والله أنا حاسس ان المشكله فى الأخر هتطلع من البنزين مش العربية
عرض للطباعة
والله أنا حاسس ان المشكله فى الأخر هتطلع من البنزين مش العربية
الاخوة الاعزاء بصراحة مش عارف اقول اية تكملة للمأساة بتاعت توكيل دايموند اليوم رحت لواحد متخصص فى الانسر جميع الموديلات اسمة همام فى المعادى ( الراجل دة كان شغال تقريبا فى الرواس ) المهم مسك العربية وفصصها حتة حتة ضبط كمبيوتر و تنظيف بوابات بالسبراى الانجليزى وفك فلتر البنزين واطمن على طلمبة البنزين وبصراحة ساب كل العربيات اللى معاة وتفرغ لمعرفة مشكلة عربيتى وكانت المفاجأة بعد كل دة لا شى المشكلة هى هى ؟؟؟؟؟؟؟؟
وفضل يطلع خبرتة كلها ىفى العربية وتوصل فى النهاية الى ان حساس الهواء ( اسمة فى التوكيل حساس الماب ) هو اللى المفروض اغيرة لانة هوالمسئول عن دخول الهواء الى البوابة تمام كدة الموضوع لم ينتهى بعد قلت لة طب اعمل اية قال روح التوكيل وغيرة هناك احسن علشان تأخذ علية ظمان طبعا توجهت اليوم الى التوكيل دايموند وقلت لهم انا عاوز حساس الماب قال لو اخذتة تركبة برة معلهوش ظمان قلت لهم خلاص ركبوة انتم احسن بكام بقة 1100 جنية والمهندس قال لى انت متأكد ان العيب من الحساس قلت لة ايوة وتم التغيير بالفعل والصرخة والطامة الكبرى انة لا جديد نفس المشكلة قائمة المهم ناديت المهندس وقال لى ماهو انت اللى رفضت اعمل اى حاجة غير تركيب الحساس فقط قلت لة وانت كنت عاوز تعمل اية يعنى قال ضبط كمبيوتر وتنظيف بوابات قلت لة تانى قال لازم قلت لة والمشكلة حتتحل قال طبعا وطبعا دخل العربية الورشة وطلعت قالى تمام جربها انت بقى على الطريق السريع علشان احنا ماشين دلوقتى ولو فى حاجة هاتها لنا ورح مجرب العربية والنتيجة العيب هو هو التوكيل بيجرب فيا ؟؟؟؟ المشكلة كما هى ؟؟؟ توكيل لانسر لا يعرف الحل انا الان مغير الاتى :
1-فلتر هواء
2-بوجيهات
3-فلتر بنزين
4-حساس الماب
5- ضبط كميوتر وتنظيف بوابات تقريبا اربع مرات
المشكلة كما هى ؟؟؟ رجاء عاجل لاصحاب الخبرة من الاعضاء انا دمرت نفسيا وماديا ارجو المساعدة العاجلة ولكم جزيل الشكر فى معرفة السبب للمأساة اللتى امر بها لدرجة انى بفكر اروح للرواس
ابوس ايد اهلك بلااااااااااااااااااااااش توكيل تانى
كفاية فلووووس انت تركن العربية احسن لحد ما تعرف فين المشكلة
انت كدة غيرت العربية كلها اصلا
والله انا زعلان عليك جامد
روح الحرفيين ودور على الناس المتخصصة فى لانسر
فى حاجة كدة ممكن تكون السبب شوف حد بيظبط كمبيوتر وروحلة وجرب تغيير السوفت وير خالص لفيرجن اخر
انا كنت سمعت موضوع ذى كدة بس لعربيات اسكودا اوكتافيا
معلش بردة خليك متابع معانا وجرب كدة الحوار دة وشوف فى فعلا كذا فيرجن لعربيتك وامكانية التغيير ورد علينا
متابع بشدة
طب اعمل اية انا حاسس انى سايق عربية فيات بتقطع فى المشى البطىْ وكمان على السرعات العالية غيرت كل حاجة ودخلت على الحساسات وبالفعل انا رحت لواحد بيفهم فى الانسر اسمة همام فى المعادى ولم نصل الى شى اتصلت بية وقال انا مش حسيبك ا لما احل مشكلة عربيتك وادينى حروح لة بكرة وربنا يستر مش عارف حيكشف على اية تانى على العموم خليك متابع
انا كنت بتكلم مع مكنيكي النهرضة فسالته علي الشارك من ناحية العيوب الي فيها مفيهاش غير عيب واحد وهو انعدام السحب الي حضرتك بتعاني منه وانا مكملتش معاه كلام بس الي فهمته منه بيبقي في مشكلة في دواسة الاكسلاتير هو قلي كده بس مفهمتوش
اتوسل اليك متدخلش التوكيل ده تاااانى حرااام عليك فلوسك وهما حبة نصابين وبيلبسوك اعمل زى ما خوليو والرجاله قلولك روح لميكانيكى بيفهم ينضفلك الحساسات كويس اوى وفلتر الهوا ويظبط كمبيوتر وان شاء الله خير والله انا متضايق عشانك لدرجة انى عاوز اجى اساعدك :(:(
لا ياباشا مفيش حاجة فى العربية اسمها انعدام السحب العربية مع ناس كتير سحبها كويس جدا ماشاء الله طلعتها مش جامده بس تجميعها كويس جدا ولما بتفتح بتبقى ماشاء الله جميله والشاركوية يقلولك بس هى ان شاء الله مشكلة تنضيف بس ان شاء الله مش اكتر
مفيش حد هيحس بالنار الا اللى ماسكها انت جرب تشيل فلتر الهوا خالص وجرب السحب عامل ايه معاك مع مراعاة غلق غطاء العمه بأحكام تام وغالبا المشكله من هنا بس يكون فى عوامل جو صافيه علشان تحافظ على الحساس الجديد والقديم شغال طبعا وانا متابع لغاية ما نشوف المشكله دى فين
اشكرك بجد على كلامك بصراحة اللى خلانى اغير الحاجات دى فى التوكيل انى انا اصلا كنت عاوز اغير الفلتر الهواء العربية عاملة 40 الف وحرصا منى على ان تكون مشكلة السحب من البوجيهات وفلتر البنزين انا وافقت على التغيير هى المشكلة فعلا فى المصنعية والضريبة حوالى 300 جنية وبعدين كل دة ومعرفوش يحلو المشكلة ؟؟؟؟ وكمان هو دة اللى خلانى اجرب حد بيفهم فى الانسر برة وفعلا رحت لواحد فى المعادى كشف على كل حاجة وشال العمة وجرب مفيش فايدة نظف البوابات مرتيين مفيش فايدة واخيرا ركب العمة والفلتر وشال فيشة حساس الهواء راحت العربية ماشية كويس زى ماكانت قالى بس عرفت العيب فين روح هات الحساس دة من الحرفيين او الصح روح التوكيل ركبة هناك علشان الضمان وفعلا رحت التوكيل اللى عند العبور (سعودى جروب ) الساعة 2 ونص وغير الحساس وفى كل ذهول العيب زى ما هو المهم انا رايح تانى للمعادى حشوف حيعمل اية تانى فى العربية هو قال لى مش حسيبك الا لما اصلح مشكلة عربيتك وبصراحة رفض يأخذ ايى فلوس الا لما العطل يصلح وتابع معايا اليوم حقولك الاخبار