يعنى اية يقولك تيل الفرامل محمل !!

**Veroman** · 22-04-2012 02:21 AM

السلام عليكم

وانا ماشى النهاردة لقيت صوت خروشة كدة طلعت مرة واحد المهم لما كانت بتظهر فى الاول كنت بافتكرها من العربيات اللى حواليها لحد ماشكيت فيها و ابتديت الاحظها واخد بالى منها وفعلا الصوت معا الوقت ابتدا لما يظهر يعلى فى صوت المهم انى سالت فى الموضوع دة واحد قالى دة تلاقى السوستة بتاعت التيل سايبة و انا مستغرب انا ممكن امشى بيه عادى و مرة واحدة الصوت يظهر حتى لو متدوستش فرامل و يعلى اكتر فى صوتة و لو لحقتة قبل مايروح الصوت و دوست فرامل يعلى الصوت واحس بحاجة غريبة فى الدركسيون و بعدين هل لو استنيت لحد يوم الاتنين اول التلات لان بكرة الحد و مش هلاقى مكانكية فاتحة هل ممكن ياثر على الطنابير ولا اية ولا ممكن يطلع حاجة تانية غير التيل و الطنابير بس فى حاجة عايز اوضحة الصوت لما بيبقى مش موجود العربية بتبقى طبيعية جدا وادوس فرامل و اشيل عادى جدا ومرة واحد يظهر الصوت و بردو فى وقت عدم ظهورة بتبقى العربية طبيعية جدا .. مشكلة غريبة و ارجو الافادة من اخواتى فى المنتدى

**me_medoo** · 22-04-2012 04:13 AM

سليمة انشاء الله يافاير مان ... وشدة وتزول ... هحاول اشوفلك بكرة المهندس فضالي بتاع توب جير اذا فاتح بكره ولأ ... وعلى فكرة أبو ياسين قالي ان في مركز معتمد لتيوتا ناحية الاكادمية احتمال يكون مفتوح ... بكره هو احتمال يكون تيل الفرامل شادد شوية على الطنابير او قافش ... بس انتا سامع مجرد صوت مش كده يعني مفيش حرارة او ريحة شياط ...

يبقى ممكن رمان بلي ... بس عربيتك لسه جديدة بسم الله مشاء الله يبقى العيب منين !!! يارب بكره الصبح تتصل على المهندس فضالي ...
011111-05726
01010-87-811
مهندس فضالي شوفو وأنشاء الله يكون فاتح وأذا مش فاتح قولوا انا عندي ظرف طارئ أميرجنسي وبعدين أنا من قسم تويوتا ... هيفتحلك على طول .

**S O P H O S** · 22-04-2012 05:40 AM

بسيطة ان شاء الله زي ما قال ميدو باشا

**koshary** · 22-04-2012 08:45 AM

حاااااول متخرجش بالعربيه كتير لان ممكن يكون البلى هو اللى عمل كدا لان الموضوع ده حصل معايا يوم شم النسيم والعربيه عطلت بيا

**Veroman** · 22-04-2012 09:36 AM

المشاركة الأصلية كتبت بواسطة me_medoo

سليمة إن شاء الله يافاير مان ... وشدة وتزول ... هحاول اشوفلك بكرة المهندس فضالي بتاع توب جير اذا فاتح بكره ولأ ... وعلى فكرة أبو ياسين قالي ان في مركز معتمد لتيوتا ناحية الاكادمية احتمال يكون مفتوح ... بكره هو احتمال يكون تيل الفرامل شادد شوية على الطنابير او قافش ... بس انتا سامع مجرد صوت مش كده يعني مفيش حرارة او ريحة شياط ...

يبقى ممكن رمان بلي ... بس عربيتك لسه جديدة بسم الله مشاء الله يبقى العيب منين !!! يارب بكره الصبح تتصل على المهندس فضالي ...
011111-05726
01010-87-811
مهندس فضالي شوفو وإن شاء الله يكون فاتح وأذا مش فاتح قولوا انا عندي ظرف طارئ أميرجنسي وبعدين أنا من قسم تويوتا ... هيفتحلك على طول .

لا مفيش ريحت شياط او حاة زى كدة بس اللى انا عايز اعرف انو لو التيل شادد على الطنابير بيبقى نظامو يشد و يرع يبقى عادى تانى ولا المفروض ان لما التيل يشد يفضل شادد

النهاردة عندى جنازة و صعب اروح فى حتى و متطر امشى بيها كدة و مشوار بعيد وربنا يستر

**Veroman** · 22-04-2012 09:40 AM

المشاركة الأصلية كتبت بواسطة koshary

حاااااول متخرجش بالعربيه كتير لان ممكن يكون البلى هو اللى عمل كدا لان الموضوع ده حصل معايا يوم شم النسيم والعربيه عطلت بيا

ربنا يستر

**Veroman** · 22-04-2012 09:45 AM

المشاركة الأصلية كتبت بواسطة ahmed1006

بسيطة ان شاء الله زي ما قال ميدو باشا

يا رب

**Veroman** · 22-04-2012 09:56 AM

بعدين انا عايز اعرف الرمان بلى دة كلة واحد ولا كل عربية بتفرق عن التانية فى الرمان بلى ؟؟؟

و بعدين اكتشفت حاة تانية ان الصوت مش بيظهر غير لما العجل بيسخن تقريبا لان نزل من شوية روحت مشوار قريب و جيت محصلش حاجة

**Amr Axel** · 22-04-2012 11:12 AM

لو بتسمع صوت طقة لما تدوس فرامل و تحس زي تخبيط ورا الدريكسيون و الكلام ده مش مستمر مرة اه و مرتين لأ و هكذا و اقولك حاجة جديدة جرب تمشي بيها كتيير هتلاقي الصوت ظهر و لو مشيت حاجة بسيطة مبيظهرش لكن ممكن احيانا بيظهر
متقلقش بسيطة جدااااا العيب من التيل نفسه بيبقي جاي خفيف
هتروح لميكانيكي يفك التيل و يظبطلك المنطقة ديه مكانه بالرابسو و المية يرجعهالك فلة و يصنفرلك التيل و يزنقه من تحت بعقب سيجارة او اي حاجة بديلة لو مش هتغير التيل ياما تجيب تيل بديل نوعية افضل لكن متقلقش ان شاء الله خير