شاريد (موديل 1990) اوتو 3 سليندر 1000 سي سي

**mah_khourshid** · 22-04-2012 12:11 PM

السلام عليكم
انا من شهر اشتريت الشاريد اوتوماتك موديل 1990 3 سليندر 1000 سي سي كانت عامله 134 الف كم
الحاله العامه مقبوله وموضوع الهيه اوتوماتك خلاني معمل شيك عند حد مجرد اني جربتها وكانت كويسه جدا وشغلت التكييف ومكنش في مشاكل
المهم اشتريتها واتجهت بيها للميكانيكي بتاعي في مدينه نصر اول وقالي علي شويه حاجات لازم تتغير زي:
1- تيل الفرامل والطنابير
2- الفلاتر
3- البوجهات
4- الزيوت
5- السيور
7- مساعدين الشنطه كانت مش شغاله
8- مساعدين امامي
وطبعا جبتلها فرش جديد وكان ناقص بس انها تترش كانت هتبقي عروسه وكنت صرفت كتير فكفايه كده
بس طبعا قلت نتعلم فيها وبعدين الشكل العام يتظبط بعدين
غيرت كل حاجه كانت الفروض تتغير ومبخلتش عليها خالص
ومره كنت ماشي في الدائرى وعليت درجه الحراره فجأه فوقفت في بنزينه وطنيه بفتح الكبوت دخان كتير وغطاء الردياتير مش موجود وممفيش ولا نقطه ميه جواه .. الناس كتر الف خيرهم قالولي وش سليندر ياباشا وشكرا وكمان مصاريف تانيه
جبت ونش وهيله بيلا علي الميكانيكي تاااااااااااني عملت وش السيلندر + و كانت محتاجه نص عمره فعملتها بالمره
المهم انا كنت عايز اروح لواحد يشيديلي العربيه ويظبتلي الموتور والتكييف بتعها فتنصحوني اروح لمين

وعلي فكره اي حد اعرفه احكيله القصه دي يقولي انت ايه الخلاك تجيب العربيه دي قطع الغيار والصيانه صعبه اوي بس انا شايف انها متواجده بس عند ناس قليلين مووت في وكاله البلح عند اولاد الحاج نوح وفي الحرفيين عند اوشين

مش عارف انا بفكر ابيعها وجيب حاجه تكون منتشره زي الهونداي او الابيزا ولا السكودا بس كلهم هيكونو مانيول ومش عارف اخد القرار
بس غالبا هتعد معايه شويه استفيد بالدفعته فيها وابيعها بعد كده
وياريت لو حد عنده العربيه دي يقول ايه رأيه وبيصلحه فين وايه اشهر الاعطال
وهيه عربيه كفائه ولا خيرها في غيرها
واسف علي الاطاله

**mah_khourshid** · 22-04-2012 12:17 PM

انا نسيت اقولكو اني دفعت فيها 27500 جنيه وحسيت انها تستاهل عشان انها اوتوماتك ومفيش حاجه بالسعر ده وتكون اوتوماتك
والحمد لله علي كل شئ

**mohamed_rhem** · 22-04-2012 05:10 PM

متلفش كتير روح للمهندس سيد الفراش بالحرفيين مركز الفيروز خلف مسجد العزيز بالله

قوله انت جاي من نايل موتورز

**mah_khourshid** · 27-04-2012 10:02 AM

يا رجاله انا شكلي كده هتجه الي المهندس سيد الفراش بالحرفيين مركز الفيروز خلف مسجد العزيز بالله يشد العربيه شده محترمه ولو حسيت انها لسه برده مش امان هعرضها للبيع واشوف حاجه زيرو قسط
المشكله اني راكب عربيه كويسه رينو فلونس 2010 الفئه التالته فمش معقول اسيب المدام والاولاد يركبو عربيه ممكن تقف لاي سبب ربنا يستر علين كلنا يارب
بس انا ملاحظ ان مالكي العربيه دي الشاريد 1990 اوتو قليلين جدا جدا جدا وده مش كويس

في النهايه مفيش احسن واضمن وأئمن من الزيرو

**bondok20002002** · 30-04-2012 09:03 PM

على فكرة انا صديق شخصى للمهندس سيد الفراش إلى فى الحرفيين
هو نصحنى إنى مجبش شاريد 90 أوتوماتيك مع إنى كانت عجبانى قوى وقولت حجيبها وأغير ماتورها لواحد 4 سلندر بس هو قالى لا هو راجل محترم جداً وسعره حلو قوى روحله وتوكل على الله والصنايعية إلى عندو ممتازين أنا مغرم دايهاتسو قوى
وطمنا عملت إيه

**mah_khourshid** · 13-05-2012 07:02 PM

وبالفعل بدأت اذهب الي المهندس سيد الفراش وبجد راجل محترم جدا جدا جدا ويريحك يجبلك من الاخر
ظبطلي التكييف العربيه مبقتش تبطل الحمد لله
الماستر العمومي للفرامل كان رايح تماما غيرهولي ب 200 جبيه
ناقص الكبالن تتغير وبكده العربيه ممكن تتركب
بس يا جماعه بجد الواحد لو كان راح من الاول عند المهندس سيد كان وفر كتيييييييير اوي

**mohamed_rhem** · 14-05-2012 01:07 PM

المشاركة الأصلية كتبت بواسطة mah_khourshid

وبالفعل بدأت اذهب الي المهندس سيد الفراش وبجد راجل محترم جدا جدا جدا ويريحك يجبلك من الاخر
ظبطلي التكييف العربيه مبقتش تبطل الحمد لله
الماستر العمومي للفرامل كان رايح تماما غيرهولي ب 200 جبيه
ناقص الكبالن تتغير وبكده العربيه ممكن تتركب
بس يا [gdwl]جماعه بجد الواحد لو كان راح من الاول عند المهندس سيد كان وفر كتيييييييير[/gdwl] اوي

عندك الف حق علشان كده انا نصحتك به

انا كانت معايا شاريد 90 مانيوال غلبت مع الميكانيكية اللي مش فاهمين

عمرة ونص عمرة ووش سلندر مرتين ثلاثه ونص موتور

ومحدش قدر يجيب من الاخر الا المهندس سيد علي فكرة العربية مع اخويا الصغير ومبيتعاملش الا مع المهندس سيد

**mohamed_rhem** · 17-05-2012 05:03 PM

المشاركة الأصلية كتبت بواسطة mah_khourshid

انا معاك 100% وبجد الف الف مليون شكرا ليك علي نصحتك الجامده دي
وحاسس ان في امل ان العربيه تكون عربيه طبيعيه بعد بالكتير مرتين كمان عند م\سيد ومحتجش لاي اصلاحات جامده بعد كده

علي فكرة الشاريد راحت معايا شرم من اسبوعين كده وما شاء الله عليها

كانت بتشد معايا سيريون1 وبروتون برسونا 2012

ما شاء الله عليها

الموضوع: شاريد (موديل 1990) اوتو 3 سليندر 1000 سي سي

LinkBack

أدوات الموضوع

عرض

-

-

-

-

المواضيع المتشابهه

ايه الفرق بين جراند شروكي 99 ال 6 سليندر و 8 سليندر

استفسار عن صيانة دايهاتسو شاريد موديل 1990

جوان وش سليندر فى 2107 موديل 2008

مطلوب وش موتور شاريد موديل 90 3 سلندر 1000 سي سي

لمبه الزيت في شاريد 1990

الكلمات الدلالية لهذا الموضوع

المفضلات

المفضلات

ضوابط المشاركة