الموضوع: عشان تعرفوا البنات في مصر بيتعرضوا لإيه و مستحملين ايه

للأسف الشديد إن كل ده موجود بالفعل
وبصراحه شىء أقل مايقال عليه انه قذر وإن دل على شىء يدل على مدى الانحطاط اللى وصلنا فى مجتمعنا

بس أختلف مع حضرتك فى إن مازال فى ناس ممكن تضحى بروحها فى مقابل انه ينقذ بنت من انها تتعرض لحاجه تنتقص من كرامتها

ومن وجهة نظرى إن الحل فى عودة شهامة ولاد البلد لردع هذه الشخصيات المنحله والشهامه ده طبعاً نستمدها من قول النبى صلى الله عليه وسلم"ما من امرئ مسلم يخذل امرأ مسلما في موضع تنتهك فيه حرمته وينتقص فيه من عرضه إلا خذله الله في موطن يحب فيه نصرته، وما من امرئ مسلم ينصر مسلما في موضع ينتقص فيه من عرضه وينتهك فيه من حرمته إلا نصره الله في موطن يحب فيه نصرته"أو كما قال حبيبنا المصطفى

وأيضاً علينا أن نتذكر أننا لانرضاه لأمهاتنا وأخواتنا فعندما جاء شاب للنبى يستئذنه فى الزنا فقال له المصطفى أتحبه لأمك قال لا قال أتحبه لأختك قال لا فقال المصطفى وهكذا الناس لايحبونه لأمهاتهم ولا إلى أخواتهم

وأسألأ الله تعالى أن يردنا إليه رداً جميلاً

الموضوع كبير اوي وزايد عن حده الطبيعي من زمااااااااان
وما بين لوم البنت على لبسها او اللي بيعمل كده ايه اسبابه
المجتمع كله في ازمة اخلاق لاسباب مادية واجتماعية ونفسية وامنية ومن سنين طويلة

اتحولت البنت لسلعة من ناحية اهلها في انهم بيجوزوها للي يدفع اكتر ومن ناحية اللي هايتجوزها
اللي اوقات برده بيقيمها هو واهله على اساس انها سلعة وكلمة زي اختك ديه اتمسحت مع الوقت
بس للاسف اتمسحت برده على ايد ست تانية هيا الام لانها مهما كان عليها المسئولية الاكبر في التربية

لان في برده ستات مع احترامي لكل الامهات بتزرع جوه دماغ ولادها ان اختك حاجة وبنات الناس كلهم حاجة
تانية خالص (( وطبعا البنت مش هاتحكي ده لاخوها ولا لباباها ولا لمامتها حتى الموضوع مقفول مقفول ))
وانا مانكرش اني شفت نماذج اقنعت ولادها بكده من خلال التربية وبقى مؤمن بالفكرة لانه
اتربى عليها .. فا بيفضل لو حتى مابصش للبنت نظرةوحشة مش هايهتم بيها او يدافع عنها
فا اختفت الشهامة والاحساس بالمسئولية تجاه البنت من الشارع من الناحية ديه ومن ناحية تانية انه لو دافع عنها ممكن حد يكون معاه سلاح ويقتله فا بيبقى حاله الطبيعي انه يقول وانا مالي وهانقوله والله عندك حق
وانت مستغني عن نفسك .. وفي العرف هو فعلا عمل الصح
لان لا شرطة هاتلحقه ولا حد هايمسك اللي بيتحرش ده يعمله حاجة اصلا
تقريبا هايقلولوا وانت مالك برده والبنت هاتقول ماحصلش حاجة .. من الخوف طبعا

ثالثا زمان كان فيه بنات بتلبس ضيق وقصير وفيه اللي بتلبس طويل بس كان في حاجة مهمة
اوي الاحترااام كان في احترام متبادل بين الناس واحترام خاص للمرأة ام او اخت او اي واحدة ست
كان بيتقالها حضرتك ويا هانم ومكانش برده الالفاظ الخارجة بعض الناس بتعتبرها ستايل
وده برده كان نابع من التربية والمجتمع كله وكمان كان حتى الناس البسطاء ليهم حياة كريمة الى حد ما من الناحية المادية
بياكلوا وبيشربوا وبيتجوزوا لكن للاسف دلوقتي تقريباالشعب كله عايش بالعافية بيحسبها بالورقة والقلم
لان المجتمع حاليا ضغط كل الطبقات لما قربوا كلهم يختفوا وهايفضل 1% تقريبا

كمان الاعلام ليه دور كبير جدااا من اعلانات وكليبات وافلام واظهار ان الولد اللي بيعاكس ده
استايل ودمه خفيف لو تابعنا الاعلانات والافلام زمان
وحتى الكليبات في فترة التسعينات يعني مش في الستينات .. كان الكليب حد بيعزف والمغني واقف جنب بيانو
والبنات لابسين لبس بالنسبة للوضع الحالي كانهام محجبات لكن دلوقتي
هانلاقي ان تقريبا مابقاش فيه مخرجين
ولا افكار بقى بيطلعوا شوية بنات وارقصوا واي كلام على اي حاجة واهو الناس مبسوطة وخلاص

اسفة على التطويل بس الموضوع متشعب جدااااا
وياريت بلاش نفكر في لبس البنت وبس لان فعلا بنات من ابتدائي وبيتعرضوا للوضع ده
مش هانقول منقبات ولا محجبات حجاب واسع ومش باين منهم حاجة
يعني الموضوع اكبر من اي لبس بكتيييير
المجتمع كله محتاج تاهيل في التربية والاخلاق ومحتاج يتبني عشان يوفر احتياجات البني ادم
ويحترم انسانيته ويحميه

انتي مقرتيش المشاركات كلها...لبس البنات من العوامل اللي بتذود عمليات التحرش والاغتصاب لكنها مش السبب الاساسي

[QUOTE=ahmed_nubira;3874256911]انتي مقرتيش المشاركات كلها...لبس البنات من العوامل اللي بتذود عمليات التحرش والاغتصاب لكنها مش السبب الاساسي[/QUO

فعلا مش قريت كلها بس الاغلب يعني وباكمل الباقي
واكيد اللبس عامل من العوامل بس برده في مساحة حرية لكل واحد
المفروض مانتعدهاش حتى لو اللبس اوفر
وده يعتمد على العوامل التانية