الكلبة عندي خلفة (فيديو)

**me_medoo** · 24-04-2012 02:53 PM

المشاركة الأصلية كتبت بواسطة screenplays

كلاب ياااااااااااااااع

كده برضو ياسكرين ده الكلاب دي هيا اخر شيء في الدنيا. عندهم وفاء وصدق وطيبة ، وتلاقي كده الكلب ممكن يضحي بحياتو علشانك. ويرمي نفسو في وش الموت ولا حد يديقك ، متتصورش قد ايه الكلاب بتحس بيك. مرة. كانت ام العيال مسافرة وانا سبت العيال بتلعب فدخلو المطبخ. واقمو مولعين فيه والعيال قاعدة بتضحك وتقول هاي هاااااي. نار الله نارررر. وان مش سامعهم وقال ايه. كل واحد شايل قزازة مية نسلة وقاعد يرش عليه والبت ماسكة بخاخة. المي بتاعات المكوة وعمال تعمل فسسس فسسس على النار ، بس انا لقيت فلفي قاعده بتهووو هوووو وجية بتشد البطانية من عليا. وقاعدة بتصحيني. وتنط عليه وتهو هو وتشد رجل البنطلوم. فعرفت ان في مصيبة في البيت حصلت ورحت لقيت المطبخ بقة فحمة والنار يامشالله يا مشالله. وساعتها اتصرفت. عرفت بقى. ايه اهمية الكلاب في البيت ولسه احكيلك البدع ، ده حتى لو حد من العيال عيان ولا سخن بتيجي تصحينا. وتسحبنا كده لاوضتهم علشان تقولنا ان ابنك عيان او سخن

**Screenplays** · 24-04-2012 03:06 PM

بلاش قرف
نجسين يا عم
بعدين بيعدوا يعملوها في اي حته
هي ناقصه قرف

و الله لو اشترتلهم سلحفه
هيعدوا قدامها 24 ساعه
و هتخلص من زنهم
و اهه موفره جدا و نضافتها سهله

**Screenplays** · 24-04-2012 03:08 PM

العيال العفاريت ولعوا في المطبخ ؟ ربنا معاك

**me_medoo** · 24-04-2012 03:39 PM

لا ياباشا ازاي يعملوها في اي حته ... ده انا كنت لسوعتهم من ديلهم ... أنتا بتدربهم ان ليهم مكان محدد يعملوه فيها ... وبعدين انتا لاوم تمشيهم بالليل كده في اوقات محددة بيتعودو عليها ويفضلو ماسكين نفسيهم لغايت متنزلهم في الشارع وبراحتهم باه في اي حته ههههههههههههههه

**me_medoo** · 26-04-2012 06:51 AM

بس اما مش فاهم ياسكرين ، انتا شايفني حاططهم في حضني ولا قاعد ببوسهم من بوقهم ، انا حاطط الكلاب في بير السلم قفلو كده وعملو زي اوضة. وحاطط فيهم الكلاب. ، وفي ناس تانيه بتربي كلاب فوق السطح وفي ناس بتحط كلاب في الجراش. او حولين سور بيتهم ، واكيد الي بيربي كلاب ده مش ساكن في عشة او. شقتو اوضه وحمام ومطبخ ، اكيد ربنا مسهلوا وعندو امكانيه او مكان انو يربيهم فيه بسم الله مشاء الله
وهيا هواية عند ناس في ناس بتحب تربي قطط في ناس بتحب تربي حمام او عصافير او سلاحف وفي الي بيربي بط وز. بس انا من جوايا بقرف من الكلام ده. بس مبقرفش من تربية الكلاب وتدريبهم لكن انا عن نفسي بعتبر الي بيربي كلاب او سمك او حتى احصنة دي كله هوايات الملوك بتلاقيه برينس كده عايش مع نفسو ، فمتستهنشي مثلاً بتمن الكلب الواحد انتا عارف شوية الكلاب دي كده ٥٠٠٠ جنيه بسم الله مشاء الله ، عارف كمان لو هتاخود من عندي كلب علشان يعشر كلبة عندك هتدفعلي ١٠٠ جنيه وليا نص الخلفة وهما يومين بس حتى كان عندي كلب. بلجيكي بعتو ب ٣٥٠٠ جنية بسم الله مشاء الله والي اشتراه كان بيبوس ايدي اني انزلو فيه كمان وانا مرضيتش فمتستهينشي بتربية الكلاب لانها تجارة بتكسب وهوايا جميلة

**windofchange** · 26-04-2012 10:32 AM

والله يا ميدو الكلاب دي وفية وفيها صفات مش موجودة في بني آدمين كتير دلوقتي للاسف ,,عندنا البواب كان جايب كلب من الشارع ورباه وكبره بس الكلب ده مكنش متعلم او متدرب كان بيطلع علي عربيات الجيران ويهوهو علي اللي يخاف منه من الجيران(اعتقد ده بسبب انه شاف امه واخواته الصغيرين اتسمو وماتوا فلحظة من شويه جيران ربنا يحاسبهم بما يستحقوا اتعقد بقي )وكانوا عايزين يمشوه من المنطقة وبيكلموا البواب يمشوه واحنا فالعمارة كسكان عادي مكناش عايزين نمشيه وهددوا البواب يسموه حسبي الله ونعم الوكيل فيهم بجد عارف انت لما يكون البني آدم عايش بهواه ومزاجه ومفيش دين ولا شرع يحكموه واتسم فعلا معرفش من جيران ولا ايه وقعد 3 ايام بيموت ويتشنج وانا جبت مواصفات ادوية اديهاله بس معرفتش امسكه لأنه كان بيجري اه صحيح كان بيخاف من المياه الكلب ده ومات ومشفتش جثته دورت عليه فالمنطقة ملقيتوش ,,,بص بقه الوفاء فين اتصاحب علي كلاب فالشارع وراح قعد معاهم شهر كده ولا شهرين وسابهم ورجع كمل مع البواب صاحبه عادي وكان ملازمة فكل مكان يروحه يجيب منه طلبات للعمارة,,,, سكرين باشا لو اتعاملت مباشر مع الكلاب القرف منهم هيروح انا كنت بخاف منهم لغاية مااتعاملت معاهم وفاء وصدق وحب واخلاص يعني كتير نسمع صاحب الكلب يموت الكلب يكتئب ويضرب عن الطعام يقعدله اسبوع ويموت وحصلت كتير في مصر صدق الله حين قال "وَمَا مِن دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُم مَّا فَرَّطْنَا فِي الْكِتَابِ مِن شَيْءٍ ثُمَّ إِلَىٰ رَبِّهِمْ يُحْشَرُونَ "

**me_medoo** · 26-04-2012 02:01 PM

صدق الله العظيم ... فعلاً معاك حق ياباشا ... في ناس لاتقدر قيمة الروح الي في المخلوقات ومدى وفاء الكلاب ، والي سمو الكلاب دول ربنا ما هيكسبهم أبداً وذنب الكلاب دي في رقبتهم .

أنتو عارفين أن حل مشكلة الكلاب الي بتنط فوق سقف العربيات ، حلها كام عضمة ولا بواقي أكل ترمهملوو ... انا عامل كده لأن كتير بركن عربيتي بره البيت وخليت الكلاب البلدي توقف طول الليل تحرس عربيتي ... وحتى الصبح وميخلوش ولا عيل ولا قطه ولا كلب يسند حتى على العربية ... كلو بالتدريب ياريس ... الكلاب ذكية جداً بس محتاج حد يفهمهم بشويش وبراحة كانك بتعلم طفل او بتدرب طفل .

زمان انا كنت بخاف من الكلاب أيام ما كنت لسه شب صغير ... وكنا ساكنين في مكان يعتبر صحره وحته مقطوعه والغفير كان مربي كلبة جربانة وعرجة أسمها (فلة ) كنت بقرف وبخاف منها جداً ... لغايت مافي يوم من الايام ... حطيتلها بقايا أكل وطبخ وكلتهم .

ولقيتها بقت تستناني كل يوم واانا اشخط فيها واقلولها رووووووووووووحي أبعدي عني أيه القرف ده ... لمره في يوم كنت قاعد بالليل بغسل عربيت الحج قدام البيت وسرب كلاب مسعورة جي يجري عليا وعاوز يهاجمني معرفش ان كانو كلاب ولا ديابة ... لأن مفيش فرق بين الكلب المصري والديب المصري ..

ولقيتلك فولة الجربانه جية جري عليا وهيا بتصرخ وبتهو هو ... وقبل مالكلب جي يعوضني لقيتها رمت جتتها بيني وبين الكلب المسعور ... أو الديب المسعور ... ورحت انا استغليت الفرصة بسرعة ودخلت البيت جري وقفلت باب الحديد ورايا ... وقاعدت أشوفهم وهما بيستفرطو فيها وبيهبشوها من كل حته ..

حاولت اسعدها وارمي اي زلط او طوب على الكلاب علشان تمشي لكن مشيو بعد فوات الاوان ... قعدت فلة ياعيني تطلع في الروح بعديها ... بيومين وبقيت أروح أزروها واحاول اجبلها أكل وبقة قلبي بيتقطع وانا بشوفها بتموت قدامي ... وبسئلها بعنيا وبقلوها طب ليه دافعتي عني لييييييييييييييييه ... وانا الي كنت بقرف منك وبشخط فيكي وبقولك غوري من هنا ... وكنت بهشك بأي حجر أو بأي لوح خشب وأقول هشششششش من هنا .. تقومي أنتي تضحي بحياتك علشاني ... أنا مستهلش بجد ألي عملتيه علشاني ... لغايت مالمسكينة ماتت بعد عذاب من ورى جروحها وألامها ..

ومن ساعتها وانا بقيت أحـــب الكلاب وأهواهم ... وأعشقهم كمان .
وأقسم بالله العظيم أقسم بالله العظيم وشـرف وحيات عيالي الي مابحلف بيهم كذب أبداً أن قصة فلة دي واقعية وحقيقية 100% .

رحمة الله عليكي يا فلة .

**hany63** · 26-04-2012 02:38 PM

فعلاياباشا اللي ميعرفش يقول عدس
المخلوق الوحيد اللي تلقاه يحبك بدون مقابل وياريت كانت البني ادمين كلها في نفس درجة الوفاء
هاحكيلكم على موقف عملته الكلبه اللي عندنا
احنا جبناها و هي صغيره من الوسيط (جريفون) و بعدين مراتي زهقت عشان كانت بتوسخ الشقه و لسه مش عارفين نعودها على نفس المكان المهم مراتي رغم انها بتحبها جدا قررت تمشيها بأي طريقه و اتفقت مع اختها تديهالها عشان عندها ذكر نفس الفصيله
المهم بنتي الصغيره قعدت تعيط بحرقه و الغريب اني لقيت توفي (وده اسمها) زي ماتكون فاهمه انها ماشيه و بأمانه لقيت عنيها كلها حزن و منزله راسها
المهم دخلنا ننام و مراتي اصرت ان توفي تنام في الطرقه لوحدها و قفلتا ابواب اود النوم عشان ماتدخلش
و حوالي الساعه 3 صباحا صحيت على صوتها و هي بتهوهو متواصل انا قلت تلاقيها سمعت صوت على السلم و هتسكت انما مافبش فايده قلت يا واد استعبط لحد ما المدام تصحى تسكتها برضه ما فيش فايده قلت مابدهاش قوم ياواد سكتها بدل ما تصحي الشارع
قمت فاتح باب الاوده و شخطت فيها لقيتها مذعوره و بتجري على الاوده بسرعة الصاروخ
بصيت لقيت زي مايكون نور شمع خارج من المطبخ اتاري المطبخ بيولع و الدخان مالي الشقه
صرخت في مراتي و طفينا النار
اتاري سخان الميه الكهربا حصل فيه قفله و عمل ماس و ولع و النار كانت ابتدت توصل لخشب المطبخ
و الحمد لله الموضوع عدى على خير و قعدت اتخيل لو توفي كانت مشيت قبلها بيوم زي ماكنا متفقين و الميعاد اتأجل كان هيحصل ايه اكيد الدنيا كانت هتولع و احنا قافلين الاود ولا حاسين بحاجه لحد ما موتنا لولا ستر ربنا
طبعا لغينا فكره انها تمشي و دربناها كويس و بقى لها سنتين بعد الموقف ده