اللي يعاكس في الشارع تاني .. اعدااااااااااام

**khaloooda** · 22-04-2012 04:05 PM

نفسي يتم وضع قانون خاص بالتحرش الجنسي
يبقي فيه نص صريح وواضح : اللي يعاكس في الشارع تاني .. اعدااااااااام
يا جماعة مش ممكن .. ده احنا ناقص يعملوا عننا افلام وثائقية زي عالم الحيوان

انا معتقدش ان فيه بلد في العالم بيحصل للبنات فيه من تحرش بااللفظ او باليد زي اللي عندنا
المسألة مبقتش مسألة حجاب
صحيح المحجبة حجاب شرعي محترم بيكون التحرش بيها اقل
لكن فيه تحرش
وفي جميع الاحوال : حتي اللي لابسة لبس انا او انت نشوفه خارج او غير لائق - مش من حق اي مخلوق ان يعتبر لبسها ده دعوه للتحرش
المسألة مسألة ثقافة
تتفاوت النسب اه
نسب البنات اللي تتعرض للتحرش ونسب الرجالة اللي بيتحرشوا بالبنات حسب البيئة والثقافة وانفتاح المجتمع او انغلاقه والوازع الديني
لكن موجووووووووود في كل ارجاء مصر
ومع الاسف تلاقي رجالة بشنبات واقفة تتفرج
واللي يغيظ اكتر انهم ممكن يلاقوا لنفسهم مبرر بالسلبية دي فبلوموا البنت نفسها
الموضوع بفي مستفز فعلا وزااااااااد اوي بعد الثورة
ده فيه اماكن معينة بقت محرمة علي البنات دخولها بسبب التحرش
والغريب اكتر انك تلاقي ناس سابت المتحرش والفاظه واللي عمله كله ومسكت في البنت اللي بترد عليه او بتشتمه بصوت عالي
شعب مريض نفسيا - ده حقيقي .. في علم النفس فيه حاجة مش فاكر ااسمها كنت سمعتها من الدكتور احمد عكاشة في برنامج بيقول ان الشخص اذا كان ضعيف وعاجز بيحاول يجد مبرر للجاني ويلتمس له العذر ويلوم الضحية ، وبكده يحس انه عمل حاجة ويحس بنوع من الرضا انه مفضلش عاجز زي ما هو

لنا الله

**Screenplays** · 22-04-2012 04:26 PM

الشباب مش عارفين يتجوزوا ففي اللي بينساق وراء نزواته الدنيئه و في اللي محترم

البنات بيلبسوا هدوم اكستريملي اسمول انا مش فاهم ليه و لا بيلبسوا الهدوم دي ازاي

و بعدين لو مؤاخذه اللي بيعاكس البنات في مصر بيعاكس ليه نفسي افهم؟

ممكن من جمالهم و حلاوتهم و طباعهم الطيبه ؟

**me_medoo** · 22-04-2012 04:44 PM

ماهو حضرتك في قانون للي يعاكس او يتحرش سجن ست اشهر ولكن مفيش بنت هتفضح نفسها وتقول الواد ده عاكسني ولا الواد ده اتحرش بيا الا اذا كانت بنت بجحة وجريئة. ، والله انا شفت بنات اده مش ممكن شب. بيعاكسها وهيا مسكتو ومسحت بكرامة امو الارض وانها تسكت ، وشفت كمان بنات بتتعاكس وتلاقيها ياعيني مش عارفه ترد وتقول للانسان السئيل الي وراها حل عن سمايا

المشكلة بقة فعلاً في التحرش اليدوي. يعني مثلاً تلاقي اطفال بيجرو بيجرو ويقوم حاطط ايدو على صدر البنت وياخود بعضو ويجري ومع الاسف كمان شباب بقو يعملوها وفعلاً زي ماحضرتك تفضلت. مبقتش تفرق اذا البنت محجبة ولا منقبه ولا حتى عادي الكل بيتعاكس دلوقتي. كان زمان يا اخي بيمو المعاكسة دي غزل يعني الشاب يتغزل بس النهرده مبقتش غزل ده تجريح وسب علني زي مثلاً شب يقول لبنت ها جي ولا الدور الجي ، كان زمان ياخي المعكسات كانت لزيزة وخفيفة وفيها نوع من خفت الدم البسيطة مش زي شباب اليومين دول مش عارفين يعاكسو وبيقولوا اي كلام في اي كلام وخلاص ومش عارفين ايه معنى كلمه الي يطير فيه رقاب
حتى زمان لمن كان واحد بيعاكس ويتقفش كانو يحلقولوا اقررع. ويلفو بيه في الحته والناس تقول الاقرع اهو اهو. النهرده الشاب بيحلق راسو اقرع ويقلك الدنيا حر هنههههههههه او عامل نفسو ترابيل اكس مثلاً
فمش عارف بفكر لو الي بيعاكس نمسكو ونحلقلو حواجبو ورموشو. علشان يبقى عبرة لمن لا يعتبر
وفي منهم ياعيني الي مابيعاكسش بس شاف وحده عجبتو قام لحقها علشان يطلب ايديها هههههههه بس كمان مش اسلوب ولا طريقة

**Raul_7** · 22-04-2012 05:02 PM

أنا معاك والله, أنا شايف مهما كانت لابسة ايه مش مبرر برده إن حد يعاكسها....وعلى رأي الصورة ده, المشكلة في العقول مش في اللبس.

**Screenplays** · 22-04-2012 05:23 PM

عامل نفسو ترابيل اكس مثلاً

اسمه فين ديزل علي فكره

المشاركة الأصلية كتبت بواسطة raul_7

أنا معاك والله, أنا شايف مهما كانت لابسة ايه مش مبرر برده إن حد يعاكسها....وعلى رأي الصورة ده, المشكلة في العقول مش في اللبس.

هما بياعين الانابيب دول بيبصوا علي ايه ؟ يعني واحده منقبه يتبص عليها في ايه ؟ استغفر الله العظيم

**me_medoo** · 22-04-2012 06:00 PM

لا وحياتك يا سكرين في عبايات بتشخلع القلب المظلوم تلاقي العباية كده ايه بترفرف مع الهوى زي على مصر كده ويخلي قلبك يرفرف معاه

**Screenplays** · 22-04-2012 06:06 PM

موضوع العبايات ده بحس انه بيئه مش عارف ليه

**TFSI** · 22-04-2012 06:09 PM

المشاركة الأصلية كتبت بواسطة me_medoo

لا وحياتك يا سكرين في عبايات بتشخلع القلب المظلوم تلاقي العباية كده ايه بترفرف مع الهوى زي على مصر كده ويخلي قلبك يرفرف معاه

ههههههههههههههههههههههههه ههههه

**me_medoo** · 22-04-2012 06:32 PM

المشاركة الأصلية كتبت بواسطة screenplays

موضوع العبايات ده بحس انه بيئه مش عارف ليه

صدقني المسئلة مش مسئلة بيئة. واو مناخ او جغورافيا
المسئلة مسئلة انجزاب مغناطيسي ، وكل شيء ليه سحرو وجازبيتو ، يعني مثلاً انتا ممكن تلاقي. بت بيضة زي القشطة بس متشدكش. زي بت كده شيكولاته كابورلي ولا حته جلاكسي كده بالفزدوق واللوز والكرميله والمكسرات ، في ناس بتحب صوابع التويكس الي هيا بتيجي معص عصه كده خالص ، بس في شباب. متفرقش معاه في اي حاجه دايس وشغال الله ينور حتى لو عدت قدامو قطة تبص تلاقيه يبسبس لها ويقلها بسسس بسسس نيااااااوووو نياوووو ، ومع الاسف ان حتى المتزوجين ومخلفين تبص تلاقيهم بيعاكسوو ، تقلش بيستعيد هوايتو. بتاعت زمان. ولا يكنش بيرجع ايام شبابو ، ويمكن لمن بيعاكس بيقول لنفسو ياترى انا لسه جذاب زي زمان ولا فقدت سحري وجاذبيتي وقدرتي على المعاكسه هههههههه

الموضوع: اللي يعاكس في الشارع تاني .. اعدااااااااااام

LinkBack

أدوات الموضوع

عرض

-

-

-

-

-

المواضيع المتشابهه

صني 2013 ولا لانسر تاني فئة اللي ب 123000 ؟

اعمل ايه في العالم المؤذيه اللي في الشارع

تفتكر اية اللي ممكن يحصل لو ركنت عربيتك بعرض الشارع تحت بيتك ؟؟؟

بتستخدم المرايات اللي في الجناب قد ايه ( تاني مره)

الكلمات الدلالية لهذا الموضوع

المفضلات

المفضلات

ضوابط المشاركة