محدش ياخد الفلوينس ويدينا مكانها مروحه

**jackson_75** · 01-05-2012 03:08 PM

ربنا معاك ويوفقك لما فيه الخير , الأخوة الأفاضل والله ما قصروا فى شىء
أستشير برضوا الأستاذ bukla وهو من مالكى هذه السيارة وعنده فيها خبرة كبيرة وأنسان محترم جداً
أكيد أن شاء الله هاتوصل معاه لنتيجة

**Amr_Moh** · 01-05-2012 03:39 PM

ربنا يوفقك لما فيه الخير
لو مش عايزها وحتبيع احنا هنا أولى
أنهي فئة وبكام

**engtmk** · 02-05-2012 01:26 AM

المشاركة الأصلية كتبت بواسطة amr_moh

ربنا يوفقك لما فيه الخير
لو مش عايزها وحتبيع احنا هنا أولى
أنهي فئة وبكام

فئه اول واتوماتيك عرضتها للبيع واكتشفت التالي

هاخسر 45000 بالتمام والكمال هما اجمالي المقدم واقساط 6 شهور غير التامين والصيانات فبصراحه انا مش بلاقي فلوسي في الارض فصرفت نظر عن بيعها او استبدالها

**alumni** · 04-05-2012 05:00 PM

والله انا مش عارف اقول اية بس ربنا معاك يارب انا بردة كان معايا واحدة و هما ال 8 شهور و الله والله و بعتها و مش ندمان عليها خالص تكيف زفت و فتيس زفت و مفيش اى سحب من الموتور و كانى راكب عربية موديل 80 بس فى توب 2011 الحمد لله انى بعتها بجد و ربنا معاك بس نصيحة لو مش هتبيع اوعا تسيب التوكيل اديهم بالجزمة بهدلهم و مسخرهم دى نصيحة لوجة الله علشان دول الكلمة الوحيدة اللى عندهم العربية زى الفل حضرتك و مفيش حاجة و الجهاز مش متطلع حاجة مفيش حاجة حضرتك جرب و لو فى حاجة تعالى تانى و ادفع بقى ياعم تقولش احنا بنشتغل و ناخد مرتبنا علشان ندى لتوكيل رينو حاجة تقرف بجد انا حاسس بيك و الله و الجو نار ربنا معاك

**amedmado** · 07-05-2012 01:31 AM

المشاركة الأصلية كتبت بواسطة hany63

بص حضرتك مبدئيا روح محطة بنزين وسلط هوا على السربنتيته من الخارج و بعدين ميه بقوة دفع وشوف النتيجه المفروض الدنيا تتحسن
و لو غلبوك في التوكيل ممكن ادلك على واحد شاطر يعملهولك ومش هيأثر على الضمان كانت السربنتينه اتخرمت و العربيه زيرو وطلبوا 4000 جنيه خلص لي الليه ب150 جنيه و التكييف تلاجه لدرجة اني عايزه يسخن ومش عارف

الأخ الفاضل هانى ياريت تدلنى على المتخصص بتاع التكييف ده عشان انا كمان عندى ميجان 2 موديل 2006 و التكييف مبحسش بيه خالص لما بشغله وقت الذروة من 12 الى 3 ظهرا و نفسى فى تكييف ثلاجه و جزاك الله خيرا

**hany63** · 07-05-2012 01:41 PM

المشاركة الأصلية كتبت بواسطة amedmado

الأخ الفاضل هانى ياريت تدلنى على المتخصص بتاع التكييف ده عشان انا كمان عندى ميجان 2 موديل 2006 و التكييف مبحسش بيه خالص لما بشغله وقت الذروة من 12 الى 3 ظهرا و نفسى فى تكييف ثلاجه و جزاك الله خيرا

حضرتك وانت جاي من رمسيس على العباسيه اول يمين مباشره بعد كوبري غمره تمشي حوالي 100 متر هتلقى الورشه على الشمال قبل ما تحصل ميدان السكاكيني و اسمه محمد هتلقاه شاب محترم وابن ناس و بيشتغل بأيده و امين جدا

**dodopop2** · 18-05-2012 06:56 PM

90% غير فلتر التكييف

**engtmk** · 19-05-2012 01:14 AM

المشاركة الأصلية كتبت بواسطة dodopop2

90% غير فلتر التكييف

غيروا في التوكيل علي حسابي طبعا لانه مستهلكات هو عموما انا خلاص اقتنعت ان ده اخر التكييف وهم كل ماروحوا يقولوا فريون لا فلتر لا مش عارف ايه
قلت اوفر فلوسي وكبر دماعي والحمد لله علي المشاوير والوقت اللي راح