الموضوع: ازاى بعد ما تغير موتور العربية تبيع الموتور القديم ؟

ده موتور ايه ده ؟؟ قصدى نوع العربية ايه ؟؟؟

طبيب لما انت كنت عايز تسقط موتور , ليه كنت بتشتري حاجات جديدة و بتظبط الموتور القديم , ما كنت توفر أحسن ,
على العموم اللي انت بتعمله صح انك عايز تشوف لو حد محتاج حاجة من اللي عندك و ربنا يجازيك خير على نيتك ,
بس اسأل تاني عند اكتر من محل بيع إستيراد أو في الحرفين أو في عزبة شلبى أو الوكالة ,
و لو رسيت على الميكانيكي يبقى انت حاولت .

موضوع تغيير الموتور فشل فشلا زريعا بسبب ان البهوات فى الحرفيين مش عاوزين يبيعوا كله على بعضه ولكن عاوزين يبيعوا قطعة قطعة يعنى الموتور بفتيسه لحده والتكييف لوحده (وطبعا كومبريسور بس من غير سربنتينة ولا كويل ولا حاجة ) والعفشة لوحدها والباور لوحده (وطبعا من غير علبة الدريكسيون ) وهكذا يعنى علشان تقفل الموتور عاوز 3 او 4 الاف جنيه كمان فطبعا ده موضوع فاشل فانا نزلت جنطت العربية جنوط فرنساوى استيراد شكلهم جميل وخفاف على العفشة جدا وجبت اربع فرد كاوتش جداد (هانكوك اصلى من اولاد صبرة فى المنيل ) وركبت تكييف Sanden يابانى جديد وفيمت زجاج البيبان نص من فوق علشان ماحدش يبق معايا فى لجان المرور وكدة بقت العربية 10 على 10 مش ناقص غير شوية سمكرة وبوية واغير الفرش الداخلى وان شاء الله يتعملوا قريب

ياريت ياباشا تصورلنا العربيه بعد ماتخلص والحاجات اللي عايز توزعها ببلاش اعمل عنها موضوع في قسم تبادل الهدايا بين الاعضاء

المشاركة الأصلية كتبت بواسطة محمدعيسى

هو انت هتبيع ولا لا يا استاذ احمد عشان انت عامل موضوع تاني عن بيع العربية و في نفس الوقت عامل موضوع عن انك هتشدها

والله يا استاذ محمد لو تلاحظ التواريخ هاتلاقى الامر منطقى انا عرضتها للبيع واحد قاللى دى عاوزة تتشد شدة كويسة فصرفت عليها 5000 جنيه تكييف وجنوط وكاوتش ولسة هادخلها سمكرة وبوية وفرش وترويش والله جابتلى الى انا عاوزه باللى اتصرف عليها كان بها ماجابتش خليها وهى اساسا زى الفل ولما اتظبطت بقت احلى ولسة هاتحلو كمان مافيش مشكلة خالص لو حد عاوزها على عينى وعلى راسى ولو ماحدش عاوزها ادينى راكبها ومريحانى ... اتمنى اكون واضح وشكرا