المشاركة الأصلية كتبت بواسطة m_love4me
السلام عليكم ورحمه الله وبركاته
موااااااااااااااااااقف تحفه تحفه تحفه
بجد قريت الموضوع كله من اول صفحه لاخر صفحه امبارح
ضحك هستيرى واخويا الصغير معايا ف الاوضه هيتجنن يقولى انت جرالك ايه :D
هههههههههههههههههههههه
بصراحه مش فاكر حاجه من الحاجات الكتير ال بتحصل للواحد
لكن اكتر موقف جه ف بالى دلوقتى
فكرنى بيه موقف الاخ الكريم هنا ال اهبل كان بيشوارله باى باى قدام سكه القطر :D
انا من الشرقيه وبسافر الاسماعيليه الكليه يوميا - والحمدلله بسوق كويس معايا Chery A15
انا من النوع المجنون شويه 120 - دا البدايه ---- 170 اعلى حاجه جبتها
المهم انا طالع من بلد لبلد ف طريقى ,,, وف وسط الطريق بين بلدين الطريق فاضى مابينهم نهائى لحد ما توصل للبلد التانيه
من بعيد شويه لقيت واحد بيعدى الطريق وكنت ماشى 110 - 120 وبينى وبينه مسافه كبيره
وبعدين بيمشى براحه جدا
وقام واقف ف وسط الطريق
ومدور ببيبص ليا وواقف على الارض زي ما يكون واقف جون :D ومستنينى يحضنى بالعربيه
انا اترعبت من الراجل المجنون دا وفضلت تيييييييييييييييييت تيييييييييييييييييييييييي يت
وقولت افاديه بقى
المصيبه
اجيله يمين يجيلى يمين
اجيله شمال يجيلى شمال
يمين شمال - يمين شمال
هوب هوب
لحد ما فديته باعجابه والعربيه كانت هتعوم منى وهتبقى كارثه الحمدلله ربنا سترها وان ما كانش ف مقابل لان طريق الاسماعيليه معروف يعنى بحوادثه وانه طريق زباله
وقفت بالعربيه اتنفس الصعداء ورجعت بالعربيه طيران عليه قولت وربنا لازم اخبطه بقى طالما عاوز يموت بس ما يموتنيش
وشديت الهاند قدامه ونزلت كنت ناوى اقتله بالصراحه من الضرب
الناس اتلمت
وياابنى دا مجنون
يابنى دا اهبل وبيمشى كدا على الطريق
اعمل ايه بس ياربى - ومشيت بقى ف طريقى الحمدلله ربنا وصلنا بالسلامه