هو التوكيل هيبدأ يشتغلنا و لا ايه؟

**Imhotep** · 10-05-2012 01:18 PM

روحت اعمل صيانة ال 55 الف..... فى نصها جالى نداء للحديث مع مهندس الاستقبال.... خير يا بشمهندس..... التيل عايز يتغير.... نعم؟ ده لسه راكب عندكم من 15 الف بس و العربية اصلا لم تستخدم كتير الفترة اللى فاتت و تيل الفابريكة اللى كان قبله اتغير على 40 الف و مفيش اصلا اى من الاعراض المعروفة لتغيير التيل حصلت منه...... يبقى ايه السبب؟ سكت المهندس..... و كل اللى قاله ان احنا لازم ننبه العميل لتغيير التيل و هو مفيهوش غير يمشى الف كيلو بس..... قلت له ان شاء الله الصيانة الجاية و عليك خير....

واقف على الحائط الزجاجى بحاول اشوف ايه اللى بيحصل فى العربية لقيت واحد جانبى عمال يبرطم مع مراته و سمعت جملة طايشة كده بما معناه..... لما نشوف هم بيعملوا ايه بال الف جنيه اللى لطشوها....

السؤال بقى.... هو التوكيل هيبتدى يشتغل الناس عشان يطلع منهم اى مصالح و لا ايه؟ حد تانى حس باشتغالات من النوع ده منهم قريب؟

اصل انا خايف يكونوا حسوا بانخفاض فى تعامل الناس معاهم بعد الثورة و الظروف الاقتصادية اللى اثرت على ناس كتير و بالتالى بيحاولوا يعوضوا ده بانهم يطلعوا مصالح من اللى لسه ماشيين معاهم.....

**MohssenRashed** · 10-05-2012 01:22 PM

انا مغير التيل على 30 الف و دلوقتي عامل 42 الف و في صيانة ال 40 الف مقليش حاجة.

ممكن حضرتك تكشف برة و شوف عشان تبقى مطمئن احسن.

**yoko** · 10-05-2012 01:29 PM

كنت تقولهم فكوا التيل لو فيه أكتر من 3 مم هترجعوه ومش دافع ولا مليم وشوف هيقولوا إيه
أوماترا كانوا بيعملوا الحركه دي يبقى التيل فيه أكتر من النص ويغيروه

**yoko** · 10-05-2012 02:01 PM

المشاركة الأصلية كتبت بواسطة mohssenrashed

خبير توكيلات انت يا YOKO بصراحة اللي يتعامل مع اوماترا يتعلم الفهلوه هههههههههههههههههه

دا انا عملتلهم قرد في توكيل الرزق (ديهاتسو) عشان يفهموا ان فلتر K&N Replacment احسن من ال Stock و برضو يقولي انا مركبش غير مكتوب علية ديهاتسوا هههههههههه و في الاخر قالي نصيحة الفلتر ده هيجبلك مكنة

منور قسم الديهاتسو ياباشا

نفس الي إتقالي في اوماترا بقيت أفك وأركب فلتر فيات قبل ما أدخل الصيانه واقولهم نضيف متغيروهوش لحد ما وصلت لمدير هناك قلتله انا بعمل كذا ومش هتقدروا تثبتوا فهجيلكم بالkn والضمان يفضل شغال ههههههههههه معرفوش يقولوا لأ
وعلى فكره فلتره الkn أعلى من الoem

**Imhotep** · 10-05-2012 11:26 PM

المشاركة الأصلية كتبت بواسطة Dr.A.Nabil

هو حضرتك روحت فين؟ ابو رواش ولا الهايكستب ولا مين؟

ابو رواش

**Imhotep** · 10-05-2012 11:33 PM

المشاركة الأصلية كتبت بواسطة yoko

كنت تقولهم فكوا التيل لو فيه أكتر من 3 مم هترجعوه ومش دافع ولا مليم وشوف هيقولوا إيه
أوماترا كانوا بيعملوا الحركه دي يبقى التيل فيه أكتر من النص ويغيروه

جامدة الفكرة دى بس ما جتش فى بالى الصراحة. . . انا وضحت للمهندس بكل الكلام اللى قلته فى الموضوع و سبته يوصل بنفسه انى لو زودت جملة زيادة هيبقى انى اقول له ان التيل بتاعكو بايظ. . . يمكن لان خبرتى مع لوع التوكيلات مش كبيرة. . . بس الصراحة بعد كده مش هسكت لهم لانى بعمل عندهم كل حاجة هيتملعنوا يبقى ههزقهم و يغوروا لانى طلعت من الضمان اصلا

**MASERATI** · 11-05-2012 12:27 AM

السلام عليكم و رحمة الله و بركاته

الكلام ده لو فعلا صحيح و التوكيل عاوز يعمل شغل و مصالح بالشكل ده, يبقى أنا خايف يكونوا بياخدوا التيل القديم منك يركبوه فى عربيات تانية على أنه سليم و جديد, ماهو اللى يغير التيل قبل مايبوظ, أكيد مش هياخده و يرميه فى الزبالة و هو فيه نصه, ممكن يركبه لعربية عميل تانى على أنه جديد و أهو كله خير و مصلحة.