الموضوع: نصيحة لوجه الله

ممكن تركب بى ام مستعمل بالمبلغ دة لو انت غاوى ......

المشاركة الأصلية كتبت بواسطة حماده المصري

بص في الرنج ده لازم تضحى بحاجه قصاد حاجه مفيش عربيه فيهم هتديك كل حاجه انت عاوزها

جديد مقدامكش عربيه حلوه بصراحه ك مستوى حلو مش هتلاقي غير فيرنا ولانوس ولوجان وكلهم فئات صغيره اقتصاديه مش بتاعه لا جري ولا ثبات بالرغم من مواتيرهم الحلوه خصوصا الفرنا لكن مينفعوش


ممكن تركب النترا وب 70 الف تلحق شيب ال 2005 و الشكل الي بعده اوتوماتك ونضيف خصوصا لو 2005

ال 2005 اثبت ومتورها اضعف وفتيسها كذالك ال 2006 اقوى في المتور واقل في الثبات لكن مقبوله

عندك نيسان صني متور جميل جدا واعتماديه رائعه للمتور والفتيس والعربيه ك كل ثباتها مش قوي اوي لكن حلو
والصني بالذات في رنج ال 70 الف هتجيب 2006 و 2007 ممكن توصل معاك انك تجيب وحده ممشتيش اكتر من 50 الف وهتبقى من انضف الحالات الي هتشوفها

وممكن بقى تجيب بورا ودي طبعا ثبات واوبشن اعلى منهم كلهم لكن متورها مش قوي زيهم بس الماني ملوش حل بس قطع الغيار نار

وممكن برضو تجيب بي ام 316 موديلات 94 بس الله اعلم موديل كام بالضبط وهتبقى اوتوماتك ولا لا ومعتقدش انك هتلاقي حاله نظيفه بسهوله


نصيحتي ليك بقى لاني انا واجهت نفس المشكله برضو

الحاله النضيفه متفرطش فيها متنزلش تقول انا هجيب النترا او انا هجيب صني معظم المستوى ده من العربيات كله شبه بعضه والفروقات بينهم مش كبيره انا كنت راكب النترا يادوب اثبت شويه من الصني في مقابل الصني اسرع وكلها مش الفروقات الضخمه بين العربيات الي في المستوى ده البورا فقط اعلى منهم بكتييييير في الثبات

انما الفرق الحقيقي تحسه لما تيجي تركب فيرنا وتنزل تركب اي وحده من المذكوره اعلاه هتلاقي الفرق الشاسع الي يستاهل يخليك متدفعش ال 70 الف في فيرنا او لوجان او لانوس عشان كلمه زيرو


استخير وانزل دول والنضيف قدامك شيلو علطول وانت مغمض شرط انها تكون فعلا حاله نضيفه

انا متفق معاك فى الصنى عربية فوق الممتازة واعتمادية وثبات قوى

الرجاله اتكلمت و نسيت حاجه اسمها هوندا ولا ايه
الراجل بيتكلم فى ثبات و تسارع و قوه يعنى هوندا و بى ام
قدام حل من 2
يا تركب هوندا سيفيك من موديل 94 بموتور SIR 175 hp و دى هتبقى فى حدود ال 55 الف
يا اما تركب بى ام 316 او 318 موديل 90 لحد 93
اختار الحل اللى يريحك و لما ترسى على حاجه
يا تروح على قسم البى ام يا اما تشرفنا فى قسم الهوندا و نديك معلومات اكتر عن الموديل اللى انت عايزه
تحياتى ليك
^_^

الله وهو التويوتا وقعت من على قعر القفة ... الرجالو نسيو التويوتا ... ههههههههههه

بص ياباشا أن كنت بتدور على الأمان وأن كنت تبحث عن الثبات ... وعن السرعه ... وعن الاصالة وقوة التحمل فعليك بالتويوتا .

هاتلك يارس 2007 أو سيريون 2009 أتوماتيك gl 1300
او هتلك سيريون 1000سي سي هتلاقيها اقوى من عزم لانوس 1500 . وتحياتي .

المشاركة الأصلية كتبت بواسطة حماده المصري

معاك حق والله بس العريبات دي قدمت اوي خصوصا الهوندا لازم تلاقي بتفتح بقها في شويه حاجات مهما كانت نضيفه لانها خلاص قدمت وخصوصا الهوندا الحالات السليمه منها نادره ورائي الشخصي فيها من جوه قديمه اوي بالضافه الى العزل بتاعها برضو عن الشارع او عزل المتور مش اد كده


البي ام بقى 1992 وانت طالع لو حاله سليمه تبقى احسن من اي عربيه زيرو ممكن تتركب فعلا

بص يا باشا انا معاك ان الحالات النضيفه قليله بس موجوده
و مفيش حاجه اسمها العزل و عزل الموتور فى الشارع الكلام ده جديد عليا جداااااا
انا معايا بريليود 83 فيها اوبشن نزل فى العربيات من بدايه موديل ال 2005
انا عندى تكييف تاتش و ده منزلش غير فى الحديث بس
شكل التابلوه بتاع السيفيك اه معاك تحس انه قديم
بس الراجل لما سأل قال تسارع ثبات قوه و ده مش متوافر غير فى الهوندا و البى ام
^_^

المشاركة الأصلية كتبت بواسطة me_medoo

الله وهو التويوتا وقعت من على قعر القفة ... الرجالو نسيو التويوتا ... ههههههههههه

بص ياباشا أن كنت بتدور على الأمان وأن كنت تبحث عن الثبات ... وعن السرعه ... وعن الاصالة وقوة التحمل فعليك بالتويوتا .

هاتلك يارس 2007 أو سيريون 2009 أتوماتيك gl 1300
او هتلك سيريون 1000سي سي هتلاقيها اقوى من عزم لانوس 1500 . وتحياتي .

حبيبى يا ميدو
هقولك حاجه يا ميدو
عايز تفنعنى ان ثبات و تسارع و قوه العريبات دى زى قوه الهوندا و البى ام
ابسلوتلى
لو عندك الدليل اقنعنى و انا هروح دلوقتى اولع فى الهوندا بتاعتى لو دول
فيهم ثبات و تسارع و قوه زيها
^_^