والله لو العربية بتسحب كويس كنت انا اللى جتلك واضح انك من خارج القاهرة على العموم انا صابر واسأل اللة العلى القدير ان تحل مشكلتى على خير اخر محطة لى هو التوكيل الرئيسى فى قليوب وانا كان المفروض اروح ليهم من الاول والله المستعان واشكرك ياباشا
عرض للطباعة
يا باشا اللي مسئول عن مشكلة عربيتك دي كلها حساس الايدل وده هو الحساس المسئول عن ظبط هواء الموتور وانا متأكد لو واحد بيفهم نظف الحساس ده كويس العربية هترجع تتظبط زي الساعة
وانشاء الله يا باشا المشكلة تتحل واوعى ثقتك تتهز في الشارك العربية دي بشهادة العالم كله احسن عربية صنعتها ميتسوبيشي لغاية دلوقتي وواخدة في العالم كله سمعة ممتازة زعربية ناجحة بكل المقاييس
تصدق فى حاجه مهمه جدا ممكن تكون فاتتك اللى هى دواسة البنزين نفسها الدواسه دى تحتها ( زغاد ) الزغاد ده بيشتغل كهرباء مش واير المفروض ان هنا ملفات كهربائيه ممكن يكون فى الملفات دى مقاومه محروقه ولا حاجه
ده تانك مصر كلها مش تانك عربية اللي يتغسل ب 450 جنيه
والله مع ان العربية دى بقالها تقريبا شهر ومع انى بقالى اسبوع فى مشكلة السحب الا ان ثقتى لم تهتز فى العربية الحمد للة بصراحة لانها كانت سليمة معايا وزى الفل قبل العطل الغريب دة وكل اللى يشوف العربية يقول لى ياسلام حلو فتحة السقف هى كام حصان هى العربية فيها اية بى اس
اقولة ايوة يقول ياة يعنى انا واخد عين تمام والحمد للة انها جت فى العربية واخر الاخبار العربية الان فى التوكيل مصرية وجارى الاصلاح والحمد لله على كل حال
هههههه بصراحة انا لما رحت دايموند كان بسبب انة جنب الشغل عندى فى اكتوبر وكمان قلت دول توكيل جديد ونازلين بالشارك يعنى حلاقى الحلول كلها عندهم لانهم يسوقوا العربية دى فطبعا حيهموا السمعة ولكن بصراحة وجدت عكس دة تماما وبعدين اعمار الفنييين هناك صغير جدا يعن اكبر واحد فيهم مثلا عندة خبرة خمس سنوات فقط بعكس مثلا الرواس ومصرية اللى متواجدين من عام 94 طبعا فرق خبرة رهيب دة غير المعاملة لم تعجبنى اطلاقا وللأسف هم غير جادرين بحمل تلك العلامة والسمعة بتاعة ميستوبيشى صاحبها خليجى متعوديين اى حاجة تقابلك غيرها وهات غيرها لكن افكر اشوف العطل جاى منيين وابحث عنة دة مش موجود عندهم واكيد اللى راح عندهم حيحس باكلام دة زى ما انا شربت كدة
اه وممكن كمان وده احتمال قوى طلمبه البنزين انت كشفت عليها ولا لا احيان كتير جدا بشوف عربيات زيرو معطله بسببها بيكون فيها عوائق لضخ ومرور البنزين وافتكر كده كل حاجه لترجيح العطل ذكرناها ومايدور حوله مش فاضل بقى غير اننا نغير الشاسيه هو فى ايه بقولك ايه انت لو تعرف تمشى براحتك وتشرفنى وانا اقوم بالمهمه دى وانا متأكد بعون الله ان العيب لن يخرج عن نطاق الترجيحات التى ذكرناها انا والازملاء الافاضل حاول بس تجيلى واهى فرصه نتعرف على بعض وتشرفنا
طمنا يا ريس على الغاليه بنت الغالى, مفيش اى اخبار من الكونترول بتاع مصرية؟
السلام عليكم ورحمة الله وبركاتة
الحمد لله رب العالمين تم معرفة سبب العطل فى العربية عندى بعد قضاء 6 ايام فى التوكيل فرع قليوب وتم فحص دقيق لكل اجزاء السيارة دون الاعتماد على ما تم فحصة من قبل وتوصلوا الى ان الاسباب المؤدية الى العطل الغريب دة هى عدة اسباب :
1- ضبط وحدة mut بالكمبيوتر مش متأكد الاسم كدة صح
2-فك وحدة الكمبيوتر وتركيبها وظبطها
3-مراجعة تانك البنزين وتغير البنزين الموجود بها مع تحذير عدم اضافة اى منظف دورة للبنزين
غير الخاص بسيارات لانسر ( متواجد فى الفروع )
والحمد لله العربية تحسنت بنسبة كبيرة جدا جدا مع وجود بعض نتشات بسيطة جدا فى بداية المشى بالعربية سرعان ماتزول بسرعة على العموم انا راجع تانى للتوكيل لمناقشة الحتة دى بس الحمد لله مفيش قطعة غيار اتغيرت وتم فحص شامل للعربية كهرباء وميكانيكا وتأكدت ان العربية سليمة الحمد لله لانى لسة شاريها من شهر بصراحة ممكن بيكون المكان قديم جدا بس ما زال هناك خبرة كبيرة واتوجة بالشكر الى م/ محمد عبد العال و م/ طارق زويل و م/ احمد العنانى
ولا انسى اولا واخيرا فضل الله سبحانه وتعالى فالله الامر من قبل ومن بعد والحمد لله كثيرا