موقفين
الأول مع عربيتى القديمة الفيورا كنت فى ملف و بادوس فرامل عشان أهدى و فجأة مافيش فرامل وطاااخ فى تاكس فيات أمامى , و التاكس من شدة الإصطدام قام طاااخ فى مرسيدس آخر موديل قدامه نزلنا كلنا بتاع المرسيدس شافنى فيورا وشاف التاكسى فيات قام باصص لنا بكل إحتقار ولم ينفث بكلمه وقام راكب وماشى رغم إنه نابه من الحب جانب زى مايكون بيقول إيش ياخد الريح من البلاط و فضلت أنا و صاحب التاكسى نتفاوض و نناقش و نعمل مباحثات عن قيمة المبلغ المستحق لتعويضه .
الثانى بعد ماجبت لانوس زيرو ويوم الترخيص , رخصت و ركبت النمر و بعدها مباشرة ذهبت أزور واحدة قريبتنا بمستشفى بالمعادى و ركنت فى شارع قريب و بعد الزيارة نزلت و لم أجد العربية حسيت أن الدنيا أظلمت فجأة أنا متأكد إنى راكن هنا ياربى ده أول مشوار وظنيت أكثر من ظن إعتقدت إنى تركتها مفتوحة أو ان الناس بتوع الجراج المجاور سرقوها لأنى ركنت بالشارع و لم أنفعهم وفضلت أجرى فى الشارع أسأل بلا جدوى قلت ألف شوية و الحمد لله لاقيتنى راكنها فى شارع آخر متفرع من الأول , المشكلة الآن إنى بقالى أربع سنين لايمر شهر إلا ويجيلى كابوس أثناء النوم إن العربية إتسرقت مش عارف أخلص من العقدة دى إزاى.