الموضوع: الوداع يا طرمبتي اهئ اهئ - العزاء غدا ً بمكرم عبيد

النهاردة روحت لعصام حسب الأتفاق
كلمته وقالي ان الطرمبة جاتله
خلصت الشغل ورحت جبت العربية وروحتله

فك الطرمبة الي كانت راكبة (طرمبة ايهاب اسماعيل) وركب الجديدة
الطرمبة الجديدة طرمبة جولف 4

بعد ماركب وقفل
طلعت اجرب
مفيش ادني فرق بينها وبين طرمبة ايهاب اسماعيل
العربية مكتومة ولما اقرص علي التاني تفضل تنتش وهي بتعلي الأر بي ام

رجعتله وقولتله الطرمبة دي ماتلزمنيش
فعلا الراجل فكها تاني

بس المرادي اديتله طرمبتي حبيبة قلبي
ربنا يارب يحفظها ويخليهالي

فعلا ركب طرمبتي القديمة
بدور
العربية دارت
صحيح بتعتل شوية في الدوارة بس دارت

المهم

طلعت اجرب
بسم الله ما شاء الله ولا قوة الا بالله

اول تاني 6 ار بي أم
تجميع من صفر ل 60 في حوالي 5 ثواني
اللهم صلي علي النبي
الله اكبر عليها

انا مش عارف بقي
هل الطرمبات كلها واحدة
ولا بتختلف من طرمبة للتانية

بمعني
هل الطرمبات الي بتكتم معايا لو ركبت في عربيات تانية هتشتغل كويس ولا بردو هتكتم ؟؟؟

انا مش عارف

بس انا شايف ان انسب طرمبة لعربيتي هي طرمبتي القديمة
وهي الوحيدة الي بسم الله ما شاء الله بتخلي العربية تنطلق زي الصاروخ وتجميع سريع

وعليه
انا نويت اشتري طرمبة جديدة vdo ان شاء الله
ويارب تطلع كويسة
ولحد لما اشتري الطرمبة اديني راكن العربية ومش هطلع بيها لحسن تعملها معايا تاني وتقطع المرادي في حتة مش كويسة

ادعولي بالتوفيق

والله المستعان
،
،