المشاركة الأصلية كتبت بواسطة shery103
مش ممكن بجد انا مش عارفة ابطل ضحك
حصلنا موقف سنة 96 او 97 تقريبا
ساعتها كانت ماما لسه متعلمة سواقة جديد ، و جايبة ال 128 بقه و مية مية ، و قالت تنزل توصلنا اول يوم انا و اختى المدرسة ، ساعتها انا كنت رايحة تالتة ابتدائى بس فاكرة اليوم ده كويس جدا
اولا طول الطريق تقريبا مكانتش متحكمة فى العربية كنت حاسة انى راكبة العربة الطائشة ، قلت معلش الست لسه جديدة و هتتعود و بتاع
جت تنزلنا ادام المدرسة ، و شايفة صحابى واقفين على الباب بس مكانوش شافونى لسه
لقيت دى جت تركن ، راحت طالعة فوق الرصيف دخلت فى باب محل و يادوب فادت واحدة كانت هتخبطها على 5 سنتى ، و الكاوتش اليمين ادام و ورا اتخرم و بقى على الارض
طبعا انا ساعتها كنت مسخسخة من الضحك ، و ماما كانت محرجة جدا
بس انا رحت عاملة حركة ندالة ، نزلت من العربية من غير ما حد يشوفنى و رحت المدرسة من غير ما حد ياخد باله انى نزلت من العربية دى
و بعدين صحابى واقفين بيتفرجو ، فقالولى شفتى الست اللى طلعت فوق الرصيف دى ؟
قلتلهم اه دى شكلها مبتعرفش تسوق خاااااااااالص :biggrin24: