بإختصار ..... تكييف لانوس

**i_samy** · 23-04-2012 11:02 AM

كلاكيت تانى مرة
التكييف بيطلع هوا ساقع ..... لكن لايكفى لتتسقيع الكابينة خالص خصوصا لما تكون فى الشمس
هل ده طبيعى على تكييف اللانوس ؟
طيب لو مش طبيعى أروح لمين يا ناس أنا ساكن فى الهرم و6 أكتوبر ..... حد يعرف واحد أمين أحسن شكل ال 200 جنيه الأولنيين راحو فى الأرض

**i_samy** · 23-04-2012 12:00 PM

بعد قراءت موضوعات عدة فى القسم هنا
أعرض عليكم ما توصلت إليه فيما يجب أن أقوم به:
- الكشف على السربنتينة الداخلية (الثلاجة)
- قياس ضغط الكمبرسور
- قياس ضغط الفريون
- إختبار بلف الكنترول - بلف الكباس
- إختبار فيوز وفيشة الكباس
- إختبار بلف معادلة زيادة الضغط
- إختبار كتاوت الكباس
- إختبار سير التكييف

فهل هذا صحيح أم مبالغ فيه ؟ وهل من المنطقى أن أشترى تكييف جديد تماما بمشتملاته للسيارة ؟ أم إستيراد؟

هذا مع العلم أننى قمت بتغيير 4 أولسيهات وشحنت منذ 7 أيام بتكلفة 200 فى الهرم

فهل من إجابة أعزكم الله

**i_samy** · 23-04-2012 01:13 PM

هل من رأى ؟

**mxz911** · 23-04-2012 01:50 PM

بصراحه انا معرفش افيدك بس عموما تكيف اللانوس مش قد كده وبيموت سحب العربيه !

**i_samy** · 23-04-2012 08:06 PM

بس فى أحد أيام شهر 2 إللى فات كان فيه يومين حر شديد كنت راكب لانوس 2010
ورغم إنها كانت بتاعت واحد صاحبى ومبهدلها آخر بهدله ... إلا إن التكييف كان على واحد والكابينة ثلاجة لدرجة إن إحنا قفلنا التكييف بعد ربع ساعة من التشغيل لإننا كنا نشفنا

أما بالنسبة لمسألة السحب فأنا شايف إنه مش بيأثر بالدرجة دى أو جايز لإننى بتعايش مع مسألة السحب والعلاقة العكسية بينه وبين التكييف ..... يعن مسألة مش مضايقانى

المشكلة هنا التكييف نفسه
طيب لو تكييف اللانوس مش قد كده .... هل فيه تكييف لسيارة تانية يكون قوى ويناسب اللانوس ؟
وهل لو فيه أجيبه جديد ولا إستيراد؟

ياريت حد يفيدنى بخبرته

**i_samy** · 24-04-2012 11:32 AM

هل من راى

**mxz911** · 24-04-2012 12:05 PM

كان نفسى افيدك والله .. بس لو حضرتك تشوف انى من حوالى سنتين كنت بعمل بحث عن السيارات فى حدود من 43 - 50 الف لانى كنت بدور على عربيه ومن ضمن الاختيارات ( فيرنا - لانوس - نوبيرا - كيا سيفيا - كيا شوما )
وفى الاخر الحمد لله اشتريت نوبيرا ومريحانى جدا
وكان السبب الرئيسى انى ابعد عن اللانوس هوه ان موتورها ال 1500 وانا بتكلم عن تجربه مش كلام .. بيموت جدا مع التكيف والتكيف نفسه مش قد كده .. عكس الفيرنا ال 1600 سى سى تماما بجد تكيف خيالى وكان احسن تكيف فيهم كلهم غالبا وسحب جبار ماشاء الله لكن يعيبها انها ضيقه شويه زى الانوس برضه وفرامل ضعيفه شويه لو بتجرى
النوبيرا بأمانه تكيفها أقل من الفيرنا وسحبها اقل من الفيرنا لكن ثباتها جبار وفراملها حلوه وتكيفها كويس اقل من الفيرنا ولكن أعلى من اللانوس ..وطبعا وسعها الداخلى الرهيب
والكيا الموديلات السابقه كانوا بيبقوا اقدم شويه يعنى موديلات 99 وكده وانا جبت نوبيرا 2004 ف كنت شايف الاحدث أحسن خصوصا ان قطع غيارها بعد دراسه كانت عمليه عنهم واقل فى السعر ولكنهم عربيات حلوه لو لقيت حاله حلوه

لكن مسأله التكيف نفسه انا اسف معرفش افيدك

**i_samy** · 24-04-2012 10:24 PM

تم الحل ولكن بتكلفة أكثر
بلف الكنترول .... تم شراؤه ب 150 من عند المنير أصلى كورى
بالإضافة إلى شحنة فريون مرة أخرى ب 170
وبدون مصنعية

واحد زميلى فى الشغل تخصص تبريد وتكييف ..... هوا إللى شخص العطل
والنتيجة ..... فرق ملحوظ فى عز الشمس النهاردة

أتمنى أن يظل التكييف كده بدون مصاريف لحسن الواحد خلاص ..... :(