هل لو حطيت حتت مبلولة بزيت فى اماكن البرومة بتقلل من ظهورها

**michohat** · 11-06-2008 01:36 PM

امبارح سمعت حاجه من الراجل اللى بشترى منه قطع الاستيراد لعربيتى
انه ممكن لو عاوز اقلل من وجود البارومة فى العربية انى انقع حتت قماش فى زيت عربيات (ازفرها يعنى) واحط حتت القماش دى بزيتها فى الاماكن اللى معروف عنها انها بتبدأ فيها البارومة فى العربية ففهمت منه انه قصده انه يزفر الاماكن دى علشان مفيش مية تستنى فيه
فهل ده صح ولا غلط
افيدونا يا اصحاب الخبرة

**aid904** · 11-06-2008 06:07 PM

علبه Wd 40 و رش على الاماكن العرضه للبارومه تحميها ان شاء الله بس لازم التكرار كل فترة

**ahmedsrs** · 11-06-2008 06:10 PM

ممكن تحط شحم

**Akram** · 12-06-2008 11:00 PM

موضوع الشحم ده انا سمعته قبل كده ومش بس على الحتت اللي ممكن يجي فيها بارومة لكن في كل احوض و على معظم أجزاء الموتور ,

12-06-2008 11:33 PM

طب حضرتكم عارفين ليه الراجل مقالهوش نحط شحم ؟؟؟
لان الشحم بيلم تراب ووساخه بشكل فظيع..عشان كده لايفضل استخدامه على الاجزاء الخارجيه او المعرضه للهواء مباشرة

من الآخر الشحم يستخدم لتشحيم الاجزاء او المفصلات او الوصلات المعدنيه المتحركه
لمنع حدوث الاحتكاك الجاف او لتسهيل حركتها فقط

فى منتج اسمه anti dust &humidity ودى بتعمل زى طبقة ظفاره تمنع التصاق الاتربه او حدوث بارومه

**michohat** · 13-06-2008 05:33 PM

وده اجيبة منين مع العلم انى من الشرقية وبنزل القاهرة بس مش ملم بالاماكن فيها

**ahmedsrs** · 17-06-2008 06:21 PM

هو بيلم فعلا تراب بس مش مهم فى سبيل الوقاية من البارومة حتى ممكن تلاحظ العربيات الآدا الروسى بتيجى عليها طبقة شحم للوقاية من الرطوبة والمياه

**michohat** · 18-06-2008 07:34 AM

انا بسئل اللى يتحط فى المناطق الداخليه اللى مش بتتفك كتير يعنى زى الاماكن اللى ورا العجل الامامى والعتب وصدر صالون العربية و عند المناطق اللى فيها فتحات لتصريف المياة دول احط ايه عندهم علشان المياة مش تستنى وتنزل على طول شحم ولا wd-40 ولا حتت قماش منقوعة فى زيت