتحياتي ليك يا غالي .

**raedegypt** · 22-04-2012 06:10 PM

كل يوم موديل وعربيات تقدم بسرعه ولافيها متانه ولاجودة زى الناس وماتلاقى قطع غيار .. ولو لاقيت مش كل حاجه هاتلاقيها وتبقى غاليه والصينى شكل وكماليات وماتلاقى سياره.. انت قرر وانت حر

**Speed_1747** · 22-04-2012 10:00 PM

بعد كلامكم يا شباب انا الحمد لله صليت استخاره و اقتنعت بعد دراسه و قرائه كتير لكلامكو و مواضيع عن العربيتين ع انت

قررت انى افضل متمسك بالنيو اكسنت .. لان فعلا كل اللى قلتوه مظبوط .. انا لما فكرت لقدام الله اعلم العربيه هتبقى حالتها ازاى ... و قطع الغيار و اعاده البيع

عموما انا هفضل مع الاكسنت حتى اشعار اخر .. و لو عوزت اشد ولا حاجه ابقا اخد الفيلوسترر من الحاج :d :d :d :d .. بس هحاول اظبطها شويه عشان تدينى الثبات الى انا عاوزه ... بفك فى جنط 16 و اغير عفشه سبور ... ولا جنط 15 و اخلينى فى العفشه الاصليه ...

والله العربيه نضيفه جدا و كذا واحد قالى تبيع ... قلت لا :)

انا بس عاوز اغير فيها للافضل عشان احبها تانى ...
ادونى اقتراحات يا نجوم ...