معلش ممكن لو سمحت تحط الترجمة على الشريط بخصوص الجملة اللي فوق دي؟ :blink4:
تقريبا يا علا "انا معايا النيو اكسنت و هو معاه التمنية و عشرين اللي مزبطها ديفل و جنوط و كله" :chinese:
انا بقى حصل معايا موقف غريب شوية كنت مرة نازل رايح الجامعة الصبح وعندى امتحانفا طبعا نازل مش شايف قدامى وانا بركن ديما قدام باب البيت علطول فا وانا نازل على السلم كدة بقوم فاتح العربية بالريمود وكدة بقى حتة رسم يعنى المهم فتحت العربية فعلا ورحت داخل فيها بحط اديا جنب الباب علشان اطلع شريط القران لايت باكو معسل ببص على الكنبة لقيت جاكيت فضلت ابص على العربية وانا مستغرب اتارى بقى العربية دى بتاعت واح فى الشارع للى ورانا ونفس عربيتى ونفس للون رحت نازل منها لقيت عربيتى واقفة ورها والغريب انها اتفتحت بالريمود بتاع عربيتى واتقفلت برده بيه ولما جيت افتح عربيتى مرضيتش تفتح غير بالمفتاح الموضوع ده انا مستغربه لحد دلوقتى
كنت مره واقف في الشارع وواحد نازل الصبح من البيت المهم فتح الباب بالمفتاح وراح رامي المفتاح في الشارع ودخل العربيه واقعد لغايه ما افتكر
بلزبط كده اصل الكيبورد عندي بعافيه شويه
انا مرة كنت مسافر الاسكندرية مع واحد صاحبي و كانت معايا الـ127 و رحت لصاحبي و ركنت العربية في أرض فضاء أمام بيت صاحبي و سافرنا الاسكندرية بعربيتة و قعدنا كام يوم ,
و لما رجعنا لقيت حاجة غريبة ,
لقيت الأرض الفضاء عليها سور و بوابة حديد و غرفة مسقوفة و أصبحت مخزن للأسمنت ,
و عربيتي موجوده في منتصف الأرض الفضاء ,
و بالعافية عرفت أخرج العربية من المخزن ده ....
بس كان منظر ...
شكرا للأخ osos ولكل المشاركين ، بصراحة من أكتر المواضيع تلسية وتشويق.
* أنا حصل معايا موقف صعب بس أصبح ذكرى مضحكة.
ف يوم كتب كتابى ، وبعد م المأزون خلص ، قلنا نروح نقضى السهرة ف رأس البر (أنا من دمياط) ، رحنا قاعدنا ف كازينوا ف منطقة الجربى ، واحنا خارجين ، لاقيت زجاج الهواية اللى ف باب السائق مكسور (كانت السيارة 128) ، واكتشفت انى نسيت المحفظة على تابلوه السيارة. اخدت العروسة (زوجتى حاليا) وطلعنا على قسم الشرطة نبلغ ونقضى باقى السهرة :036:
تانى يوم الصبح ، قلت أروح البنك أوقف الفيسا كارد قبل م حد يستعملها ، ولكنى لاقيت اتصال (الكارت الشخصى بتاعى كان ف المحفظة) وقالى انه لاقى المحفظة وهيرجعها بس مقابل "الحاجة الحلوة" ، ياسيدى كتر خيرك ، قال انه ف منطقة ف ريف محافظة الغربية على ما أذكر يمكن اسمها "ضنضيت" وعلشان أخد المحفظة أروح لوحدى :thinking: علشان هو بيقلق م الشوشرة.
اتصلت بواحد صحبى وقررنا نروح ، بس مواصلات طبعاً وأصلاً محدش عارف فين البلد دى ، بعد شوية كلمنى قالى أركب ايه بالظبط.
المهم ، وأحنا ف الطريق ، قلت اتصل بالرقم اللى بيكلمنى منه ، ردت عليه واحده وقالت ان ده سنترال (مكتب اتصالات) ، قلت مين اللى بيتصل برقمى من عندك ، قالت دول اتنين مع بعض ، انت عايز منهم ايه؟ (هى طبعا عرفاهم لأنها من نفس القرية) قلت هم معاهم أمانة بتاعتى ، البنت قلقت وقالت خد بالك كويس دول مش م النوع اللى بيرد أمانة لحد ودول سوابق ، المهم بعد معاناه طويلة وأربع مواصلات وصلنا البلد المطلوبة ، وهى بلد ريفية جداً ، المواصلات فيها عبارة عن سيارات نقل متقفلة (بوكس) قلنا ناخد سيارة مخصوص تبقى معانا ف المغامرة دى ، وصلنا للمكان اللى قال الباشا عليه واستنينا بس ملقناش حد ، كنت عرفت اسمه من البنت اللى فى السنترال ، قلت دى قرية صغيرة والناس عارفين بعض ، أنا أسأل عليه ، سألت الناس اللى كانوا قاعدين فى المكان ، قالوا انه كانو اقف هنا ومشى أول م انتوا جيتوا ، وبعد شوية اتصل بيه وقال: أنا قلت تيجى لوحدك انت جايب اتنين معاك (السواق وصاحبى) كده ملكش حاجة عندى ، المهم جه "فاعل خير" وقال انتوا عايزينه ليه ، قلت لينا أمانة معاه ، قال أنا هتصل بيه ونروح نقابله وركب معانا السيارة. المهم "فاعل الخير" أقنع الباشا زعيم العصابه انه يقابلنا بشرط ان السيارة وصاحبى يستانوا بعيد ، وأروح لوحدى :gun_bandana: ، فاعل الخير طلع شريكه (الشخص التانى اللى البنت قالت عليه) وقالوا ان هم شافوا الحرمية الوحشين وهما بيكسروا السيارة وغامروا بحياتهم علشان يجيبوا المحفظة وكان معاهم موبيل 3310 الحرمية خدوه منهم مقابل المحفظة ، كلام ""منطقى جداً"" ماشى ايه المطلوب ، قال تمن الموبايل أنا لسه شاريه ب 400 ج ، قلت له بص المحفظة خليها معالك ، وأنا علشان تعبت ف المشوار هدفع 50 ج ، المهم الموضوع خلص ب 70 ج ، ومن ظرفهم طلبوا يعزممونا ع الغدا م احنا ف بلدهم - حرمية زى الفل بجد :ANSmile23:
* موقف آخر: كنت ماشى بالسيارة ف طريق زراعى ، ووحدة ست شاورت لى من الجهه المقابلة علشان آخدها لآخر الطريق ، لما وقفت جنب شجرة أستنها تعدى الشارع لاقيت واحد مدارى ف الشجرة وواقف يقضى حاجتة ، طبعا لما شاف الست جايه مبقاش عارف يعمل ايه يكمل وللا لا وللا يدارى ازاى ، واتلبخ لبخة سودة وأنا ماسك نفسى م الضحك.
* رمضان قبل اللى فات ، كنت مروح م الشغل قبل الفطار ، وواحد شاور لى قلت يعرفنى ، طلب منى أوصله لآخر الشارع قلت ماشر رغم ان المسافة حوالى 30 متر مش محاجة توصيلة ، قبل م يركب لقى واحد يعرفة فتح الباب وحط رجل جوه ووقف يكلم صاحبه :g: وانا مستغرب جداً ولما ضربت الكلاكس وأنا ف نظر صاحبه (قليل الزوق جداَ) وبيبصلى بستغراب واشمئزاز ، المهم دخل السيارة وقالى كتر خيرك ، لما وصلنا لأخر الشارع طلب منى أوصله مكان مش ف طريقى ، قلت له معليش أنا رايح الناحية التانية ، قالى معليش وصلنى دا أنا رايح أزور واحد مريض :goofy:، الغريب انى لما طلعت فلوس وقلت له خد تاكسى على حسابى زعل جدا ونزل م العربية وقالى كتر خيرك ، والراجل د أنا معرفوش بس أنا لحد النهارده ميتغرب م الموقف هو كان متعشم فى أوى ليه رغم انه ميعرفنيش!!
*ده واحد صحبى نزل الصبح يدور العربية لقى بنى آدم ملفوف ف غطاء سيارته ومحطوط تحتها ، الراجل مات م الرعب وجرى على قسم الشرطة ، ولما عاينوا طلع واحد مختل عقلياً وكان نايم شوية ، عادى مفيش فيها حاجة! :eek4:
* واحد صحبى تانى كان لسة جديد ف السواقة وشارى سيارة جديدة ، دخل ف منطقة زحمة ، فمكنش عارف يمشى خالص واتزنق، عمل نفس اتنرفز من اللى بيكسروا عليه وقام نازل م العربية ومزعق وقال: "كده طب والله م أنا طالع بالعربية وهسيبها كده موقفة الشارع" لحد م واحد م الناس قال علشان حلفانك أنا هطلع لك السيارة من المكان ده وبعد م الموقف اتحل وخرجت السيارة م الزنقة ركب بكل شموخ ، وتجنب الاحراج قدام الناس. :funny34d:
يااه كل ده كلام ، أنا آسف طولت عليكوا بس انتوا اللى فتحتوا نفسى للكلام :grouphug:
انا مش عارف الموقف اللى هقولو دة هيضحك ولا لا بس هقولو وخلاص
كنت مستعجل جدا عشان كان ورايا معاد مهم لايت الدنيا زحمة رحت مختصر الطريق من شوارع داخلية المهم بجرى فى الشوارع ورحت واخد ملف (فى شارع ضيق يمين) المهم بلف الدركسيون فى الطارة فلتت منى عشان ايديا كانت عرقانة شوية لما فلت خبط فى عربية 128 فى الباب الورانى المهم كان معايا صديق ليا قعدنا نضحك كدة على الهبل اللى حصل دة