الموضوع: عاجل : مشكلة فى السحب الشارك

المشاركة الأصلية كتبت بواسطة spidars

انا كنت بتكلم مع مكنيكي النهرضة فسالته علي الشارك من ناحية العيوب الي فيها مفيهاش غير عيب واحد وهو انعدام السحب الي حضرتك بتعاني منه وانا مكملتش معاه كلام بس الي فهمته منه بيبقي في مشكلة في دواسة الاكسلاتير هو قلي كده بس مفهمتوش

الصراحة العربية معايا بقالها شهر تقريبا لم اعانى من ذرة مشكلة بل على العكس كل اللى بيتقال على العربية اشوفة واضحك علية ومش عارف ازاى الناس كاتبة كدة على العربية المهم اللى حصل معايا حصل بدون مقدمات اول امبارح بس فى ناس قالو دة بنزين مخلوط بمياة وفية قالو لازم تنظف تنك البنزين وفى قالوا دة فلتر وبوجيهات وبعدين قالو دة حساس وانت الان بتقول دواسة الاكسلاتير يعنى محدش حتى لان عرف المشكلة الرئيسية من فين وهو دة اللى انا بعانى منة ان شاء الله النهاردة حعرف السبب لانى كدة يعتبر مغير كل حاجة ليها علاقة بالسحب تابع

السلام عليكم ورحمة الله
بالامس استمرت رحلتى مع المشكلة الكبيرة اللى عندى ما تم بالامس الاتى :
1-تم تغير البوابة بواحدة اخرى ( للتجربة فقط ) النتيجة كما هى
2-تم تغير الموبينة ( للتجربة) فشلت
3-تم تغير حساس الكامة ( تجربة ) فشلت
4-تم تغير حساس الكرنك فشلت
5-تم تغير دواسة اليكسلاتير فشلت التجربة ايضا
6-تم تغيير طلمبة البنزين فشلت
7-تم تغيير بطارية السيارة فشلت
8-تم فك الشكمان فشلت
نداء الى خبراء ميستوبيشى لانسر فى المنتدى ارجوا المساعدة العاجلة العربية مركونة الان تحت منزلى ومازال العطل قائم بعد كل المحاولات السابقة على مدار يوميين فى التوكيل وخارج التوكيل وفى كل يوم النتيجة كما هى والموضوع بختصار :
عند الضغط على دواسة اليكسلاتير والوصول الى 2 ار بى ام العربية مخنوقة جدا وبعد كدة يقفز العداد فجأه ودة بيحصل معى فى حالة الوقوف او المشى يعنى مش فى المشى بس وبركز على دى لان فى ناس قالوا لى الفتيس رجاء مرة اخرى اللى عندة ميكانيكى بيتعامل معاة يقول لة المشكلة دى يمكن يلاقى حل ليها ولكم جزيل الشكر وارجوا الدعاء لى ان تمر المشكلة دى على خير ان شاء الله

جرب والسيارة فى وضع الوقوف التام بدون غيار تدوس بنزين جامد هل الار بى ام بيوصل للاخر او قبل الاخر
لو تمام يبقى الموتور كويس ومفيش مشكلة
او ممكن تروح بنزينة وتقيس كبس المكنة لو كويس يبقى الموتور كويس وتنقل على تست اخر

لو العربية abs اعمل اتشك اب على نظام الفرامل لو مفيش مشاكل

يبقى كدة المشكلة انحصرت فى الفتيس او طقم الدبرياج او اداة الجر

المشاركة الأصلية كتبت بواسطة port_smoker

جرب والسيارة فى وضع الوقوف التام بدون غيار تدوس بنزين جامد هل الار بى ام بيوصل للاخر او قبل الاخر
لو تمام يبقى الموتور كويس ومفيش مشكلة
او ممكن تروح بنزينة وتقيس كبس المكنة لو كويس يبقى الموتور كويس وتنقل على تست اخر

لو العربية abs اعمل اتشك اب على نظام الفرامل لو مفيش مشاكل

يبقى كدة المشكلة انحصرت فى الفتيس او طقم الدبرياج او اداة الجر

هو اللى توصلنا لية هو الميكانيكا مفيهاش مشكلة المشكلة كدة فى الكهرباء وبالتحديد وحدة الكنترول ودى لسة مكشفتش عليها وتقريبا هى الوحيدة اللى مغبرتهاش فى التجربة وكمان معملتش تشك على نظام الفرامل زى ماانت بتقول هو فى وضع الوقوف التام بدوس بنزين الم}شر حتى 2 ار بى ام مخنوق جدا وبيقطع اول ما يوصل 2 ويعدى تفتح الى اخر العداد عادى جدا ويحدث ذلك فى كل مرة فى وضع الوقوف وفى المشى

بص بقة يا معلم دى مشلة كل لانسر وبتزيد لما صنيعى يعدل او يجى جنبها وهى تعديل نسبة الهواء والبنزين
من الانجكشن او الكربوراتير

بيحصل نفس مشكلتك ودة فى كل موديلات لانسر
العربية لما تيجى تعمل كيك داون اول مرة تلاقيها بتتخنق وتحجر فى الارض كانك دوست فرامل ومرة واحدة تطلع امريكانى

وعزم الموتور بيكون كويس قوى فى الغيار الاول والتانى والغيارات السريعة العزم بيقل والتجميع بيقل كتيير جدا

كدة يا بوب لو كلامى نفس ال بيحصلك يبقى تظبيط نسبة الهواء 100x100 هو مشكلتك

ودة بياخد وقت كبير عشان يتعدل ولازم الموتور يكون بارد عشان يتعمل صح

خلى الميكانيكى يقفل الهواء على الاخر خالص والعربية دايرة هتلاقى العربية تبطل لانها هاتشرق
وبعدين افتح الهواء تانى بمقدار 15 لفة
واطلع جرب العربية وان شاء الله هتلاقيها اتعدلت ولو مش تمام اقفل الهواء تانى بمقدار لفة او اتنين ولازم تجرب تانى

المشكلة عندك محصورة فى ان خليط الهواء والبنزين ال داخل المكنة مش مظبوط عشان كدة العزم بيقل بالضرورى جامد جدا

المشاركة الأصلية كتبت بواسطة port_smoker

بص بقة يا معلم دى مشلة كل لانسر وبتزيد لما صنيعى يعدل او يجى جنبها وهى تعديل نسبة الهواء والبنزين
من الانجكشن او الكربوراتير

بيحصل نفس مشكلتك ودة فى كل موديلات لانسر
العربية لما تيجى تعمل كيك داون اول مرة تلاقيها بتتخنق وتحجر فى الارض كانك دوست فرامل ومرة واحدة تطلع امريكانى

وعزم الموتور بيكون كويس قوى فى الغيار الاول والتانى والغيارات السريعة العزم بيقل والتجميع بيقل كتيير جدا

كدة يا بوب لو كلامى نفس ال بيحصلك يبقى تظبيط نسبة الهواء 100x100 هو مشكلتك

ودة بياخد وقت كبير عشان يتعدل ولازم الموتور يكون بارد عشان يتعمل صح

خلى الميكانيكى يقفل الهواء على الاخر خالص والعربية دايرة هتلاقى العربية تبطل لانها هاتشرق
وبعدين افتح الهواء تانى بمقدار 15 لفة
واطلع جرب العربية وان شاء الله هتلاقيها اتعدلت ولو مش تمام اقفل الهواء تانى بمقدار لفة او اتنين ولازم تجرب تانى

المشكلة عندك محصورة فى ان خليط الهواء والبنزين ال داخل المكنة مش مظبوط عشان كدة العزم بيقل بالضرورى جامد جدا

والله كلامك منطقى مليون فى المية يعنى التوكيل ميعرفش يعمل اللى انت بتقول علية ؟؟ والميكانيكى عمل كدة برضو بس العربية مكنتش باردة اوى المهم تنظيف البوابة دة اتعمل تقريبا حوالى 6 مرات على 3 ايام والنتيجة زى ماهى المشكلة انالمشكلة ممكن تكون بسيطة بس مفيش حد عارف يجبها لحد دلوقتى كنت عاوز اسئل اروح للرواس ولا توكيل قليوب ايهما افضل انا عارف ان الرواس بيشتغل فى العربيات الخليجى وانا عربيتى خليجى الافضل انى اوديها احسن

عربيتك مش محتاجة اى قطعة غيار ولا تنظيف اى حاجة
هو تظبيط الانجكشن فقط لا غير ودة عشان يتعمل تمام قوى لازم انتى تتعلم تعملة بنفسك اعرف من الميكانيكى فين مسمار التحكم بنسبة الهواء
وجرب انتى بنفسك على الطريق
قوم بالتعديل وجرب اكثر من مرة بنفسك

محدش اطلاقا بيعرف يظبط نسبة الهواء عشان كل سيارة ليها حالتها الخاصة بيها