الموضوع: عاجل : مشكلة فى السحب الشارك

الحمد لله رب العالمين تم تجربة العربية على طريق السويس وحرق البنزين كما قالوا لى حيث اننى قد اضفت عبوة تنظيف 200 مل على تفويلة التانك وقمت بحرق البنزين على طريق السويس ووصلت بالسرعة الى 160 وبالفعل وجدت تحسن ملحوظ فى السحب واختفاء تدريجى للنتشة مما يدل على استجابة للمنظف واليوم تمت التجربة على طريق قليوب فى اتجاهى للتوكيل والحمد للة العربية فى تقدم وتم تشغيل التكييف والحمد لله العربية الان تمام وذهبت للتوكيل للكشف بالكمبيوتر والحمد للة تم التأكد م زوال المشكلة المهم الاتى :
1- رجاء التأكد من نوع البنزين
2- عدم اضافة اى منظف لدورة الانجيكشن غير الخاص بالسيارة (حيث اننى قمت بأضافة منظف من انتاج شركة لوكى مولى المانى واعتقد ان هى دى الغلطة اللى انا وقعت فيها وتسببت فى كل اللى انا فية وياريت بلاش منظف خالص الا فى الضرورة )
3-اعتقد المشكلة الكبرى كانت فى دورة البنزين من اول التانك مرورا بالفلتر والطلمبة والرشاشات هما عملوا كل حاجة بس اخر حاجة اشتغلوا فيها وبدأت العربية تستجيب هو تانك البنزين
وزى ما قلت الحمد للة مفيش قطعة غيار اتغيرت وطبعا انتم عارفين قطع الغيار فى التوكيل اسعارها كام فالحمد للة ان الموضوع انتهى على خير وبعدين تم فحص العربية بالكامل والتأكد من سلامة الاجزاء الهامة فى العربية وكما قال لى احد الاعضاء فقد زادت تقتى فى العربية وخلال المشوار الطويل دة احب اشكر كل الزملاء على ردودهم اللتى اضافة لى مزيد من الثقة فى العربية وعاوز اقول انى تعرفت على ناس ممتازة مثل همام فى المعادى وناصر الفيومى فى الحرفيين لصيانة العربية ومللك الانسر فى الحرفيين لقطع الغيار استيراد وفى النهاية اكرر شكرى لكل الاعضاء والحمد لله رب العالمين

ممكن اعرف همام اللى فى المعادى دا مكانه فين بالظبط ؟يعنى مثلا اروحلوا من على دائلرى المنيب ازاى ؟!!!
معلش سؤال كمان هوا ميكانيكى بس و لا عنده عفشجى ؟؟؟ يا سلام بقا لو فية رقم تليفون :)

المشاركة الأصلية كتبت بواسطة movies

ممكن اعرف همام اللى فى المعادى دا مكانه فين بالظبط ؟يعنى مثلا اروحلوا من على دائلرى المنيب ازاى ؟!!!
معلش سؤال كمان هوا ميكانيكى بس و لا عنده عفشجى ؟؟؟ يا سلام بقا لو فية رقم تليفون :)

الطلبات كثير بس ولا يهمك همام عند مساكن صقر قريش المعادى خد رقم تلفونة وهو يوصف لك الطريق وانت رايح وهو كان شغال فى التوكيل وبصراحة شفت شغلة لو هو بنفسة اللى حيشتغل فى العربية يبقى ممتاز جدا وروعة وطبعا هو ميكانيكى وعندة متخصصين فى العفشة وعندة كهربائى كمان وفية كمان عندة قطع غيار اصلية لو احتاج تغير اى حاجة على العموم جرب وقول لى والتليفون :01001547200 واى خدمة

المشاركة الأصلية كتبت بواسطة xpman

الطلبات كثير بس ولا يهمك همام عند مساكن صقر قريش المعادى خد رقم تلفونة وهو يوصف لك الطريق وانت رايح وهو كان شغال فى التوكيل وبصراحة شفت شغلة لو هو بنفسة اللى حيشتغل فى العربية يبقى ممتاز جدا وروعة وطبعا هو ميكانيكى وعندة متخصصين فى العفشة وعندة كهربائى كمان وفية كمان عندة قطع غيار اصلية لو احتاج تغير اى حاجة على العموم جرب وقول لى والتليفون :01001547200 واى خدمة

الف شكر على زوقك :)

الحمد لله ان العربية اتصلحت والله كنت متضايق عشانك اوى الف مبروك

المشاركة الأصلية كتبت بواسطة ma7oo

الحمد لله ان العربية اتصلحت والله كنت متضايق عشانك اوى الف مبروك

الف شكر لك على شعورك والحمد لله على كل شى بس رب ضارة نافعة شرحت العربية وعرفت كل حاجة فيها اهو الواحد على الاقل يبقى عارف العربية ومكوناتها يعنى مثلا عرفت ان العربية مليانة حساسات (حساس البوابة - حساس الكامة - حساس الكرنك - دة بالاضافة الى حساسات الخاصة بالكمبيوتر والاى بى اس وغيرهم ) يعنى العربية عاوزة عناية خاصة وصيانة دورية

ألف مبروك ياكبير ان الغمه راحت, ونصيحه جديده ان منستعملش غير منظف دوره البنزين بتاعه العربيه
صدقنى كلنا كنا متضايقين عشانك وحاسين بيك

المشاركة الأصلية كتبت بواسطة ironhead

ألف مبروك ياكبير ان الغمه راحت, ونصيحه جديده ان منستعملش غير منظف دوره البنزين بتاعه العربيه
صدقنى كلنا كنا متضايقين عشانك وحاسين بيك

شكرا يارجالة الواحد مش عارف يقول اية العلقة كانت جامدة بس اتعلمت منها حاجات كثير جدا وعرفت ناس غالية ومحترمة زيكم لكم جميعا جزيل الشكر بس بصراحة عربية تستحق الاحترام احساس جميل انك تعرف كل قطعة فى العربية ودورها اية وبتأثر فى اية انا بأعتبر انى اخذت دورة صيانة مكثفة واهو الواحد اتعلم حاجة
من النصائح الذهبية :
1- استعمل بنزين 92 او 95 من محطة نظيفة
2- عدم فتح فلتر الهواء تحت اى ظرف الا فى حالة التغيير (بيتغير عند 40-80-120
3-عدم اظافة اى منظف غير الخاص بالسيارة ولو السحب تمام بلاش منظف